រាជធានីភ្នំពេញ ៖ ថ្លែងចេញពីទឹកដីសហរដ្ឋអាមេរិកសម្តេចតេជោ ហ៊ុន សែន នាយករដ្ឋមន្ត្រីបញ្ជាក់ថា ការចាប់ផ្តើមជំងឺកូវីដ១៩ បានធ្វើឲ្យកើតជាសង្គ្រាមជាដំណាក់កាលដែលធ្វើឲ្យបណ្តាប្រទេសលើសកលលោកដណ្តើមគ្នា។ ថ្លែងក្នុងពិធីជួបសំណេះសំណាលរវាងសម្តេចតេជោ ហ៊ុន…
រាជធានីភ្នំពេញ ៖ ថ្លែងចេញពីទឹកដីសហរដ្ឋអាមេរិកសម្តេចតេជោ ហ៊ុន សែន នាយករដ្ឋមន្ត្រីបញ្ជាក់ថា ការចាប់ផ្តើមជំងឺកូវីដ១៩ បានធ្វើឲ្យកើតជាសង្គ្រាមជាដំណាក់កាលដែលធ្វើឲ្យបណ្តាប្រទេសលើសកលលោកដណ្តើមគ្នា។
ថ្លែងក្នុងពិធីជួបសំណេះសំណាលរវាងសម្តេចតេជោ ហ៊ុន សែន ជាមួយនឹងសហគមន៍ខ្មែរនៅអាមេរិក និងខ្មែរនៅកាណាដាក្នុងឱកាសដែលសម្តេចអញ្ជើញចូលរួមធ្វើជាសហប្រធានជាមួយនឹង ប្រធានាធិបតីសហរដ្ឋអាមេរិកសម្រាប់កិច្ចប្រជុំកំពូលពិសេសអាស៊ាន-អាមេរិក នៅថ្ងៃទី១២ ខែឧសភា ឆ្នាំ២០២២ វ៉ាស៊ីនតោនឌីស៊ីថ្ងៃទី១១ ខែឧសភា ឆ្នាំ២០២២សម្តេចតេជោបានបញ្ជាក់ថា ៖«ការចាប់ ផ្តើមកូវីដដំណាក់កាលទី១គឺជាដំណាក់កាលសង្គ្រាមដណ្តើមម៉ាស់ និងក្រដាសអនាម័យ ដំណាក់ទី២ គឺសង្គ្រាមដណ្តើមវ៉ាក់សាំងដោយមានលុយហើយទិញមិនបាន»។
សម្តេចលើកឡើងថា ជម្រើសកម្ពុជាចាក់យុទ្ធសាស្ត្រ គឺយកប្រទេសជាបង្អែកយុទ្ធសាស្ត្រក្នុងការផ្គត់ផ្គង់វ៉ាក់សាំង ឯងវ៉ាក់សាំងពីប្រទេសដទៃ គឺជាប្រភពគាំទ្រ ។ យើងបានយកវ៉ាក់សាំងពីចិនជាជំនួយ៧លានដូសបូកនឹងការទិញ២៨លាន៥សែនដូស ។ ក្នុងពេលនឹងសហ រដ្ឋអាមេរិកបានឲ្យវ៉ាក់សាំង១លានដូសបន្ទាប់មកជប៉ុនឲ្យ១លាន៣សែន ចុងក្រោយនេះ អូស្ត្រាលីឲ្យ២លាន ៣សែនដូស ចុងក្រោយនេះអាមេរិកឲ្យ៧លាន៥សែនដូស (ដឹកទៅ២លានដូសរួចហើយ)…។
ក្នុងឱកាសនោះដែរ សម្តេចតេជោ ហ៊ុន សែន នាយករដ្ឋមន្ត្រីបានលើ កឡើងកម្ពុជាបានកំណត់ប្រជាពលរដ្ឋតែជាង១៦លាននាក់ តែការចាក់វ៉ាក់សាំងបង្ការជំងឺកូវីដ១៩ បានរហូតដល់ជាង១៥លាននាក់ ដូច្នេះ គឺជាចំនួនមួយដ៏ធំ ។
សម្តេចតេជោ បានលើកឡើងថា តាមរបាយការណ៍ដែលសម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃផ្ញើឲ្យថា កម្ពុជាមិនមានស្លា.ប់ដោយសារជំងឺកូវីដ តែមានអ្នកស្លា.ប់ដោយសារគ្រោះថ្នាក់ចរាចរណ៍ជាងរៀងរាល់ថ្ងៃ ។ សម្តេចបញ្ជាក់ថាគ្រោះថ្នាក់ចរាចរណ៍នេះ ដោយសាររថយន្តនៅក្នុងប្រទេសកម្ពុជាមានចំនួនច្រើន ជាក់ស្តែងឲ្យតែនៅពេលល្ងាចថ្ងៃសុក្រដឹងតែកកស្ទះចរាចណ៍តែម្តង ។
ជាមួយគ្នានោះដែរ សម្តេចក៏បានឲ្យដឹងថា នៅតាមព្រំដែនកម្ពុជា ថៃ អ្នកដែលកំពុងធ្វើចត្តាឡីស័កនៅក្នុងមណ្ឌលដោយគាត់មិនបានចាក់វ៉ាក់សាំងហើយឆ្លងពីប្រទេសថៃ នៅសល់៩៩នាក់ ។ សម្តេចថា៖«យ៉ាងហោចណាស់ខ្ញុំដឹងព័ត៌មាន…សម័យនេះហើយ គឺសម័យអាយធី តិចអ្នកនៅអាមេរិកចាញ់អ្នកនៅស្រុកខ្មែរ មិនចេញវ៉ាត់អាប់វាយប៊័រ តេឡេក្រាម វីឆាត…ពួក នោះអត់បានទេ! អាហ្វូនបើមាននៅទីអាមេរិកស្រុកខ្មែរក៏មាន នៅអាមេរិកខ្លះប្រើតែប្រទេសសេរីអាហ្វូន១០ នៅខ្មែរប្រើអាហ្វូន១៣បាត់អត់បានទេ!»៕
ចែករំលែកព័តមាននេះ