កម្ពុជាចាញ់សិង្ហបុរី១-០ តែលោក Honda សរសើរទម្រង់លេងកម្ពុជាល្អជាងមុន
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបានចាញ់ក្រុមជម្រើសជាតិអាយុក្រោម២៣ឆ្នាំ សិង្ហបុរីក្នុង
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបានចាញ់ក្រុមជម្រើសជាតិអាយុក្រោម២៣ឆ្នាំ សិង្ហបុរីក្នុង
វៀតណាម ៖ ក្រុមជម្រើសជាតិអាយុក្រោម២៣ឆ្នាំកម្ពុជាបានចាញ់ក្រុមជម្រើសជាតិអាយុក្រោម២៣ឆ្នាំ សិង្ហបុរីក្នុងលទ្ធផល១-០ សម្រាប់ការប្រកួតជុំទី២ពូលBនៅទីលានThein Troung នៃព្រឹត្តិការណ៍កីឡាស៊ីហ្គេមលើកទី៣១នៅប្រទេសវៀតណាម កាលពីថ្ងៃទី១១ ឧសភា ។
ការប្រកួតលើកនេះ ទោះក្រុមជម្រើសជាតិសិង្ហបុរីមានមាឌធំៗជាងបន្តិចក្ដី ប៉ុន្តែកម្ពុជានៅតែមានឱកាសលេងវាយសម្រុកជាច្រើនលើកច្រើនសា គ្រាន់តែគ្មានឱកាសបំប៉ោងសំណាញ់ទីខាងសិង្ហបុរីបានសម្រេចប៉ុណ្ណោះ ។ ជាពិសេសនៅនាទីទី២៥គួឱ្យសោកស្ដាយបំផុត កីឡាករខ្សែប្រយុទ្ធសៀង ចន្ធា មានឱកាសអូសបាល់ពីកណ្ដាលទីដាច់ខ្សែការពារសឹង្ហបូរីជាច្រើននាក់ ប៉ុន្តែខ្សែប្រយុទ្ធរូបនេះមិនអាចបញ្ចប់ទីបាន ដោយសាមានការរារាំងពីអ្នកចាំទីសិង្ហបូរី ។ មិនតែប៉ុណ្ណោះថែមទាំងមានឱកាសទាត់បាល់ចេញពីជ្រុងជាច្រើនលើកច្រើនសាទៀតផង ប៉ុន្តែរាល់លើកសុទ្ធតែត្រូវបានសង្គ្រោះដោយខ្សែការពារសឹង្ហបូរី ។ ទីបំផុតចូលដល់នាទីទី៣៥ក្នុងតង់ទី១ ត្រូវកីឡាករសិង្ហបូរីSaifullah Arkbar តែតបាល់បញ្ចូលទីបានសម្រេច១គ្រាប់នាំមុខមុន។
នៅក្នុងតង់ទី១នេះកម្ពុជាមានឱកាសវាយបកវិញ ដើម្បីតាមរកគ្រាប់បាល់សង ប៉ុន្តែនៅនាទីទី៣៩កីឡាករញាន ស៊ីដាន់ ខ្សែប្រយុទ្ធកម្ពុជាទាត់បាល់មួយជើងឆ្វេងចំបង្គោលទី ។ ចូលដល់នាទីទី៥០ខាងកម្ពុជាមានឱកាសម្ដងទៀតប៉ុន្តែនៅតែគ្មានសំណាងទាល់តែសោះ។ ជាពិសេសនៅនាទីទី៧៥កម្ពុជាមានឱកាសទាត់បាល់Free Kickចំគោលដៅបានល្អណាស់តែត្រូវអ្នកចាំទីសង្គ្រោះបានទៀត ។ ការប្រកួតកាន់តែស្វិតស្វាញចូលដល់នាទីទី៨៦ជិតបញ្ចប់ម៉ោងប្រកួតទៅហើយនោះ កម្ពុជាបានដាក់សម្ពាធទៅលើក្រុមសិង្ហបូរីជាប់ តែគ្មានសំណាងបំប៉ោងសំណាញ់ទីសិង្ហបូរីបានឡើយ ។ ធ្វើឱ្យខាងសិង្ហបូរីរក្សាគ្រប់បាល់១គ្រាប់របស់គេរហូតដល់ចប់ការប្រកួត។
ទោះជាបែបនេះក្ដី លោក Kei SukeHonda អ្នកចាត់ការទូទៅរបស់កម្ពុជានៅតែសសើរថា កូនក្រុមរបស់លោកលេងបានល្អជាងលើកណាៗទាំងអស់ ហើយចំពោះលទ្ធផលថ្ងៃនេះលោកមិនបានដោះសារនោះទេ លោកគ្រាន់តែចង់និយាយថា កីឡាករលេងប្រឹងអស់ពីសមត្ថភាព ហើយលោកក៏មានមោទកភាពផងដែរ ។ លោកក៏បានមើលឃើញផងដែរថាកម្ពុជាពិតជាមានឱកាសច្រើនណាស់ តែនៅមិនអាចបំប៉ោងសំណាញ់ទីសិង្ហបុរីបាន។
ក្រុមជម្រើសជាតិសិង្ហបុរីពេលនេះគេមាន៤ពិន្ទុនៅក្នុងដៃ រីឯកម្ពុជាទើបតែមាន៣ពិន្ទុ ហើយត្រូវជួបក្រុមជម្រើសជាតិអាយុក្រោម២៣ឆ្នាំថៃនៅថ្ងៃទី១៤ ឧសភា ខាងមុខនេះ ៕
ចែករំលែកព័តមាននេះ