«Reuter» កាលពីពេល ថ្មីៗកន្លងមកផ្សាយថា នៅរៀងរាល់៧វិនាទីមានក្មេងស្រីអាយុតិចជាង១៥ឆ្នាំម្នាក់រៀបការ ខណៈនៅប្រទេសមួយចំនួន ដូចជា អាហ្វហ្គានីស្ថាន យេមែន ឥណ្ឌា និងសូម៉ាលី ក្មេងស្រី
«Reuter» កាលពីពេល ថ្មីៗកន្លងមកផ្សាយថា នៅរៀងរាល់៧វិនាទីមានក្មេងស្រីអាយុតិចជាង១៥ឆ្នាំម្នាក់រៀបការ ខណៈនៅប្រទេសមួយចំនួន ដូចជា អាហ្វហ្គានីស្ថាន យេមែន ឥណ្ឌា និងសូម៉ាលី ក្មេងស្រីអាយុត្រឹម១០ឆ្នាំ ត្រូវចាប់បង្ខំឱ្យរៀបការជាមួយបុរសមានអាយុច្រើន ។
លោកស្រីHelle Thorning Schmidt អតីតនាយករដ្ឋមន្ដ្រីដាណឺម៉ាក់ បច្ចុប្បន្នជាប្រធានមូលនិធិ «សេវ្វ ដឹ ឆៀលដ្រេន» បញ្ជាក់ថា «ការរៀបការនៅអាយុតិចជាចំណុចចាប់ផ្ដើមដ៏អាក្រក់តម្រូវឱ្យក្មេងស្រីកាត់ផ្ដាច់ពីការសិក្សា ។ ក្មេងស្រីដែលឆាប់រៀបការ គ្មានឱកាសចូលរៀន និងក្លាយជាជនរងគ្រោះពីការប្រើអំពើហិង្សានៅក្នុងផ្ទះ ការរំលោភធ្វើឱ្យមានផ្ទៃពោះ ប្រឈមមុខនឹងការឆ្លងវីរុសហ៊ីវ» ។
ក្រុមអ្នកស្រាវជ្រាវរកឃើញទំនាស់ ភាពក្រីក្រ និងវិបត្ដិផ្នែកមនុស្សម៌ គឺជាកត្ដាចម្បងធ្វើឱ្យស្ដ្រី ត្រូវរៀបការមុនពេលកំណត់ ។
ចំណែកមូលនិធិ «សេវ្វ ដឹ ឆៀលដ្រេន» (Save The Children) បញ្ជាក់ថា ការចេញបញ្ជាឱ្យបិទសាលារៀនក្នុងរយៈពេលមានវីរុសEbola រាតត្បាតក្នុងប្រទេសសៀរ៉ាឡេអូន ធ្វើឱ្យក្មេងស្រីជំទង់មានគភ៌ដល់ទៅ១៤.០០០នាក់ ។ មូលនិធិសម្រាប់កុមារនៃអង្គការសហប្រជាជាតិ(UNICEF) បានប៉ាន់ប្រមាណថា ចំនួនស្ដ្រីរៀបការក្នុងវ័យកុមារនឹងកើនឡើងពី៧០០លាននាក់ដល់ទៅ៩៥០លាននាក់ នៅក្នុងឆ្នាំ២០៣០ ។
របាយការណ៍របស់ «សេវហវ ដឹ ឆៀលដ្រេន» បង្ហាញឱ្យដឹងក្នុងទិវាបុណ្យក្មេងស្រីអន្ដរជាតិ ថ្ងៃទី១១ តុលា ដែលតែងតែរៀបចំជារៀងរាល់ឆ្នាំថា ក្មេងស្រីប្រហែល១.១១០លាននាក់ នៅទូទាំងពិភពលោកកំពុងប្រឈមមុខនឹងបញ្ហារៀបការទាំងមិនទាន់គ្រប់អាយុ ៕
ចែករំលែកព័តមាននេះ