ADផ្ទាំងផ្សព្វផ្សាយពាណិជ្ជកម្ម

Picture

ពុទ្ធោ​! រថយន្ត​សាំ​យ៉ុ​ង​និង​ម៉ូតូ​ពន្លះ​គ្នា ស្លា​.​ប់​៥​នាក់ និង​របួស​២​នាក់​លើ​ផ្លូវជាតិ​លេខ​៦

2 ខែ មុន
  • សៀមរាប

រថយន្ត​សាំ​យ៉ុ​ង​មួយ​គ្រឿង​បាន​បោះពួយ​ក្នុង​ល្បឿន​យ៉ាង​លឿន​ទៅ​បុក​ជាមួយនឹង​ម៉ូតូ បណ្ដាល​ឱ្យ​មនុស្ស​ចំនួន​៥​នាក់​ស្លា​.​ប់​នៅ​នឹង​កន្លែង​កើតហេតុ និង​២​នាក់​ទៀត

ខេត្តសៀមរាប ៖ រថយន្ត​សាំ​យ៉ុ​ង​មួយ​គ្រឿង​បាន​បោះពួយ​ក្នុង​ល្បឿន​យ៉ាង​លឿន​ទៅ​បុក​ជាមួយនឹង​ម៉ូតូ បណ្ដាល​ឱ្យ​មនុស្ស​ចំនួន​៥​នាក់​ស្លា​.​ប់​នៅ​នឹង​កន្លែង​កើតហេតុ និង​២​នាក់​ទៀត​រង​របួសធ្ងន់​បង្ក​ឱ្យ​មានការ​កកស្ទះ​ពេញ​ផ្លូវ កាលពី​វេលា​ម៉ោង​១៦​ល្ងាច ថ្ងៃ​ទី​១០ ខែមេសា ឆ្នាំ ២០២២ នៅ​តាម​បណ្តោយ​ផ្លូវជាតិ​លេខ​៦ ក្នុងភូមិ​ប៉ាក់​ប៉ាន់ ឃុំ​សសរស្តម្ភ ស្រុក​ពួក ខេត្តសៀមរាប​។

Picture

បើ​ប្រភព​ពី​សាក្សី​នៅ​កន្លែង​កើតហេតុ​បានឱ្យ​ដឹង​ថា មុន​ពេល​កើតហេតុ មាន​រថយន្ត​សាំ​យ៉ុ​ង​មួយ​គ្រឿង​បាន​បោះពួយ​យ៉ាង​លឿន​ចេញពី​ថត​ព្រី​វី​ឌី​ង និង​ទៅ​ចូល​ដណ្ដឹង​កូន​គេ ហើយ​បែរជា​អកុសល​ជួប​គ្រោះថ្នាក់​ចរាចរណ៍​ធ្លាក់​ចូល​វាលស្រែ បណ្តាល​ឱ្យ​មនុស្ស​ចំនួន​៥​នាក់​ស្លា​.​ប់​នៅ​នឹង​កន្លែង​កើតហេតុ និង​មនុស្ស​២​នាក់​ទៀត​រង​របួសធ្ងន់​។

Picture

ប្រភព​ដដែល​បន្ត​ថា ករណី​គ្រោះថ្នាក់​ចរាចរណ៍​ខាងលើ​នេះ បាន​កើតឡើង​នៅ​ថ្ងៃអាទិត្យ ទី​១០ ខែមេសា ឆ្នាំ​២០២២ វេលា​ម៉ោង​១៦​ល្ងាច​នៅ​លើ​ផ្លូវជាតិ​លេខ​០៦ ចំណុច​បង្គោលគីឡូម៉ែត្រ​លេខ​៣៣៨-៣៣៩ ស្ថិត​ក្នុងភូមិ​ប៉ាក់​ប៉ាន់ ឃុំ​សសរស្តម្ភ ស្រុក​ពួក ខេត្តសៀមរាប រវាង​រថយន្ត​បុក​ជាមួយនឹង​ម៉ូតូ​។

