ចាប់បញ្ជូនបុរស២នាក់ទៅតុលាការ ដែលជាមុខសញ្ញាលួចរថយន្ត
- ភ្នំពេញ
ជនសង្ស័យជាមុខសញ្ញាលួចរថយន្តចំនួន២នាក់ ត្រូវបានកម្លាំងនគរបាលខណ្ឌចំការមន បញ្ជូនខ្លួនទៅសាលាដំបូងរាជធានីភ្នំពេញ
ជនសង្ស័យជាមុខសញ្ញាលួចរថយន្តចំនួន២នាក់ ត្រូវបានកម្លាំងនគរបាលខណ្ឌចំការមន បញ្ជូនខ្លួនទៅសាលាដំបូងរាជធានីភ្នំពេញ
រាជធានីភ្នំពេញ ៖ ជនសង្ស័យជាមុខសញ្ញាលួចរថយន្តចំនួន២នាក់ ត្រូវបានកម្លាំងនគរបាលខណ្ឌចំការមន បញ្ជូនខ្លួនទៅសាលាដំបូងរាជធានីភ្នំពេញ កាលពីព្រឹកថ្ងៃទី១១ ខែឧសភា ឆ្នាំ២០២២ ពាក់ព័ន្ធការចោទប្រកាន់ពីបទ.លួចរថយន្តម៉ាកកូរ៉ូឡា១គ្រឿង ។
ជនសង្ស័យខាងលើនេះ ម្នាក់មានឈ្មោះ នី ម៉ាឡា ភេទប្រុស អាយុ២២ ឆ្នាំ ស្នាក់នៅផ្ទះជួលក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ មុខរបរមិនពិតប្រាកដ (មានសារធាតុញៀ.ន) និងម្នាក់ទៀតឈ្មោះ ស៊ីន ដាវីត ភេទប្រុស អាយុ៣៣ ឆ្នាំ មានទីលំនៅផ្ទះជួលក្នុងសង្កាត់ទន្លេបាសាក ខណ្ឌចំការមន មុខរបរមិនពិត ប្រាកដ (មានសារធាតុញៀ.ន) ។
សំណុំរឿងខាងលើនេះ មានជនរងគ្រោះឈ្មោះ ឡាង ស្រីមួយ ភេទស្រី អាយុ២៨ឆ្នាំ មុខរបរបុគ្គលិកអង្គការ ជនជាតិខ្មែរ មានទីលំនៅផ្ទះលេខ១ ផ្លូវP១២ សង្កាត់និរោធ ខណ្ឌច្បារអំពៅ រាជធានីភ្នំពេញ ។ ហើយជនសង្ស័យទាំង២នាក់ត្រូវបានកម្លាំងសមត្ថកិច្ចខណ្ឌឬស្សីកែវ ធ្វើការឃាត់ខ្លួនកាលពីថ្ងៃទី០៨ ខែឧសភា ឆ្នាំ២០២២ រួចប្រគល់ឲ្យនគរបាលខណ្ឌចំការមន ដើម្បីកសាងសំណុំរឿងតាមនីតិវិធី ដោយសារពួកគេបានធ្វើសកម្មភាពលួចរថយន្តនៅចំណុចផ្ទះលេខ ៤៣A ផ្លូវលេខ២១ ក្នុងមូលដ្ឋានសង្កាត់ទន្លេបាសាក់ ខណ្ឌចំការមន នោះ ។
ហើយក្នុងនោះសមត្ថកិច្ច ក៏បានធ្វើការដកហូតវត្ថុតាងរួមមាន ៖ រថយន្ត១គ្រឿងម៉ាក COROLLA ពណ៌ស ពាក់ស្លាកលេខ ភ្នំពេញ2J-2504 និងម៉ូតូ១គ្រឿងម៉ាកហុងដាឌ្រីម សេ125 ពណ៌ខ្មៅ ពាក់ស្លាកលេខតាកែវ1A-4856 ។
សូមជម្រាបថា ករណីខាងលើនេះ បានកើតឡើងកាលពីថ្ងៃទី២៩ ខែមេសា ឆ្នាំ២០២២ ខណៈពេលម្ចាស់រថយន្តបានចាក់សោត្រឹមត្រូវ និងបានទុករថយន្តនៅមុខផ្ទះ ស្រាប់តែមានជនសង្ស័យចំនួន៣នាក់ធ្វើសកម្មភាពលួចរថយន្តនោះទៅបាត់ លុះដល់ថ្ងៃទី០៨ ខែឧសភា ឆ្នាំ២០២២ វេលាម៉ោង១រសៀល កម្លាំងសមត្ថកិច្ចជំនាញខណ្ឌឬស្សីកែវ ក៏បានធ្វើការស្រាវជ្រាវឃាត់បានជនសង្ស័យចំនួន២នាក់ពាក់ព័ន្ធគ្រឿងញៀ.ន ។ ពេលនោះសមត្ថកិច្ចក៏មានការដកហូតវត្ថុតាង រថយន្ត១គ្រឿងផងដែរ ហើយរថយន្តនោះគឺជារបស់ជនរងគ្រោះ ដែលពួកគេបានលួចនៅក្នុងខណ្ឌចំការមន រាជធានីភ្នំពេញ ៕
ចែករំលែកព័តមាននេះ