ADផ្ទាំងផ្សព្វផ្សាយពាណិជ្ជកម្ម

Picture

ភូមិ​ ១ ផលិតផល​ ១ លើក​ស្ទួយ​ជីវភាព​ពលរដ្ឋ

5 ខែ មុន
  • ភ្នំពេញ

រាជធានីភ្នំពេញ ៖ កម្ពុជា​បាន​កំពុង​ជំរុញ​លើកកម្ពស់​ភូមិ​ ១ ​ផលិតផល​ ១ ដោយ​ក្រុមការងារ​របស់​រដ្ឋ​ និង​ឯកជន​រួម​នឹង​អង្គការ​អន្តរជាតិ ​បាន​សហការ​គ្នា​តាម​រយៈ​គម្រោង​អភិវឌ្ឍ​អាជីវកម្ម​ប្រកបដោយ​សុចរិត​ភាព និង​ការ​ទទួល​បាន​ទីផ្សារ​សម្រាប់​អ្នក​ផលិត​ក្នុងស្រុក…

រាជធានីភ្នំពេញ ៖ កម្ពុជា​បាន​កំពុង​ជំរុញ​លើកកម្ពស់​ភូមិ​ ១ ​ផលិតផល​ ១ ដោយ​ក្រុមការងារ​របស់​រដ្ឋ​ និង​ឯកជន​រួម​នឹង​អង្គការ​អន្តរជាតិ ​បាន​សហការ​គ្នា​តាម​រយៈ​គម្រោង​អភិវឌ្ឍ​អាជីវកម្ម​ប្រកបដោយ​សុចរិត​ភាព និង​ការ​ទទួល​បាន​ទីផ្សារ​សម្រាប់​អ្នក​ផលិត​ក្នុងស្រុក សហគ្រាស​មីក្រូ​ និង​ SME អង្គការ​ជាតិ អន្តរជាតិ​ ។

Picture

ក្រសួងពាណិជ្ជកម្ម បានឱ្យ​ដឹង​ថា គម្រោង​អភិវឌ្ឍ​អាជីវកម្ម​ប្រកបដោយ​សុចរិត​ភាព និង​ការ​ទទួល​បាន​ទីផ្សារ​សម្រាប់​អ្នក​ផលិត​ក្នុងស្រុក សហគ្រាស​មីក្រូ និង ​SME ផ្តួចផ្តើម​ឡើង​ដោយ​អគ្គលេខាធិការដ្ឋាន​គណៈកម្មាធិការ​ជាតិ​ជំរុញ​ចលនា​ភូមិ ​១ ផលិតផល ​១ (​គ​.​ជ​.​ភ​១.​ផ​១.) សហការ​ជាមួយ​អង្គការ OXFARM ក្នុង​រយៈពេល ​៨ ​ខែ ដោយ​ចាប់ផ្តើម​ពី​ខែមេសា ដល់​ខែធ្នូ ឆ្នាំ ២០២២ នៅ​ខេត្ត​គោលដៅ​ចំនួន ​៨ គឺ​ខេត្តកំពត​, តាកែវ​, ព្រះ​សីហ​នុ​, សៀមរាប​, បាត់ដំបង​,​បន្ទាយ​មាន​ជ័យ​, កំពង់ចាម និង​រាជធានី​ភ្នំពេញ និង​ពិភាក្សា​រក​ដៃគូ ៣ ​ទៀត គឺ​អង្គការ​តម្លាភាព​អន្តរជាតិ ស្ថាប័ន Micro Finance L.O.L.C, និង​ក្រុមហ៊ុន Cambrew ដើម្បី​ពង្រីក​ទៅ ៣ ខេត្ត​ទៀត គឺ​ខេត្តស្វាយរៀង​, កំពង់ឆ្នាំង និង​ឧត្តរមានជ័យ​ ។

