ADផ្ទាំងផ្សព្វផ្សាយពាណិជ្ជកម្ម

Picture

កូរ៉េ​ខាងជើង​មាន​អ្នក​ស្លា​.​ប់ ២១​នាក់​ទៀត ដោយសារ​កូ​វី​ដ​១៩

2 ថ្ងៃ មុន

ប្រទេស​កូរ៉េ​ខាងជើង នៅ​ថ្ងៃ​សៅរ៍​នេះ បាន​ប្រកាស​ពី​អ្នក​ស្លា​.​ប់​ចំនួន ២១​នាក់​ទៀត​ពី​គ្រុនក្តៅ​រយៈពេល​២​ថ្ងៃ បន្ទាប់​ពី​ប្រទេស​ដ៏​ឯកោ​នេះ បាន​ប្រកាស​ពី​ការ​រក​ឃើញ​ករណី​ឆ្លង​កូ​វី​ដ ១៩​លើក​ដំបូង និង​បញ្ជា​ឲ្យ​មាន

កូរ៉េ​ខាងជើង ៖ ប្រទេស​កូរ៉េ​ខាងជើង នៅ​ថ្ងៃ​សៅរ៍​នេះ បាន​ប្រកាស​ពី​អ្នក​ស្លា​.​ប់​ចំនួន ២១​នាក់​ទៀត​ពី​គ្រុនក្តៅ​រយៈពេល​២​ថ្ងៃ បន្ទាប់​ពី​ប្រទេស​ដ៏​ឯកោ​នេះ បាន​ប្រកាស​ពី​ការ​រក​ឃើញ​ករណី​ឆ្លង​កូ​វី​ដ ១៩​លើក​ដំបូង និង​បញ្ជា​ឲ្យ​មានការ​បិទ​ទូ​ទាំង​ប្រទេស​។

ប្រព័ន្ធ​ផ្សព្វផ្សាយ​រដ្ឋ KCNA របស់​កូរ៉េ​ខាងជើង បាន​រាយការណ៍​ថា ករណី​ជំងឺ​គ្រុនក្តៅ​ថ្មី​ចំនួន ១៧៤.៤៤០​ករណី ត្រូវ​បាន​រក​ឃើញ​នៅ​ថ្ងៃ​សុក្រ ម្សិលមិញ​នេះ ហើយ​មនុស្ស​ចំនួន ២១​នាក់​បាន​ស្លា​.​ប់ ខណៈ​របប​កុម្មុយនីស្ត​នេះ បាន​ផ្លាស់​ប្តូរ​ទៅ​រក​ការ​អនុវត្តន៍​ប្រព័ន្ធ​ធ្វើ​ច​ត្តា​ឡី​ស័​ក្ត​បន្ទាន់ ដើម្បី​បន្ថយ​ការ​រីក​រាលដាល​វីរុស​នេះ ក្នុង​ចំណោម​ប្រជាជន​ដែល​មិន​ធ្លាប់​ទទួល​បាន​វ៉ាក់សាំង​សោះ​។

Picture

ការ​ចុះ​ផ្សាយ​របស់ KCNA មិន​បាន​បញ្ជាក់​លម្អិត​ថា តើ​ជន​រង​គ្រោះ​ធ្វើតេស្ត​វិជ្ជមាន​កូ​វី​ដ​១៩ ឬ​យ៉ាងណា​នោះ​ទេ? ប៉ុន្តែ​អ្នកជំនាញ​និយាយ​ថា កូរ៉េ​ខាងជើង​ខ្វះ​សមត្ថភាព​ធ្វើតេស្ត​ទ្រង់ទ្រាយ​ធំ​។

KCNA បន្ត​ថា «​ចំនួន​ប្រជាជន​ដែល​ឈឺ​ទូ​ទាំង​ប្រទេស​មាន ៥២៤.៤៤០​នាក់ ដែល​ក្នុង​នោះ​មាន ២៣៤.៦៣០​នាក់ បានជា​សះស្បើយ និង ២៨៨.៨១០​នាក់​កំពុង​ទទួល​ការ​ព្យាបាល ហើយ​ចំនួន​អ្នក​ស្លា​.​ប់​មាន​២៧​នាក់​រហូត​មក​ដល់​ពេល​នេះ​»​។

Picture

សូម​បញ្ជាក់​ថា កូរ៉េ​ខាងជើង បាន​បើក​កិច្ចប្រជុំ​ការិយាល័យ​នយោបាយ​លើក​ទី​២ របស់​ខ្លួន នៅ​ស​ប្តា​ហ៍​នេះ ដែល​កិច្ចប្រជុំ​នោះ​ត្រូវ​បាន​គ្រប់គ្រង​ដោយ​មេដឹកនាំ​កំពូល Kim Jong-un​។ លោក​និយាយ​ថា ការ​ផ្ទុះ​វីរុស​បង្ក​ឲ្យ​មាន​ភាព​ចលាចល​ខ្លាំង​នៅ​ក្នុង​ប្រទេស​៕ (​យោង​តាម​ប្រភព​៖ AFP)

Picture
Picture
Picture
Picture
Picture