សត្វជ្រូករស់នៅតែមានគេនាំចូលមកពីស្រុកយួនស្ទើរាល់យប់ តាមច្រករបៀងនានានៃស្រុកគីរីវង់ ហើយបញ្ហាមានគេលួចនាំសត្វជ្រូកចូលមកពីស្រុកយួនបាននេះ ត្រូវបានប្រជាពលរដ្ឋនិយាយរិះគន់ថា
ខេត្តតាកែវ ៖ សត្វជ្រូករស់នៅតែមានគេនាំចូលមកពីស្រុកយួនស្ទើរាល់យប់ តាមច្រករបៀងនានានៃស្រុកគីរីវង់ ហើយបញ្ហាមានគេលួចនាំសត្វជ្រូកចូលមកពីស្រុកយួនបាននេះ ត្រូវបានប្រជាពលរដ្ឋនិយាយរិះគន់ថា បើសិនមិនមានការបើកផ្លូវពីនគរបាល និងទាហានការពារព្រំដែនទេ គឺឈ្មួញមិនអាចនាំសត្វជ្រូកចូលមកដល់ទឹកដីខ្មែរយើងបានឡើយ។
បើតាមមន្ត្រីពេទ្យតូចតាចខេត្តតាកែវ បាននាំគ្នានិយាយថា ឈ្មួញធំដែលអាចជ្រូករស់ចូលមកពីប្រទេសវៀតណាមបាន គឺមានឈ្មោះសើ ដែលត្រូវជាក្មួយរបស់លោក ថៃ លី ប្រធានពេទ្យសត្វខេត្តតែម្តង ទើបមានសិទ្ធិអាចនាំសត្វជ្រូករស់ចូលមកបានស្ទើររាល់យប់បែបនេះបាន។
មន្ត្រីរពេទ្យសត្វដដៃល បានបន្តទៀតថា ចំពោះច្រកដែលឈ្មួញខាងលើ អាចនាំសត្វជ្រូកចូលមកបាននោះ គឺច្រករបៀងយ៉ិនយ៉ា និងច្រករបៀងឬស្សី៣គុម្ព ស្ថិតក្នុងឃុំតាអូ ស្រុកគីរីវង់ ខេត្តតាកែវ ដោយក្នុង១យប់ៗជាង១០០ក្បាលទៅជាង២០០ក្បាល ដោយដឹកយកទៅចែកចាយក្នុងខេត្ត ជាពិសេសដឹកទៅភ្នំពេញតែម្តង ដោយមិនបានរំខានដល់អស់លោកណាម្នាក់ឡើយ។
គួរំលឹកផងដែរថា កាលពីថ្ងៃទី១ ខែមេសា ឆ្នាំ២០២២កន្លងទៅនេះ លោក តាន់ ផាន់ណារ៉ា អគ្គនាយកដ្ឋានសុខភាពសត្វ និងផលិតកម្មសត្វ បានចាប់ឃាត់បានឡានដឹកជ្រូករស់១គ្រឿងនៅលើផ្លូវជាតិលេខ១២៨ ស្ថិតក្នុងភូមិត្រពាំងព្រីង ឃុំព្រែកអំពក ស្រុកគីរីវង់ នៅវេលាម៉ោង៥ទៀបភ្លឺ ដែលបានដឹកជ្រូករស់ចំនួន៤៨ក្បាល ហើយក្រុមពេទ្យសត្វបាននាំឡានដឹកជ្រូកដែលចាប់បាននោះ យកទៅរក្សាទុកនៅអគ្គនាយកដ្ឋាន ។ តែអ្វីដែលប្លែកនោះ ក្រោយពីអគ្គនាយកដ្ឋានចាប់បានឡានដឹកជ្រូក១ឡានរួច គឺឈ្មួញឈ្មោះសើ នេះ នៅតែអាចនាំជ្រូករស់ចូលមកពីស្រុកយួន បានលើសដើមទៅទៀត ដែលជ្រូកមួយក្បាលអាចចំណេញជាមធ្យម៥០ដុល្លារ ចុះនាំម្តងៗរាប់រយក្បាល នរណាមិនឃ្លានចង់បាន?។
លុះនៅថ្ងៃទី១ ខែឧសភា ឆ្នាំ២០២២នេះ យើងមិនអាចស្វែងរកការបំភ្លឺពីនគរបាល ក៏ដូចជាទាហានការពារព្រំដែនបានឡើយ ។ ចំណែកលោក ថៃ លី ប្រធានពេទ្យសត្វខេត្ត បានប្រាប់កោះសន្តិភាពយើងតាមទូរស័ព្ទថា មិនមានការនាំជ្រូករស់ចូលមកពីស្រុកយួនរាល់ថ្ងៃនោះទេ គឺយូរៗនាំចូលមកម្តង ១០ទៅ២០ក្បាលតែប៉ុណ្ណោះ យកមកកា.ប់សាច់នៅស្រុកគីរីវង់នឹងទេ។
ចែករំលែកព័តមាននេះ