កំពូល Snipers ដ៏ល្បីលើលោក ចាកចេញពីអ៊ុយក្រែន ក្រោយជួបរឿងខកចិត្តបំផុត
កាណាដា ៖ កំពូលអ្នកល.បបា.ញ់ (Sniper) ដ៏គ្រោះថ្នាក់បំផុតរបស់ពិភពលោក ដែលស្ម័គ្រចិត្តទៅចូលរួមជាមួយអ៊ុយ
កាណាដា ៖ កំពូលអ្នកល.បបា.ញ់ (Sniper) ដ៏គ្រោះថ្នាក់បំផុតរបស់ពិភពលោក ដែលស្ម័គ្រចិត្តទៅចូលរួមជាមួយអ៊ុយក្រែន ដើម្បីប្រយុទ្ធនឹងកងទ័ពរុស្ស៊ី បានត្រឡប់ទៅប្រទេសកំណើតវិញ។ បន្ទាប់ពីជួបរឿងខកចិត្តយ៉ាងខ្លាំងជាមួយនឹងការពិតពីយោធានៅអ៊ុយក្រែន។ នេះបើយោងតាមប្រភពពីគេហទំព័រ Daily Telegraph របស់នូវែលហ្សេឡង់បានចេញផ្សាយកាលពីពេលថ្មីៗនេះ។ គួររំលឹកថា កំពូល Snipers ខ្លាំងបំផុតលើលោកម្នាក់ ចូលរួមជាមួយអ៊ុយក្រែនប្រយុទ្ធនឹងទាហានរុស្ស៊ី
អតីតកំពូលអ្នកល.បបា.ញ់របស់ទាហានកាណាដាដ៏ចំណានបំផុត ដែលត្រូវបានគេស្គាល់ឈ្មោះមិនផ្លូវការថា «Wali» បានចោទប្រកាន់អំពីភាពចលាចល អំពើលួចប្ល.ន់ និងការអសមត្ថភាពក្នុងជួរកងទ័ពអ៊ុយក្រែន។
លោក «Wali» ដែលត្រូវប្រព័ន្ធផ្សព្វផ្សាយអន្តរជាតិហៅថា កំពូលអ្នកលបបាញ់ដៃត្រង់ និងគ្រោះថ្នាក់បំផុតលើពិភពលោកបានអះអាងអំពី ការខ្វះខាត់អាវុ.ធ ការហ្វឹកហាត់មិនល្អ ព្រមទាំងការលួចបន្លំរកប្រាក់ចំណេញ និងការរត់ចោលជួរនៃយោធាអ៊ុយក្រែន។
ក្រោមត្រឡប់មកផ្ទះវិញ នៅក្នុងទីក្រុង Quebec បុរសវ័យ៤០ឆ្នាំរូបនេះ បានប្រាប់សារព័ត៌មានកាណាដា La Presse ថា មេបញ្ជាការអ៊ុយក្រែនរបស់គាត់ ដំបូងមិនដឹងថាត្រូវធ្វើអ្វីជាមួយក្រុមអ្នកប្រយុទ្ធបរទេសស្ម័គ្រចិត្តដូចជារូបគាត់។ ដោយធុញទ្រាន់នឹងការរង់ចាំប្រយុទ្ធយូរពេក Wali បានទៅចូលរួមជាមួយ «Norman Brigade» ដែលជាអង្គភាពអ្នកប្រយុទ្ធបរទេសនៅអ៊ុយក្រែន ដឹកនាំដោយអតីតទាហានកាណាដាម្នាក់។
ទោះយ៉ាងណា សមាជិកមួយចំនួននៃអង្គភាពនេះ បានអះអាងថា អាវុ.ធ និងរថពាសដែកដែលបានសន្យាដោយប្រធានកងពលតូចថានឹងផ្តល់ឱ្យពួកគេ មិនបានបង្ហាញខ្លួនឡើយ។ ខណៈសមាជិកមួយចំនួនស្ថិតនៅជិតសមរភូមិជួរមុខ គ្មានឧបករណ៍ការពារនោះទេ។ ចាប់តាំងពីពេលនោះមក សមាជិកប្រហែល ៦០នាក់នៃអង្គភាពបានបោះបង់ការតស៊ូរបស់ខ្លួន។ បន្ទាប់ពីដឹងថា មានការលួចដឹកជញ្ជូនអាវុធដែលផ្គត់ផ្គង់ដោយអាមេរិកក្នុងតម្លៃប្រមាណ៥០ម៉ឺនដុល្លារ ដើម្បីបង្កើតអង្គភាពផ្ទាល់ខ្លួនផ្សេងទៀតទៅវិញ។
នៅទីបំផុត Wali បានបន្តទៅចូលរួមជាមួយអង្គភាពអ៊ុយក្រែនដែលកំពុងប្រយុទ្ធនៅជិតទីក្រុងគៀវ។ ហើយនៅទីនោះ គាត់បាញ់បានត្រឹមតែ២គ្រាប់ប៉ុណ្ណោះ ដើម្បីបំភ័.យសត្រូវ។ ប៉ុន្តែគាត់បានពិពណ៌នារឿងដ៏ហួសចិត្តអំពីការស្វែងរកអាវុ.ធ អាហារ រួមនិងប្រេងសាំងនៅទីនោះ។
គួររំលឹកថា Wali បានឆ្លើយតបនឹងការអំពាវនាវរបស់ប្រធានាធិបតីអ៊ុយក្រែន លោក Volodymyr Zelensky កាលពីដើមខែមីនា សម្រាប់ការស្ម័គ្រចិត្តរបស់ជនបរទេសជួយប្រយុទ្ធនឹងទាហានរុស្ស៊ី។ ហើយក្រោយទទួលការអំពាវនាវភ្លាម Wali មិនស្ទាក់ស្ទើរ ដើម្បីមកចូលរួមជាមួយអ៊ុយក្រែននោះទេ៕
ចែករំលែកព័តមាននេះ