រាជធានីភ្នំពេញ ៖ជនទាំងឡាយណាមួយបានដល់នូវព្រះពុទ្ធជាទីពឹងទីរឭក ជនទាំងនោះនឹងមិនទៅកាន់អបាយភូមិឡើយ លុះលះបង់រាងកាយ ជារបស់មនុស្សហើយនឹងទៅកាន់ទេវនិកាយសោយនូវសម្បត្តិទិព្វដប់យ៉ាង កើតមានប្រាកដដល់ទេវតាទាំងឡាយនោះ ។ មានសេចក្តីដំណាលថា សម័យមួយសក្កទេវរាជ ព្រមទាំងទេវតា៨…
រាជធានីភ្នំពេញ ៖ជនទាំងឡាយណាមួយបានដល់នូវព្រះពុទ្ធជាទីពឹងទីរឭក ជនទាំងនោះនឹងមិនទៅកាន់អបាយភូមិឡើយ លុះលះបង់រាងកាយ ជារបស់មនុស្សហើយនឹងទៅកាន់ទេវនិកាយសោយនូវសម្បត្តិទិព្វដប់យ៉ាង កើតមានប្រាកដដល់ទេវតាទាំងឡាយនោះ ។
មានសេចក្តីដំណាលថា សម័យមួយសក្កទេវរាជ ព្រមទាំងទេវតា៨ ម៉ឺនអង្គ ចូលទៅរកព្រះមោគ្គលា្លនដ៏មានអាយុ លុះចូលទៅដល់ហើយក៏ថ្វាយបង្គំព្រះមហាមោគ្គល្លានដ៏មានអាយុ ហើយឋិតនៅក្នុងទីដ៏សមគួរ ។
លុះសក្កទេវរាជឋិតនៅក្នុងទីដ៏សមគួរហើយ ព្រះមហាមោគ្គល្លានដ៏មានអាយុបានពោលដូច្នេះថា បពិត្រសក្កទេវរាជ ការដល់នូវព្រះពុទ្ធជាទីពឹងប្រពៃពេកណាស់ ។ បពិត្រសក្កទេរាជ ពួកសត្វខ្លះក្នុងលោកនេះ ព្រោះហេតុតែដល់នូវព្រះពុទ្ធជាទីពឹង លុះបែកធ្លាយរាងកាយទៅតែងកើតក្នុងសុគតិសួគ៌ទេវលោកយ៉ាងនេះឯង ។
សត្វទាំងនោះរមែងបាននូវរបស់ជាទិព្វដទៃដោយឋាន:ទាំង១០យ៉ាងនេះ គឺអាយុជាទិព្វ១, ពណ៌សម្បុរជាទិព្វ១, សេចក្តីសុខជាទិព្វ១, យសជាទិព្វ១, អធិបតីជាទិព្វ១, រូបជាទិព្វ១, សំឡេងជាទិព្វ១, ក្លិនជាទិព្វ១, រសជាទិព្វ១ និងសម្ផស្សជាទិព្វ១ ។
រីឯសត្វដែលដល់នូវព្រះធម៌ និងព្រះសង្ឃ ជាទីពឹងទីរលឹកក៏មានន័យដូចគ្នានេះដែរ មានន័យថា សត្វទាំងឡាយនោះក៏រមែងបានទៅកាន់សុគតិភពទេវលោក សោយនូវទិព្វសម្បត្តិទាំងដប់យ៉ាងនេះដែរ ៕
ចែករំលែកព័តមាននេះ