ទ័ពលត់គីរីវង្សសុខសែនជ័យ៥-១ ខណៈព្រះខ័នរាជស្វាយរៀងបន្តឈរកំពូលតារាងដដែល
- ភ្នំពេញ
រាជធានីភ្នំពេញ ៖ ក្រុមបាល់ទាត់កងយោធពលខេមរៈភូមិន្ទ(ទ័ព) បានលត់ក្រុមភ្ញៀវគីរីវង្សសុខសែនជ័យ ជាមួយ
រាជធានីភ្នំពេញ ៖ ក្រុមបាល់ទាត់កងយោធពលខេមរៈភូមិន្ទ(ទ័ព) បានលត់ក្រុមភ្ញៀវគីរីវង្សសុខសែនជ័យ ជាមួយ
រាជធានីភ្នំពេញ ៖ ក្រុមបាល់ទាត់កងយោធពលខេមរៈភូមិន្ទ(ទ័ព) បានលត់ក្រុមភ្ញៀវគីរីវង្សសុខសែនជ័យ ជាមួយនឹងលទ្ធផល៥-១ សម្រាប់ការជួបគ្នាក្នុងសប្ដាហ៍ទី៧នៃក្របខ័ណ្ឌលីគកំពូលកម្ពុជាកាលពីថ្ងៃសៅរ៍ ទី២៣ មេសា កន្លងទៅនេះ ។ រីឯក្រុមព្រះខ័នរាជស្វាយរៀងវិញនៅរក្សាតំណែងកំពូលតារាងបានយ៉ាងល្អ។
ការប្រកួតដ៏ស្វិតស្វាញរវាងក្រុមទាំងពីរនៅលើទីលានកីឡដ្ឋានស្តាតចាស់នៅក្នុងតង់ទីដំបូង ក្រុមកងយោធពលខេមរៈភូមិន្ទបានដាក់សម្ពាធទៅលើក្រុមគីរីវង្សសុខសែនជ័យជាប់ និងមានឱកាសរកបានគ្រាប់បាល់២គ្រាប់នាំមុខមុនទៀតផង ។ ទោះជាយ៉ាងណា គីរីវង្សសុខសែនជ័យ នៅតែបន្តលេងវាយបកវិញបានយ៉ាងល្អ គ្រាន់តែមិនអាចរកគ្រាប់សងវិញតែប៉ុណ្ណោះ។
ការប្រកួតចូលដល់តង់ទី២ភ្លាម កងយោធពលខេមរៈភូមិន្ទ រកបានមួយគ្រាប់បន្ថែមទៀត នៅត្រឹមនាទីទី៦០កងយោធពលខេមរៈភូមិន្ទ អាចរកបានគ្រាប់បាល់នាំមុខ៤-០ ប៉ុន្តែត្រូវក្រុមគីរីវង្សសុខសែនជ័យ តាមសងបានមួយគ្រាប់វិញ ។
ទោះជាបែបនេះក្ដី ក្រុមកងយោធពលខេមរៈភូមិន្ទនៅតែបន្តលេងវាយសម្រុករហូតរកបានគ្រាប់បាល់ទី៥ធ្វើឱ្យចប់ការប្រកួតក្នុងតង់ទី២រយៈពេល៩០នាទីក្រុមកងយោធពលខេមរៈភូមិន្ទ យកឈ្នះលើក្រុមគីរីវង្សសុខសែនជ័យក្នុងលទ្ធផល៥-១។ សម្រាប់ការប្រកួតបាល់ទាត់ក្របខ័ណ្ឌលីគកំពូលកម្ពុជាក្នុងសប្ដាហ៍ទី៧នេះទៀតគឺជាការប្រកួតបញ្ចប់ជុំទី១ហើយ ។ ក្រុមកងយោធពលខេមរៈភូមិន្ទ ស្ថិតនៅលេខរៀងទី៧នៃតារាង ដោយការប្រកួតទាំង៧លើករបស់គេមកនេះឈ្នះ២ ប្រកួតស្មើ១ ចាញ់ទៅវិញអស់៤ ប្រកួត ទើបតែមាន៧ពិន្ទុនៅក្នុងដៃប៉ុណ្ណោះ។