Picture

បើ​តាម​លោក​វរសេនីយ៍ឯក ទេព ពុំសែន អធិការ​នគរបាល​ស្រុក​ពួក បាន​ប្រាប់​ឱ្យ​ដឹង​នៅ​រសៀល​ថ្ងៃ​ទី​១១ ខែមេសា​នេះ​ថា មាន​ករណី​រថយន្ត​ម៉ាក​សាំ​យ៉ុ​ង ពណ៌​ស ពាក់​ផ្លា​ក​លេខ​បាត់ដំបង​2, A9816 បើកបរ​ដោយ​ជន​មិន​ស្គាល់​អត្តសញ្ញាណ (​ចុះ​រត់គេច​ខ្លួន​) ដឹក​មនុស្ស​ចំនួន​២២​នាក់ ក្នុង​នោះ​ស្រី​១៧​នាក់ បើកបរ​ពី​កើត​ទៅ​លិច លុះ​មក​ដល់​ចំណុច​កើតហេតុ ក៏​បាន​បុក​ជាមួយ​ម៉ូតូ​ម៉ាក​ស៊ូ​ម័​រ X ពណ៌​ទឹកក្រូច ពាក់​ផ្លា​ក​លេខ សៀមរាប 1X3689 បើកបរ​ដោយ​ឈ្មោះ អេ​ង ជើត ភេទ​ប្រុស អាយុ​២១​ឆ្នាំ នៅ​ភូមិ​ចារ​ក្រោម ឃុំ​ប្រាសាទ ស្រុក​ព្រះ​នេ​ត​ព្រះ ខេត្តបន្ទាយមានជ័យ (​ពាក់មួក​សុវត្ថិភាព​) ដឹក​មនុស្ស​០២​នាក់ ក្នុង​នោះ​មាន ១-​ឈ្មោះ ឡាន ស្រី​លឹ​ម ភេទ​ស្រី អាយុ​២១​ឆ្នាំ (​អត់​មួក​) ២-​ឈ្មោះ ឡាន ស្រី​រួម ភេទ​ស្រី អាយុ​១៨​ឆ្នាំ (​អត់​មួក​) នៅ​ភូមិ​ត្រពាំង​វែង សង្កាត់​ក្របី​រៀល ក្រុង​សៀមរាប បើកបរ​ទិស​ដៅ​ពី​លិចទៅ​កើត​។

Picture

ប្រភព​ដដែល​បន្ត​ថា ហេតុការណ៍​ខាងលើ​នេះ បាន​បណ្តាល​ឱ្យ​ស្លា​.​ប់​មនុស្ស​ចំនួន​០៥​នាក់ ១-​ឈ្មោះ អេ​ង ជើត ២-​ឈ្មោះ ឡាន ស្រី​លឹ​ម ៣-​ឈ្មោះ ស្រី លួ​ម (​ជា​អ្នក​បើក​ម៉ូតូ​និង​អ្នក​រួម​ដំណើរ​ដោយ​ម៉ូតូ​) ៤-​ឈ្មោះ រួន​ភី​រុន ភេទ​ប្រុស អាយុ​៥០​ឆ្នាំ ៥-​ឈ្មោះ​ភី​រម្យ វ​ត្តី ភេទ​ស្រី អាយុ​៦​ឆ្នាំ នៅ​ភូមិ​រាំង​ក្រោល ឃុំ​រាំង​កែ​សី ស្រុក​សង្កែ ខេត្ត​បាត់ ដំបង (​ជា​អ្នក​រួម​ដំណើរ​ជាមួយ​រថយន្ត​) ។ របួសស្រាល​ចំនួន​០២​នាក់ ១-​ឈ្មោះ លួង ឌី​ណា ភេទ​ស្រី អាយុ ៤៩​ឆ្នាំ រស់នៅ​ភូមិ​រាំង​ក្រោល ឃុំ​រាំង​កែ​សី ស្រុក​សង្កែ ខេត្តបាត់ដំបង (​ជា​អ្នក​រួម​ដំណើរ​ជាមួយ​រថយន្ត​)០២-​ឈ្មោះ វង្ស យ៉ា​រឹទ្ធ ភេទ​ស្រី អាយុ​៤២​ឆ្នាំ​នៅ​ភូមិ​រូង ឃុំ​ចែង​មាន​ជ័យ ស្រុក​បាណ​ន់ ខេត្ត​បាត់ ដំបង (​ជា​អ្នក​រួម​ដំណើរ​ជាមួយ​រថយន្ត​)​។ ក្នុង​នោះ​ការ​ខូចខាត រួម​មាន​៖ ម៉ូតូ​១​គ្រឿង​ធ្ងន់ និង​រថយន្ត​១​គ្រឿង​ធ្ងន់ ចំពោះ​មូលហេតុ​គឺ​បណ្តាល​មក​ពី​អ្នក​ម៉ូតូ​បើកបរ​វ៉ា​ជែង ដោយ​ខ្វះ​ការ​ប្រុង​ប្រយ័ត្ន​។

Picture

លោក​បាន​បន្ថែម​ទៀត​ថា ក្រោយ​ពេល​កើតហេតុ កម្លាំង​ជំនាញ​បាន​សហការ​ជាមួយ​កម្លាំង​ប៉ុស្តិ៍​រដ្ឋបាល​សសរស្តម្ភ ចុះ​ទៅ​វាស់វែង​កន្លែង​កើតហេតុ រួច​ប្រមូល​វត្ថុ​តាង​យក​មក​រក្សា​ទុក​នៅ​អធិការ​នគរបាល​ស្រុក​ពួក ដើម្បី​ចាត់ការ​តាម​នីតិវិធី​។ បច្ចុប្បន្ន កម្លាំង​នគរបាល​ជំនាញ​បាន​ប្រគល់​សាកស​.​ព​ជន​រង​គ្រោះ​ជូន​ក្រុម​គ្រួសារ ដើម្បី​យក​ទៅ​ធ្វើបុណ្យ​តាម​ប្រពៃណី​៕

Picture