ADផ្ទាំងផ្សព្វផ្សាយពាណិជ្ជកម្ម

Picture

អនិច្ចា​! នេន​មួយ​អង្គ និង​អ្នកបើកបរ​ម្នាក់​ត្រូវ​អស់​សង្ខារ​លើ​ដង​វិ​ថី​ក្នុង​ថ្ងៃ​ចូល​ឆ្នាំ​ខ្មែរ

1 ឆ្នាំ មុន
  • ស្ទឹងត្រែង

នេន​មួយ​អង្គ​បាន​សុគត និង​អ្នកបើកបរ​ម្នាក់​បាន​ស្លា​.​ប់ ព្រមទាំង​នេន​មួយ​អង្គ​ទៀត​រង​របួសធ្ងន់ បន្ទាប់​គ្រោះថ្នាក់​ចរាចរណ៍​រវាង​រថយន្ត​បុក​ជាមួយនឹង​ម៉ូតូ​ពេញទំហឹង

ខេត្ត​សឹ្ទ​ង​ត្រែង ៖ បើ​តាម​សេចក្តីរាយការណ៍​បានឱ្យ​ដឹង​ថា នេន​មួយ​អង្គ​បាន​សុគត និង​អ្នកបើកបរ​ម្នាក់​បាន​ស្លា​.​ប់ ព្រមទាំង​នេន​មួយ​អង្គ​ទៀត​រង​របួសធ្ងន់ បន្ទាប់​គ្រោះថ្នាក់​ចរាចរណ៍​រវាង​រថយន្ត​បុក​ជាមួយនឹង​ម៉ូតូ​ពេញទំហឹង បង្ក​ឱ្យ​មានការ​ភ្ញាក់ផ្អើល​កាលពី​រសៀល​ថ្ងៃ​ទី​១៤ ខែមេសា ឆ្នាំ​២០២២ នៅ​ចំណុច​ទួល​អន្ទង់​ក្បែរ​ការដ្ឋាន​វាយ​ថ្ម ស្ថិត​ក្នុងភូមិ​ក​ញ្ចា​ញ​គោក ឃុំ​ស្រែ​សំបូរ ស្រុក​សៀម​ប៉ា​ង ខេត្តស្ទឹងត្រែង​។

ប្រភព​ព័ត៌មាន​ពី​កន្លែង​កើតហេតុ​បានអោយ​ដឹង​ថា មុន​កើតហេតុ មាន​រថយន្ត​ម៉ាក​ហា​យ​ឡែ​ន​ឌឺ ពណ៌​ស ពាក់​ស្លាក​លេខ ភ្នំពេញ ២X.៥៦២៦ បើកបរ​ក្នុង​ល្បឿន​លឿន ក៏​បាន​ជ្រុល​ទៅ​បុក​ជាមួយនឹង​ម៉ូតូ​ម៉ាក​ឌ្រី​ម C125 ពណ៌​ខ្មៅ ពាក់​ស្លាក​លេខ សឹ្ទ​ង​ត្រែង ១C.១០៩៤ ក្នុង​ទិស​ដៅ​ស្របគ្នា បណ្តាល​ឱ្យ​នេន​មួយ​អង្គ​សុគត និង​អ្នកបើកបរ​ម្នាក់​បាន​ស្លា​.​ប់ ចំណែក​នេន​មួយ​អង្គ​ទៀត​រង​រង​របួសធ្ងន់​។

លោក​វរសេនីយ៍ឯក ជឹ​ម អេ​ន អធិការ​នគរបាល​ស្រុក​សៀម​ប៉ា​ង បាន​ប្រាប់​អ្នក​សារព័ត៌មាន​ថា ករណី​គ្រោះថ្នាក់​ខាងលើ បណ្តាល​ឱ្យ​មនុស្ស​២​នាក់​ស្លា​.​ប់ (​ក្នុង​នោះ​មាន​នេន​មួយ​អង្គ​សុគត និង​អ្នកបើកបរ​ម្នាក់​ស្លា​.​ប់​) ចំណែក​នេន​មួយ​អង្គ​ទៀត​រង​របួសធ្ងន់ ។

លោក​អធិការ​បន្ត​ថា ជន​រង​គ្រោះ​ខាងលើ​រួម​មាន ៖ ១- អ្នកបើកបរ​ម៉ូតូ​ឈ្មោះ ថុ​ល ផល្លា ភេទ​ប្រុស អាយុ​២០​ឆ្នាំ មាន​ទីលំនៅ​ភូមិ​ស្រែ​ឬ​ស្សី ឃុំ​ស្រែ​សំបូរ ស្រុក​សៀម​ប៉ា​ង ខេត្ត​សឹ្ទ​ង​ត្រែង បាន​ស្លា​.​ប់​នៅ​កន្លែង​កើតហេតុ ទី​២- អ្នក​រួម​ដំណើរ​ព្រះសង្ឃ​ព្រះ​នាម ម៉ៃ យ៉ា ព្រះ​ជន្ម​១២​ព្រះ​វង្សា គង់នៅ​វត្ត​ក​ញ្ចា​ញ​គោក សុគត​នៅ​នឹង​កន្លែង​កើតហេតុ ទី​៣- ព្រះសង្ឃ​ព្រះ​នាម ក​ច ឆៃ ព្រះ​ជន្ម​១២​ព្រះ​វង្សា គង់នៅ​វត្ត​ក​ញ្ចា​ញ​គោក រង​របួសធ្ងន់ ។ ដោយឡែក​អ្នក​បង្ក​បើកបរ​រថយន្ត​ឈ្មោះ ទូច វិចិត្រ ភេទ​ប្រុស អាយុ​៣២​ឆ្នាំ មាន​តួនាទី​ជា​មន្ត្រី​បរិស្ថាន មាន​ទីលំនៅ​ក្នុង​ក្រុង​សឹ្ទ​ង​ត្រែង ខេត្តស្ទឹងត្រែង ។

ក្រោយ​ពេល​កើតហេតុ កម្លាំង​ជំនាញ និង​កម្លាំង​ប៉ុស្តិ៍​នគរបាល​រដ្ឋបាល​ឃុំ​ស្រែ​សំបូរ បាន​ចុះ​វាស់វែង​ដល់​កន្លែង​កើតហេតុ និង​បាន​យក​រថយន្ត​បង្ក និង​ម៉ូតូ​ជន​រង​គ្រោះ​ទៅ​រក្សា​ទុក​នៅ​កន្លែង​ប៉ុស្តិ៍​នគរបាល​រដ្ឋបាល​ឃុំ​ស្រែ​សំបូរ ស្រុក​សៀម​ប៉ា​ង ដើម្បី​កសាង​សំណុំរឿង​បញ្ជូន​ទៅ​ស្នងការដ្ឋាន​នគរបាល​ខេត្ត​៕

អត្ថបទសរសេរ ដោយ

កែសម្រួលដោយ