ដោយឡែកសម្រាប់ការប៉ះគ្នារវាងក្រុមព្រះរាជស្វាយរៀង ជាមួយក្រុមវិសាខានៅលើទីលានព្រីនស៍ក្រុមភ្ញៀវព្រះខ័នរាជស្វាយរៀង បានយកឈ្នះលើក្រុមម្ចាស់ផ្ទះក្នុងលទ្ធផល២-១។ ការប្រកួតនៅត្រឹមតង់ទី១ក្រុមទាំងពីរមិនអាចទម្លុះសំណាញ់ទីរៀងៗខ្លួនដោយចប់ការប្រកួតក្នុងតង់ទី១លទ្ធផល០-០ ។ ចូលដល់តង់ទី២ ទើបមានឱកាសសម្រេចទីដួចគ្នា រហូតដល់ការប្រកួតចប់៩០នាទីព្រះរាជស្វាយរៀងរកបានគ្រាប់បាល់នាំមុខ២-១ ធ្វើឱ្យក្រុមដែលមកពីខេត្តស្វាយរៀងមួយនេះបន្តឈរកំពូលតារាងបានយ៉ាងល្អដោយការប្រកួតទាំង៧លើកអត់ទាន់ស្គាលចាញ់ស្មើ១ប្រកួតឈ្នះ៦ប្រកួតមាន១៩ពិន្ទុ ខណៈវិសាខាឈរនៅចំណាត់ថ្នាក់លេខ៤ការប្រកួតទាំង៧លើករបស់គេមកនេះ ឈ្នះ៣ប្រកួតស្មើ១ប្រកួតបានចាញ់អស់៣ប្រកួតមាន១០ពិន្ទុ។ ក្រុមភ្នំពេញក្រោន បានត្រឹមតែយកស្មើ២-២ ជាមួយក្រុមភ្ញៀវបឹងកេតប៉ុណ្ណោះនៅលើទីលានស្មាតអ អេស អិន។
ដូច្នេះក្រុមបឹងកេត ឈរនៅលេខរៀងទី២ក្នុងតារាងដោយការប្រកួតទាំង៧លើកកន្លងមកឈ្នះ៤ប្រកួតស្មើ១ប្រកួតចាញ់អស់២ប្រកួតទៅវិញមាន១៣ពិន្ទុខណក្រុមភ្នំពេញក្រោនឈរនៅលេខរៀងទី៦ការប្រកួតទាំង៧លើកឈ្មះ១ប្រកួតស្មើ៤ប្រកួតចាញ់២ប្រកួតមាន៧ពិន្ទុ ។
ចំណែកក្រុមអង្គរថាយហ្គឺវិញ បើទោះជាបានយកឈ្នះលើក្រុមណាហ្គាវើល៤-៣ នៅលើទីលានហនុមាន កាលពីថ្ងៃសៅរ៍ ទី២៣ មេសា ក៏ដោយ ប៉ុន្តែគេនៅតែមិនអាច់ឆ្លងផុតពីTop4បានឡើយ បានត្រឹមតែឈរនៅលេខរៀងទី៥ក្នុងតារាងជាបណ្ដោះអាសន្ត ដោយការប្រកួតទាំង៧លើកមកនេះ ឈ្នះ៣ប្រកួត ស្មើ១ប្រកួត ចាញ់៣ប្រកួត មាន១០ពិន្ទ ខណៈណាហ្គាវើលឈ្នះ៣ ប្រកួតស្មើ២ ប្រកួតចាញ់អស់២ប្រកួតមាន១១ពិន្ទុឈរនៅលេខរៀងទី៣ក្នុងតារាង៕
ចែករំលែកព័តមាននេះ