Picture

ប្រភព​ដដែល​បញ្ជាក់​ថា បច្ចុប្បន្ន​អគ្គលេខាធិការដ្ឋាន បាន​សហការ​ជាមួយ​សាកលវិទ្យាល័យ​ភូមិន្ទ​កសិកម្មចំការ​ដូង​ និង​វិទ្យាស្ថាន​ជាតិ​កសិកម្ម​ព្រែក​លាប ដើម្បី​បណ្តុះបណ្តាល​ផលិតផល​មួយ​ចំនួន​ដែល គ​.​ជ​.​ភ​១.​ផ​១. បាន​ទទួលស្គាល់​ជា​ផ្លូវការ​ជា​ផលិតផល​ភូមិ ​១ ផលិតផល​ ១ ចំនួន ១២១​ មុខ ក្នុង ១០ ​ខេត្ត ព្រមទាំង​បាន​សហការ​ជាមួយនឹង​រាជបណ្ឌិត្យសភាកម្ពុជា ដើម្បី​ស្វែង​យល់ និង​រិះរក​រូបមន្ត​អភិវឌ្ឍ​ផលិតផល​ក្នុងស្រុក​ឱ្យ​កាន់តែ​មាន​តម្លៃបន្ថែម និង​មាន​គ្រប់​សក្តានុពល ឆ្លើយ​តប​ទៅ​នឹង​តម្រូវការ​របស់​អតិថិជន ទាំង​ទីផ្សារ​ក្នុងស្រុក និង​ក្រៅ​ស្រុក​ផង​ដែរ ​។

Picture

ឯកឧត្តម យឹ​ម ឆៃ​លី ឧបនាយករដ្ឋមន្ត្រី និង​ជា​ប្រធាន​គណៈកម្មាធិការ​ជាតិ​ជំរុញ​ចលនា​ភូមិ​ ១ ផលិតផល​ ១ មាន​ប្រសាសន៍​ថា គណៈកម្មាធិការ​ជាតិ​ជំរុញ​ចលនា ​១ ផលិតផល​ ១ គឺជា​ស្ថាប័នរដ្ឋ​មួយ​ដែល​មាន​បេសកកម្ម​សម្របសម្រួល និង​សហការ​ជាមួយ​ក្រសួង​ស្ថាប័ន​ពាក់ព័ន្ធ​ដើម្បី​ជួយ​លើកកម្ពស់​ផលិតផល​ខ្មែរ លើកកម្ពស់​សេដ្ឋកិច្ច​គ្រួសារ និង​សហគមន៍ ដែល​បាន​និង​កំពុង​ផលិត​នូវ​ផលិតផល​នានា​នៅ​តាម​សហគមន៍ និង​សហគ្រាស​ធុន​តូច និង​មធ្យម ​។

Picture

ឯកឧត្តម​ថា​ ការ​យកចិត្តទុកដាក់​របស់​ក្រុមការងារ​កន្លង​មាន​ទាំង​ការ​លើកកម្ពស់​ផលិតផល​ខ្មែរ ទាំង​ការ​ពង្រឹងគុណភាព​ផលិតផល ការ​រក​ទីផ្សារ ការ​ការពារ​អត្តសញ្ញាណ​ផលិតផល​នានា​ក្នុង​សហគមន៍ ការ​កសាង​សមត្ថភាព​កសិករ ផលិតករ សិប្បករ និង​សេវាករ​នានា ក្នុង​ក្របខ័ណ្ឌ​សមាជិក​ចលនា​ភូមិ ​១ ផលិតផល ​១ នៅ​ទូ​ទាំង​ប្រទេស​ ។

Picture

ឯកឧត្តម ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម និង​ជា​អនុប្រធាន​ទី ​១ នៃ​គណៈកម្មាធិការ​ជាតិ​ជំរុញ​ចលនា​ភូមិ ​១ ផលិតផល​ ១ បាន​ប្តេជ្ញា​ថា នឹង​ជំរុញ​ឱ្យ​មន្ត្រី​ពាក់​ព័​ន្ឋ​នៃ​ក្រសួងពាណិជ្ជកម្ម ធ្វើ​កិច្ចសហការ​ជាមួយ​គណៈកម្មាធិការ​ជាតិ​ជំរុញ​ចលនា​ភូមិ​ ១ ផលិតផល​ ១ ឱ្យ​កាន់តែ​ជិត​ស្និ​ទ្ឋ និង​សកម្ម​ថែម​ទៀត ដើម្បី​លើកកម្ពស់​ការ​ប្រើប្រាស់​ផលិតផល​ខ្មែរ ។ ឯកឧត្តមសង្ឃឹម និង​ជឿជាក់​ថា ​ក្រុមការងារ​នឹង​បង្កើត​បាន​នូវ​វប្បធម៌​សាមគ្គីភាព​មួយ ដើម្បីជំរុញ និង​គាំទ្រ​ដល់​កសិករ ផលិតករ សិប្បករ និង​សេវាករ​ខ្មែរ ក្នុង​គោលដៅ​កែ​លម្អ​ជីវភាព​រស់នៅ និង​គុណភាព​ជីវិត​របស់ប្រជាពលរដ្ឋ​ ៕