ហាងឆេងលុយរៀលមានប្រៀបជាងដុល្លារអូស្ត្រាលី
- ភ្នំពេញ
រាជធានីភ្នំពេញ ៖ ហាងឆេងប្រាក់រៀលខ្មែរមានអត្រាហក់ឡើងខ្ពស់ជាងដុល្លារអូស្ត្រាលី ។ ធនាគារជាតិនៃកម្ពុជា នៅថ្ងៃទី ៣ ខែឧសភា ឆ្នាំ ២០២២…
រាជធានីភ្នំពេញ ៖ ហាងឆេងប្រាក់រៀលខ្មែរមានអត្រាហក់ឡើងខ្ពស់ជាងដុល្លារអូស្ត្រាលី ។ ធនាគារជាតិនៃកម្ពុជា នៅថ្ងៃទី ៣ ខែឧសភា ឆ្នាំ ២០២២ នេះ ឱ្យដឹងថា ១ ដុល្លារអូស្ត្រាលី ទិញចូលត្រឹមតែ ២៨៥៨ រៀល ហើយលក់ចេញតែ ២៨៨៧ រៀលប៉ុណ្ណោះ ខណៈកាលពីថ្ងៃម្សិលមិញ ទិញចូល ២៨៦៦ រៀល និងលក់ចេញរហូតដល់ទៅ ២៨៩៥ រៀលឯណោះ ។
សម្រាប់ថ្ងៃនេះដែរ សូមមកដឹងពីហាងឆេងប្រាក់រៀលខ្មែរធៀបនឹងប្រាក់ប្រទេសមួយចំនួនទៀត ដែលមានដូចជា ៖ ១ ដុល្លារអាមេរិក ស្មើនឹង ៤០៥០ រៀល, ១ អឺរ៉ូ ទិញចូល ៤២៥៧ រៀល លក់ចេញ ៤៣០០ រៀល និង ១ យន់ចិន ទិញចូល ៦១៣ រៀល លក់ចេញ ៦១៩ រៀល ។
ទន្ទឹមនេះ ១០០ យ៉េនជប៉ុន ទិញចូល ៣១១៤ រៀល លក់ចេញ ៣១៤៥ រៀល ហើយ ១០០ វុនកូរ៉េ ទិញចូល ៣១៩ រៀល លក់ចេញ ៣២៣ រៀល និង ១ ដុល្លារស៊ីងហ្គាពួរ ទិញចូល ២៩២៤ រៀល លក់ចេញ ២៩៥៣ រៀល ។ ដោយឡែក ១ បាតថៃ ទិញចូល ១១៨ រៀល លក់ចេញ ១១៩ រៀល និង ១០០០ ដុងវៀតណាម ទិញចូល ១៧៦ រៀល លក់ចេញ ១៧៨ រៀល ៕
ចែករំលែកព័តមាននេះ