គ្រឿងស្រវឹងរមែងធ្វើឱ្យមនុស្សបាត់បង់ស្មារតី និងអាចបណ្តាលឱ្យខូចចិត្តនៅពេលក្រោយ ។ ជាក់ស្តែងចំពោះនាង Emma Ayala ជនជាតិម៉ិកស៊ិក ខកចិត្តក្រោយពីអាពាហ៍ពិពាហ៍របស់ខ្លួនត្រូវលុបចោល ព្រោះតែនាងស្រវឹងក្នុងពិធីជប់លៀងហើយបណ្តោយខ្លួនទៅអោបថើបជាមួយបុរសម្នាក់ ។
«Mirror» ផ្សាយកាលពីពេល ថ្មីៗកន្លងមកថា Emma បាននាំមិត្តស្រីទៅជប់លៀង នៅរមណីយដ្ឋានមួយនៅម៉ិកស៊ិក ហើយនាំគ្នាផឹកស៊ីយ៉ាងសប្បាយរីករាយនៅមាត់អាងទឹក។ ក្នុងរាត្រីនោះពួកនាងបានបង្ហោះរូបភាពតាមហ្វេសប៊ុកបង្ហាញឱ្យឃើញនាងEmma Ayala ស្រវឹងនិងថើបគ្នាយ៉ាងល្អូកល្អិនជាមួយបុរសប្លែកមុខទើបជួបគ្នានៅក្នុងយប់នោះ ។
រូបភាពនៅក្នុងហ្វេសប៊ុកនោះ ជាតឹកតាងមួយបញ្ជាក់ពីការផិតក្បត់របស់Emma សម្រាប់អនាគតប្តីរបស់ខ្លួន រួមទាំងក្រុមគ្រួសាររបស់គេ។ វាជាដើមហេតុធ្វើឱ្យអាពាហ៍ពិពាហ៍របស់នាងដែលគ្រោងកើតឡើងនោះ បែរជារលាយសូន្យបង់ទៅវិញ ។
មានរបាយការណ៍ថា នាងEmma ជាអ្នកលុបចោលអាពាហ៍ពិពាហ៍ទំនងមកពីខ្មាសអៀនចំពោះអំពើមិនគប្បីរបស់ខ្លួននោះ ៕
ចែករំលែកព័តមាននេះ