អណ្តាតភ្លើងឆាបឆេះរថយន្តយ៉ាងសន្ធោសន្ធៅ ក្រោយបុ.កកន្លែងលក់សាំង
- ព្រះសីហនុ
ខេត្តព្រះសីហនុ ៖ រថយន្តមួយគ្រឿងត្រូវបានអគ្គីភ័យឆាបឆេះសន្ធោសន្ធៅ ក្រោយពីរថយន្តមួយគ្រឿងនេះ បាន
ខេត្តព្រះសីហនុ ៖ រថយន្តមួយគ្រឿងត្រូវបានអគ្គីភ័យឆាបឆេះសន្ធោសន្ធៅ ក្រោយពីរថយន្តមួយគ្រឿងនេះ បាន
ខេត្តព្រះសីហនុ ៖ រថយន្តមួយគ្រឿងត្រូវបានអគ្គីភ័យឆាបឆេះសន្ធោសន្ធៅ ក្រោយពីរថយន្តមួយគ្រឿងនេះ បានបើកបររេចង្កូតទៅបុ.កតូបលក់សាំងមួយកន្លែងនៅក្បែចិញ្ចើមផ្លូវ ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៦និង៤០នាទីយប់ថ្ងៃទី១ ឧសភា ឆ្នាំ២០២២ នៅចំណុចក្បែរឃ្លាំងប្រេងឥន្ធនៈមួយកន្លែង តាមបណ្តោយផ្លូវជាតិលេខ៤៥ ស្ថិតក្នុងភូមិអុង ឃុំរាម ស្រុកព្រៃនប់ ខេត្តព្រះសីហនុ ។
រថយន្ដ១គ្រឿងខាងលើម៉ាកវីហ្គោ ពណ៌ខ្មៅ ពាក់ផ្លាកលេខ ភ្នំពេញ 2I-1232 អ្នកបើកបរមិនស្គាល់អត្តសញ្ញាណ ។
លោកវរសេនីយ៍ទោ អ៊ួង វទ្ធី អធិការស្រុកព្រៃនប់អោយដឹងថា មុនពេលកើតហេតុ រថយន្ដ១គ្រឿងខាងលើធ្វើដំណើរក្នុងទិសដៅពីឆ្នេរព្រែកចាក ឆ្ពោះទៅរង្វង់មូលរូបនាគ លុះមកដល់ចំណុចកើតហេតុ ស្រាប់តែរថយន្ដនោះរេចង្កូតមកខាងស្ដាំ ហើយបុ.កតូចលក់សាំងមួយកន្លែង បណ្ដាលអោយឆាបឆេះតែម្ដង ។ ក្នុងករណីគ្រោះថ្នាក់ចរាចរណ៍ខាងលើនេះមិនបណ្ដាលឱ្យមនុស្សណាម្នាក់រងរបួសទេ ។
តាមប្រភពដដែលបានបន្តថា ពេលកើតហេតុភ្លាមៗ រថយន្ដខាងលើត្រូវបានពន្លត់ទាំងស្រុង មិនបានឆេះរាលដាលដល់អ្វីផ្សេងទៀតឡើយ ដោយរថយន្ដពន្លត់អគ្គីភ័យរបស់មូលដ្ឋានសមុទ្ររាម ដែលនៅក្បែនោះ ប្រើទឹកពន្លត់អស់ចំនួន២រថយន្ដ និងរថយន្ដពន្លត់អគ្គីភ័យរបស់ក្រុមហ៊ុនប្រេងឥន្ធនៈPTTអស់ទឹកចំនួន១រថយន្ដ សរុបទាំងអស់ចំនួន៣រថយន្ដ ទើបភ្លើងរលត់អស់ទាំងស្រុង ។
លោកអធិការបានបន្តថា ដោយឡែកអ្នកបើកបរ និងអ្នករួមដំណើរបានគេចចេញពីកន្លែងកើតហេតុបាត់។ ចំណែករថយន្ដខាងលើត្រូវបានយកមករក្សាទុកនៅអធិការដ្ឋាននគរបាលស្រុកព្រៃនប់ ជាបណ្ដោះអាសន្ន រង់ចាំធ្វើការដោះស្រាយនៅពេលក្រោយទេ ៕
ចែករំលែកព័តមាននេះ