កម្ពុជាលក់ស្រូវ អង្ករបានជាង ៥០០ លានដុល្លារ ក្នុងរយៈពេល ៤ ខែ
- ភ្នំពេញ
រាជធានីភ្នំពេញ៖ ៤ខែដើមឆ្នាំ២០២២ កម្ពុជាបានសម្រេចការនាំចេញអង្ករបានចំនួន ២២១,១៣៨ តោន និងនាំចេញស្រូវបានចំនួន ១ ៦៤៨,៤៧៤ តោន ដែលគិតជាទឹកប្រាក់សរុបមានចំនួន…
រាជធានីភ្នំពេញ៖ ៤ខែដើមឆ្នាំ២០២២ កម្ពុជាបានសម្រេចការនាំចេញអង្ករបានចំនួន ២២១,១៣៨ តោន និងនាំចេញស្រូវបានចំនួន ១ ៦៤៨,៤៧៤ តោន ដែលគិតជាទឹកប្រាក់សរុបមានចំនួន…
រាជធានីភ្នំពេញ៖ ៤ខែដើមឆ្នាំ២០២២ កម្ពុជាបានសម្រេចការនាំចេញអង្ករបានចំនួន ២២១,១៣៨ តោន និងនាំចេញស្រូវបានចំនួន ១ ៦៤៨,៤៧៤ តោន ដែលគិតជាទឹកប្រាក់សរុបមានចំនួន ៥១៦.២១ លានដុល្លារសហរដ្ឋអាមេរិក ។ មានក្រុមហ៊ុននាំចេញចំនួន ៤៨ ក្រុមហ៊ុនបានធ្វើការនាំចេញទៅកាន់គោលដៅចំនួន ៥៤ ។ បរិមាណនៃការនាំចេញក្នុងរយៈពេល ៤ ខែនេះ មានកំណើនចំនួន ១៤.៨៨% ឬស្មើនឹងចំនួន ២៨,៦៤៣ តោន ។
ទីផ្សារសំខាន់ដែលទិញអង្ករកម្ពុជា មានប្រទេសចិន និងតំបន់ស្វយ័តហុងកុង ម៉ាកាវបានទិញ ចំនួន ១១៥,២៥៥ តោន ឬស្មើនឹង ៥២.១២% នៃការនាំចេញសរុប ដែលគិតជាទឹកប្រាក់មានចំនួន ៦២.៧៤ លានដុល្លារ ។ ការនាំចេញទៅ តំបន់អឺរ៉ុបមានបរិមាណសរុបចំនួន ៦៨,៥៥៥ តោន ឬស្មើនឹង ៣១.០០% គិតជាទឹកប្រាក់មានចំនួន ៥១.០២ លានដុល្លារ ។
ក្រៅពីទីផ្សារសំខាន់ពីរខាងលើនេះ អង្ករកម្ពុជាបាននាំចេញទៅកាន់តំបន់សមាជិកអាស៊ាន មានចំនួន ២១,៨៧៦ តោន ឬស្មើនឹង ៩.៨៩ % គិតជាទឹកប្រាក់មានចំនួន ១៣.៩០ លានដុល្លារ និងបណ្តាប្រទេសផ្សេងៗ ក្រៅពីតំបន់ ខាងលើបានចំនួន ១៥,៤៥២ តោន ឬស្មើនឹង ៦.៩៩% គិតជាទឹកប្រាក់មានចំនួន ១១.៧៤ លានដុល្លារ ។
ប្រភេទអង្ករក្រអូបគ្រប់ប្រភេទមានបរិមាណចំនួន ៦៧.១២% អង្ករស ចំនួន ៣០.១៣% អង្ករចំហុយចំនួន ១.០៧% និងអង្ករសរីរាង្គចំនួន ១.៦៨% ។
ប្រភពពីសហព័ន្ធស្រូវអង្ករកម្ពុជា បានឱ្យដឹងថា ចំណែកស្រូវគ្រប់ប្រភេទកម្ពុជានាំចេញឆ្លងកាត់ព្រំដែន ជាមួយប្រទេសវៀតណាមបានចំនួន ១ ៦៤៨,៤៧៤ តោន គិតជាទឹកប្រាក់ប៉ាន់ស្មានប្រមាណជាចំនួន ៣៧៦.៦៤ លានដុល្លារ ៕
ចែករំលែកព័តមាននេះ