ដឹងថាប្រពន្ធឈឺពោះសម្រាលកូន បើកឡានលឿនពេកជួបគ្រោះតាមផ្លូវ
- ភ្នំពេញ
រាជធានីភ្នំពេញ ៖ រថយន្តស៊េរីទំនើបមួយគ្រឿង អ្នកបើកបរប្រញាប់ ព្រោះដឹងថាប្រពន្ធឈឺពោះសម្រាល ក៏បានរេ
រាជធានីភ្នំពេញ ៖ រថយន្តស៊េរីទំនើបមួយគ្រឿង អ្នកបើកបរប្រញាប់ ព្រោះដឹងថាប្រពន្ធឈឺពោះសម្រាល ក៏បានរេ ចង្កូតទៅបុ.កក្បាលនាគពុះចែកទ្រូងផ្លូវរងការខូចខាត បង្កការភ្ញាក់ផ្អើលកាលពីវេលាម៉ោង៩យប់ថ្ងៃទី១២ ខែមេសា ឆ្នាំ២០២២ នៅតាមបណ្ដោយផ្លូវសហព័ន្ធរុស្ស៊ី ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបញ្ជាក់ពីកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តស៊េរីទំនើបមួយគ្រឿងម៉ាក MAYBACH S400 ពណ៌ខ្មៅ ពាក់ស្លាកលេខ កម្ពុជា520.1314 បើកបរតាមបណ្ដោយផ្លូវសហព័ន្ធរុស្ស៊ីក្នុងទិសដៅពីលិចទៅកើត បោះពួយយ៉ាងលឿន លុះមកដល់ត្រងចំណុចស្តុបព្រៃទា ស្រាប់តែរេចង្កូតផ្នែកខាងឆ្វេងជ្រុលទៅបុ.កក្បាលនាគពុះចែកទ្រូងផ្លូវ បណ្ដាលឲ្យក្បាលនាគខ្ទាតចេញពីគ្នា តែក្បាលនាគមិនមានរងការខូចខាតអ្វីទេ ចំណែករថយន្តបង្កវិញបែកកង់ម្ខាងផ្នែកខាងមុខខាងឆ្វេង ដោយបើកបរទៅមុខលែងរួច តែសំណាងល្អអ្នកបើកបរ និងអ្នករួមដំណើរជាមួយមិនមានរងរបួសអ្វីឡើយ ។
តាមប្រភពដដែលបានបន្តថា បន្ទាប់មកអ្នកបើកបររថយន្តបានហៅបងប្អូនប្រជាពលរដ្ឋដែលនៅជិតកន្លែងកើតហេតុអោយជួយនាំគ្នាមកលើកក្បាលនាគបំរុងយកទៅដាក់កន្លែងដើមវិញដែរ តែលើកមិនរួច ដោយសារវាធ្ងន់ពេក បងប្អូនប្រជាពលរដ្ឋក៏ត្រឡប់ទៅវិញអស់ទៅ ។ ភ្លាមៗនោះដែរក៏មានកំលាំងសមត្ថកិច្ចមូលដ្ឋានសង្កាត់ចោមចៅ៣បានចុះទៅដល់កន្លែងកើតហេតុ ហើយបានទាក់ទងទៅផ្នែកជំនាញចរាចរណ៍ខណ្ឌពោធិ៍សែនជ័យ ។
តាមប្រភពព័ត៌មានមួយទៀតបញ្ជាក់ប្រាប់ថា រថយន្តបង្កខាងលើដោយសារអ្នកបើកបរប្រញាប់ ព្រោះដឹងថាប្រពន្ធឈឺពោះគ្រប់ខែ ដឹកយកទៅឆ្លងទន្លេនៅមន្ទីរពេទ្យ ទើបបើកបរលឿនហើយក៏រេចង្កូតទៅបុ.កក្បាលនាគពុះចែកទ្រូងផ្លូវតែម្ដង។
ក្រោយពេលកើតហេតុ គេឃើញផ្នែកជំនាញចរាចរណ៍ការិយាល័យផ្លូវគោកបានយករថយន្តស្ទូចទៅស្ទូចក្បាលនាគដាក់ចូលកន្លែងដើមវិញ ចំណែករថយន្តបង្កវិញត្រូវបានផ្នែកជំនាញចរាចរណ៍ខណ្ឌស្ទួចយកទៅរក្សាទុករងចាំការដោះស្រាយនៅថ្ងៃក្រោយ ៕
ចែករំលែកព័តមាននេះ