«BBC» កាលពីពេលថ្មីៗកន្លងមកផ្សាយថា យុវជនឥណ្ឌាអាយុ១៨ឆ្នាំម្នាក់បានដុះកន្ទុយនៅផ្នែកខាងក្រោយក្បែរកញ្ចូញគូទ មានប្រវែងប្រហែល២០សង្ទីម៉ែត្រ ។ ដោយសូ៊ទ្រាំមិនបានចំពោះភាពខុសប្រក្រតីនៃការដុះកន្ទុយ
«BBC» កាលពីពេលថ្មីៗកន្លងមកផ្សាយថា យុវជនឥណ្ឌាអាយុ១៨ឆ្នាំម្នាក់បានដុះកន្ទុយនៅផ្នែកខាងក្រោយក្បែរកញ្ចូញគូទ មានប្រវែងប្រហែល២០សង្ទីម៉ែត្រ ។ ដោយសូ៊ទ្រាំមិនបានចំពោះភាពខុសប្រក្រតីនៃការដុះកន្ទុយរបស់ខ្លួនមិនបាន យុវជននោះក៏ឱ្យក្រុមគ្រួសារបញ្ជូនទៅឱ្យគ្រូពេទ្យវះកាត់ចេញ ។
យុវជនឥណ្ឌារូបនោះរស់នៅក្រុង Nagpur បានប្រឈមមុខនឹងភាពខុសប្រក្រតីលើរាងកាយ និងបានបិទបាំងលក្ខណៈខុសប្រក្រតីនោះអស់រយៈពេលយ៉ាងយូរ ព្រោះខ្លាចរងការស្អប់ខ្ពើមឬរើសអើងមិនរាប់រកពីមិត្តភក្តិ ។
ទីបំផុតក្រុមគ្រួសារសម្រេចចិត្តនាំគេទៅជួបគ្រូពេទ្យ ព្រោះកន្ទុយដុះចេញវែងជាងមុន និងចាប់ផ្តើមមានឆ្អឹង ធ្វើឱ្យរូបគេពិបាកបិទបាំង ។
ស្ត្រីជាម្តាយឱ្យដឹងថា យុវជននោះចាប់ផ្តើមមានបញ្ហាកាន់តែខ្លាំងនៅពេលកន្ទុយដុះវែង ហើយត្រូវលើកកន្ទុយនៅរៀងរាល់ពេលផ្លាស់អាវ ។ ដោយយល់ពីការឈឺចាប់របស់កូនទើបគាត់សម្រេចចិត្តនាំគេទៅរកគ្រូពេទ្យ ។ «BBC» បញ្ជាក់ថា យុវជនឥណ្ឌារូបនោះបន្ទាប់ពីវះកាត់រួចត្រូវសម្រាកនៅមន្ទីរពេទ្យប្រហែលពី២ទៅ៣ថ្ងៃទើបអាចចេញទៅផ្ទះបាន ដោយគ្មានកន្ទុយរំខានដល់រាងកាយ និងផ្លូវចិត្តទៀតទេ ។ ករណីដុះកន្ទុយខុសប្រក្រតីបែបនេះកើតឡើងដោយកម្រ ហើយធ្លាប់មាននៅប្រទេសឥណ្ឌាដែរ កាលពីមុន ៕
ចែករំលែកព័តមាននេះ