សាលាដំបូងរាជធានីភ្នំពេញ នៅព្រឹកថ្ងៃទី១១ ខែឧសភា ឆ្នាំ២០២២ បានលើកយកសំណុំរឿងឃា.តកម្មមួយ មិត្តភក្តិអាក.រសម្លា.ប់មិត្តភក្តិប្លន់យកទ្រពសម្បត្តិ មកបើកសវនាការជាសាធារណៈ ដើម្បីផ្តន្ទាទោសលើ
រាជធានីភ្នំពេញ ៖ សាលាដំបូងរាជធានីភ្នំពេញ នៅព្រឹកថ្ងៃទី១១ ខែឧសភា ឆ្នាំ២០២២ បានលើកយកសំណុំរឿងឃា.តកម្មមួយ មិត្តភក្តិអាក.រសម្លា.ប់មិត្តភក្តិប្លន់យកទ្រពសម្បត្តិ មកបើកសវនាការជាសាធារណៈ ដើម្បីផ្តន្ទាទោសលើជនជាប់ចោទ ។ សវនាការនេះ មានលោក ឆឹង ឫទ្ធី ជាប្រធានក្រុមប្រឹក្សាជំនុំជម្រះ និងលោ ក សំម ឫទ្ធីវាសនា ជាតំណាងអយ្យការ អមសាលាដំបូងរាជធានីភ្នំពេញ ។
សវនាការចំពោះមុខជនជាប់ចោទ២នាក់ ដោយម្នាក់ម្នាក់ឈ្មោះ ម៉េង ណាឃីម ភេទប្រុស អាយុ២១ឆ្នាំ (ឃាត់ខ្លួននៅស្រុងគិរីវង់ ខេត្តតាកែវ) ជាប់ចោទពីបទ.ឃា.តកម្មគិតទុកជាមុន និងម្នាក់ទៀតមានឈ្មោះ ម៉ៅ រដ្ឋា ហៅ ជិប ភេទប្រុស អាយុ២៩ឆ្នាំ (ឃាត់ខ្លួននៅតាមបណ្តោយផ្លូវជាតិលេខ១ មុខមណ្ឌលសុខភាព ព្រែកឯក ស្ថិតក្នុងសង្កាត់ព្រែកឯក ខណ្ឌច្បារអំពៅ រាជធានីភ្នំពេញ) ជាប់ចោទពីបទ.សមគំនិតក្នុងអំពើឃា.តកម្មគិតទុកជា ។
សវនាការបានសាកសួរដេញដោលលើជនជាប់ចោទ រហូតដល់ចប់ម៉ោងរដ្ឋបាល ទើបប្រធានក្រុមប្រឹក្សាសម្រេចកំណត់យកយកថ្ងៃទី១៩ ខែឧសភា ឆ្នាំ២០២២ វេលាម៉ោង២រសៀល ដើម្បីប្រកាសសាលក្រមផ្តន្ទាទោសលើជនជាប់ចោទ ។
គួររំលឹកថា សមត្ថកិច្ចបានធ្វើការឃាត់ខ្លួនជនសង្ស័យកាលពីថ្ងៃទី១៦ ខែមីនា ឆ្នាំ២០២១ ម្នាក់នៅខេត្តតាកែវ និងម្នាក់នៅរាជធានីភ្នំពេញ ដោយដកហូតវត្ថុតាងរួមមាន ៖ ១- ទូរស័ព្ទម៉ាក OPPO, ២-ខ្សែដៃផ្លាកទីន និង៣- ម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០១៩ ស្លាកលេខត្បូងឃ្មុំ 1H 1406 (របស់ជនរងគ្រោះ) ។
បើតាមចម្លើយសារភាពរបស់ជនសង្ស័យទាំង២នាក់នៅតំណាក់កាលសមត្ថកិច្ចបានបញ្ជាក់ថា នៅថ្ងៃទី១១ ខែមីនា ឆ្នាំ២០២១ ពួកគេពិតជាបានធ្វើសកម្មភាពចាក់សម្លា.ប់ជនរងគ្រោះ ឈ្មោះ សោ សៅពិសិដ្ឋ ភេទប្រុស រួចប្លន់យកម៉ូតូ១គ្រឿង, ខ្សែ.កមាស១ខ្សែ, ចិញ្ចៀន, ខ្សែដៃមាស និងទូរស័ព្ទដៃ១គ្រឿង ពិតប្រាកដមែន ។
ក្រោយពីធ្វើសកម្មភាពរួច ពួកគេបានចែកគ្នា ក្នុងនោះឈ្មោះ ម៉ៅ រដ្ឋា ហៅ ជិប យកចិញ្ចៀនមាស និងខ្សែ.ក ចំណែកឈ្មោះ ម៉េង ណាឃីម យកម៉ូតូ, ទូរស័ព្ទដៃ និងខ្សែដៃ រួចនាំគ្នារត់គេចខ្លួនបាត់តែម្តងទៅ ៕
ចែករំលែកព័តមាននេះ