ទីក្រុងឌូបៃ៖ អ្នកជំនួញជនជាតិឥណ្ឌាម្នាក់បានយកលុយចំនួន៩លានដុល្លារ ទៅចំណាយលើស្លាកលេខរថយន្តមួយ សម្រាប់ប្រើប្រាស់នៅក្នុងឌូបៃ ដែលជាស្លាកលេខពិសេស មានលេខតែមួយខ្ទង់ ។
ទីក្រុងឌូបៃ ៖ អ្នកជំនួញជនជាតិឥណ្ឌាម្នាក់បានយកលុយចំនួន៩លានដុល្លារ ទៅចំណាយលើស្លាកលេខរថយន្តមួយ សម្រាប់ប្រើប្រាស់នៅក្នុងឌូបៃ ដែលជាស្លាកលេខពិសេស មានលេខតែមួយខ្ទង់ ។
លោក Balwinder Sahani ដែលជាម្ចាស់ក្រុមហ៊ុននៅទីក្រុងឌូបៃ ជនជាតិឥណ្ឌាបានចំណាយលុយ៩លានដុល្លាលើស្លាកលេខ ដែលមានលេខ «D5» លេខនេះ ត្រូវបានគេដាក់ដេញថ្លៃនៅកាលពីថ្ងៃសៅរ៍កន្លងទៅ ។
បុរសអភិជនម្នាក់នេះបានបង្ហើបឱ្យដឹងថា គាត់បានប្រមូលទិញស្លាកលេខប្រភេទនេះ បានដប់ហើយ ។ គាត់ចង់បានវាបន្ថែមទៀត ហើយស្លាកលេខ «D5» ដែលគាត់ទើបតែដេញថ្លៃបាននេះ នឹងត្រូវយកទៅដាក់នៅរថយន្ត Rolls Royce មួយ ក្នុងចំណោម Rolls Royce ផ្សេងៗ ទៀតរបស់គាត់។
គួរបញ្ជាក់ថា ការដាក់ដេញថ្លៃស្លាកលេខរថយន្តនៅឌូបៃ កាលពីថ្ងៃសៅរ៍ បានទាក់ទាញអ្នកចូលរួមជាង៣០០០នាក់ ដែលមានស្លាកលេខចំនួន៨០ ត្រូវបានដាក់ដេញថ្លៃ។
ដោយសារតែភាពចង់បង្ហាញពីការលេចធ្លោ តាមរយៈស្លាកលេខនៅឌូបៃ អ្នកដាក់ដេញថ្លៃស្លាកលេខ បានរកចំណូលជាច្រើនពីពួកអ្នកមានទាំងនោះ។
ចែករំលែកព័តមាននេះ