ស្លា.ប់ និងរបួស៤នាក់ ក្រោយរថយន្តបុ.កជាមួយម៉ូតូលើផ្លូវជាតិលេខ៥៥
- ពោធិ៍សាត់
ខេត្តពោធិ៍សាត់ ៖ យ៉ាងហោចណាស់ មនុស្សប្រុសស្រីចំនួន4នាក់បានស្លា.ប់ និងរងរបួសធ្ងន់ ក្នុងករណីគ្រោះថ្នាក់
ខេត្តពោធិ៍សាត់ ៖ យ៉ាងហោចណាស់ មនុស្សប្រុសស្រីចំនួន4នាក់បានស្លា.ប់ និងរងរបួសធ្ងន់ ក្នុងករណីគ្រោះថ្នាក់
ខេត្តពោធិ៍សាត់ ៖ យ៉ាងហោចណាស់ មនុស្សប្រុសស្រីចំនួន4នាក់បានស្លា.ប់ និងរងរបួសធ្ងន់ ក្នុងករណីគ្រោះថ្នាក់រវាងរថយន្តបុ.កជាមួយម៉ូតូ ដែលហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង7និង10នាទីយប់ថ្ងៃទី17 ខែមេសា ឆ្នាំ 2022 តាមបណ្តោយផ្លូវជាតិលេខ 55 ស្ថិតក្នុងភូមិព្រែក1 ឃុំសំរោង ស្រុកភ្នំក្រវាញ ខេត្តពោធិ៍សាត់។
លោក តាន់គារិទ្ធ អធិការនគរបាលស្រុកភ្នំក្រវាញប្រាប់ឲ្យដឹងថា ភាគីខាងម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ពោធិ៍សាត់ 1B-6083 បើកបរដោយឈ្មោះ រឹមល័ក្ខ ភេទប្រុស អាយុ25ឆ្នាំ (បានស្លា.ប់) និងឈ្មោះ ផន ផង់ ភេទស្រី អាយុ26ឆ្នាំ ជាអ្នករួមដំណើរត្រូវជាបងថ្លៃ (បានស្លា.ប់) ។ ជនរងគ្រោះទាំងពីរនាក់រស់នៅក្នុងភូមិកើតហេតុខាងលើ ។ ចំណែកភាគីខាងរថយន្តម៉ាកកាមរីឆ្លាម ពណ៌សំបកឪឡឹក ពាក់ស្លាកលេខ ភ្នំពេញ 2F-0661 បើកបរដោយឈ្មោះ សូសំណាង ដេវីត ភេទប្រុស អាយុ15ឆ្នាំ (រងរបួសធ្ងន់) និងអ្នករួមដំណើរម្នាក់ត្រូវជាម្ដាយឈ្មោះ ទិត្យសារិន អាយុ34ឆ្នាំ (រងរបួសធ្ងន់) ។ ជនរងគ្រោះទាំង២នាក់រស់នៅក្នុងភូមិតាដេសឃុំ សំរោង ស្រុកភ្នំក្រវាញ ខេត្តពោធិ៍សាត់ ។
លោកអធិការបញ្ជាក់ឱ្យដឹងថា នៅមុនពេលកើតហេតុ គេឃើញរថយន្តម៉ាកកាមរីឆ្លាមបើកបរក្នុងល្បឿនលឿនក្នុងទិសដៅពីកើតទៅលិច លុះមកដល់ចំណុចកើតហេតុ ស្រាប់តែរេចង្កូតចូលទៅបុ.កភាគីខាងម៉ូតូនៅខាងស្ដាំដៃចំពីមុខយ៉ាងពេញទំហឹង ខណៈពេលធ្វើចរាចរណ៍បញ្ច្រាសទិសគ្នាពីលិចមកកើត បណ្ដាលឲ្យភាគីខាងអ្នកជិះម៉ូតូចំនួន2នាក់ស្លា.ប់បាត់បង់ជីវិតនៅនឹងកន្លែង ។ ចំណែកភាគីខាងរថយន្តបានរងរបួសធ្ងន់ទាំង២នាក់ម្តាយនិងកូន ត្រូវបានបញ្ជូនយកទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់។
ក្រោយពេលកើតហេតុ រថយន្តនិងម៉ូតូ ត្រូវបានសមត្ថកិច្ចយកទៅរក្សាទុកនៅអធិការរដ្ឋាននគរបាលស្រុកភ្នំក្រវ៉ាញ ដើម្បីបន្តតាមនីតិវិធីនៅពេលក្រោយទៀត ។ ដោយឡែកស.ពជនរងគ្រោះទាំង២នាក់ ត្រូវបានសមត្ថកិច្ចប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