មិនត្រឹមតែមានសុវត្ថិភាពទេ តែវាបានផ្តល់អត្ថប្រយោជន៍ជាច្រើនដល់សុខភាពតាមរយៈការហាត់ប្រាណដោយរត់ត្រឹកៗ ការរាំតាមចង្វាក់ ដែលត្រូវបានគេរកឃើញថា មានសុវត្ថិភាពខ្ពស់សម្រាប់អ្នកឡើងសម្ពាធឈាម និងធ្វើឱ្យរាងកាយរឹងមាំ ។
វាជួយគ្រប់គ្រងទម្ងន់ និងភាពតានតឹងរបស់អ្នក ៖
ការធ្វើលំហាត់ប្រាណដូចជាការរត់ មិនត្រឹមតែអាចជួយគ្រប់គ្រងសម្ពាធឈាមរបស់អ្នកនោះទេ វាថែមទាំងអាចជួយអ្នកក្នុងការគ្រប់គ្រងទម្ងន់ និងភាពតានតឹង និងពង្រឹងសុខភាពបេះដូងរបស់អ្នកផងដែរ ។ ការមានទម្ងន់ដែលល្អចំពោះសុខភាព បេះដូងរឹងមាំ និងការមានសុខភាពផ្លូវចិត្តល្អ គឺជារឿងពិសេសបំផុតសម្រាប់សម្ពាធឈាមរបស់អ្នក។
វាអាចធ្វើការព្យាបាលកន្លែងដែលឱសថមិនអាចព្យាបាលបាន ៖
ពេលខ្លះ ទោះបីជាអ្នកបានប្រើថ្នាំហើយក៏ដោយ សម្ពាធឈាមនៅតែបង្ហាញក្នុងកម្រិតខ្ពស់ដដែល តើអ្នកត្រូវធ្វើដូចម្តេចដើម្បីធ្វើឲ្យសម្ពាធឈាមរបស់អ្នកធ្លាក់ចុះវិញ ?
តាមការសិក្សាថ្មីមួយបានផ្តល់នូវការយល់ដឹងដ៏ទូលំទូលាយសម្រាប់មហាជន ។ អ្នកចូលរួមចំនួន៥០នាក់ជាអ្នកមានសម្ពាធឈាមខ្ពស់ស៊ាំនឹងថ្នាំ ត្រូវបានគេចែកជាពីរក្រុម ។ ក្រុមទីមួយចូលរួមកម្មវិធីធ្វើលំហាត់ប្រាណរយៈពេលពី៨ទៅ១២សប្តាហ៍ ហើយក្រុមមួយទៀតមិនធ្វើអ្វីទាំងអស់ ហើយសម្ពាធឈាមត្រូវបានក្រុមជំនាញតាមដានដិតដល់និងសកម្មបំផុត ។
វាត្រូវបានគេសង្កេតឃើញថា ក្រុមដែលបានចូលរួមធ្វើលំហាត់ប្រាណទៀងទាត់មិនត្រឹមតែកាត់បន្ថយការឡើងសម្ពាធឈាមនោះទេ ប៉ុន្តែវាក៏បានពង្រឹងដំណើរការនៃរាងកាយយា៉ងមានប្រសិទ្ធភាពផងដែរ ៕
ចែករំលែកព័តមាននេះ