ADផ្ទាំងផ្សព្វផ្សាយពាណិជ្ជកម្ម

Picture

សត្វ​ជ្រូក​ និង​ផលិតផល​សាច់​បន្ត​នាំ​ចូល​ខុសច្បាប់​ពី​វៀតណាម

1 ឆ្នាំ មុន
  • ភ្នំពេញ

រាជធានីភ្នំពេញ ៖ នៅ​ចំណុច​ចន្លោះ​ខេត្តព្រៃវែង និង​ស្វាយ​រៀង​ គឺ​ស្ថិត​នៅ​ភូមិ​ក្រាំង​លាវ​ ឃុំ​ចាម ស្រុក​កំពង់ត្របែក​ខេត្តព្រៃវែង និង​ព្រំប្រទល់​ភូមិ​ក្រាំ​លាវ​ ឃុំ​ស្វាយ​ធំ ​ស្រុក​ស្វាយ​ជ្រំ…

រាជធានីភ្នំពេញ ៖ នៅ​ចំណុច​ចន្លោះ​ខេត្តព្រៃវែង និង​ស្វាយ​រៀង​ គឺ​ស្ថិត​នៅ​ភូមិ​ក្រាំង​លាវ​ ឃុំ​ចាម ស្រុក​កំពង់ត្របែក​ខេត្តព្រៃវែង និង​ព្រំប្រទល់​ភូមិ​ក្រាំ​លាវ​ ឃុំ​ស្វាយ​ធំ ​ស្រុក​ស្វាយ​ជ្រំ ​ខេត្តស្វាយរៀង ចំណែក​ខាង​វៀតណាម ​គឺ​នៅ​ចន្លោះ​ភូមិ​ចុង​ចាំង ឃុំ​ហ៊ឹង​ហា និង​ភូមិ​ហ៊ឹង​ប៊ី​ង​បេ​ ឃុំ​ហ៊ីង​ប៊ី​ង​បេ ស្រុក​តាំង​ហ៊ឹង ខេ​ត្តឡុង​អាង ជា​ចំណុច​ដែល​មានការ​លូច​នាំ​ជ្រូក​ពី​ប្រទេស​វៀតណាម មក​កម្ពុជា ​។ ជ្រូក​ត្រូវ​គេ​នាំ​តាម​ផ្លូវទឹក​ចូល​មក​កម្ពុជា​ដោយ​ខុសច្បាប់​គ្មាន​ការ​ត្រួតពិនិត្យ​ និង​ពុំ​មានការ​បង់ពន្ធ​នានា​ ។

ប្រភព​ពី​អាជ្ញាធរ​មូលដ្ឋាន​ថា ការ​បង្ក្រាប​បទ​ល្មើ​ន​នៅ​ទីនោះ​មានការ​លំបាក ដោយសារ​ជា​តំបន់​ដាច់​ស្រា​យា​ល ជនល្មើស​តែងតែ​អាច​គេចខ្លួន​នៅ​ពេល​មាន​ប្រតិបត្តិការ​បង្ក្រាប​ ។ កាលពី​ពេល​ថ្មី​ៗ​នេះ​សត្វ​ជ្រូក​រស់​ចំនួន ​៤០ ​ក្បាល​ត្រូវ​បាន​គេ​ដឹក​តាម​ទូក​ឆ្លង​ដែន ​។ ​ជ្រូក​នាំ​ចូល​តាម​ចំណុច​នោះ ត្រូវ​គេ​នាំ​បន្ត​ទៅ​លក់​នៅ​ខេត្តស្វាយរៀង ព្រៃវែង​និង​នៅ​ភ្នំពេញ ​។

សមាគម​អ្នក​ចិញ្ចឹមសត្វ​កម្ពុជា នៅ​ក្នុង​ខែ​កន្លង​មកនេះ បាន​ដាក់​លិខិត​សុំ​អន្តរាគមន៍​ទៅ​អាជ្ញាធរ​ខេត្ត​ជាប់​ព្រំដែន​ប្រទេស​វៀតណាម មាន​ខេត្តស្វាយរៀង ព្រៃវែង កណ្តាល តាកែវ​ជាដើម ដើម្បី​ជួយ​បង្ក្រាប​ការ​លូច​នាំ​ចូល​ជ្រូក​ពី​ប្រទេស​វៀតណាម ដែល​សមាគម​ហៅ​ថា ​ជា​សកម្មភាព​យ៉ាង​បែប​អាណា​ធិ​ប​តេ​យ្យ​ ។ ការ​លូច​នាំ​ជ្រូក​ចូល​ពី​បរទេស​ប៉ះពាល់​ការ​ចិញ្ចឹមសត្វ​នៅ​ក្នុងស្រុក និង​ប៉ះពាល់​សុខភាព​ពលរដ្ឋ រដ្ឋ​បាត់​ចំណូល​ពន្ធ​អាករ​នានា​ជាដើម ​។

អាជ្ញាធរ​ខេត្តស្វាយរៀង​ហាក់​បាន​ទទួលស្គាល់​ការ​នាំ​លូច​នាំ​ជ្រូក​រស់ និង​សាច់​ជ្រូក​ពី​ប្រទេស​ជិតខាង​ចូល​មក​កម្ពុជា​។ នៅ​ថ្ងៃ​ទី ​២ ​ខែឧសភា ​ឆ្នាំ​ ២០២២​ នេះ លោក​ ម៉ែ​ន វិបុល អភិបាល​ខេត្តស្វាយរៀង ​បាន​ចេញ​លិខិត​ណែនាំ​ដល់​សមត្ថកិច្ច​ចាត់វិធានការ​ទប់ស្កាត់​ការ​នាំ​ចូល​សត្វ​ជ្រូក សាច់​ជ្រូក ​និង​ផលិតផល​សាច់​ជ្រូក​ខុសច្បាប់​ពី​ប្រទេស​ជិតខាង ​។ អភិបាលខេត្ត​ជាប់​ប្រទេស​វៀតណាម ​បញ្ជាក់​ថា ​ការ​នាំ​សាច់​ជ្រូក សត្វ​ជ្រូក ​និង​ផលិតផល​សាច់ ខុសច្បាប់​ពី​ប្រទេស​ជិតខាង​ចូល​មក​ខេត្តស្វាយរៀង ​តាម​ច្រករបៀង​មួយ​ចំនួន​ដោយ​ពុំ​បាន​ត្រួតពិនិត្យ​ពី​សុខភាព​សត្វ​ឱ្យបាន​ត្រឹមត្រូវ​ និង​មួយ​ផ្នែក​ធ្វើ​ឱ្យបាត់បង់​ចំណូល​ពី​ការ​បង់ពន្ធ​ចូល​ថវិកាជាតិ​ ៕

អត្ថបទសរសេរ ដោយ

កែសម្រួលដោយ