ស្រុកព្រៃនប់ ៖ បើមិនមានការប្រែប្រួលទេនោះ ក្នុងពិធីអភិសេករូបសំណាក(ព្រះថោងនាងនាគ)នឹងប្រារព្ធធ្វើនៅថ្ងៃវរឡើងស័កចូលឆ្នាំប្រពៃណីជាតិខ្មែរ ក្រោមអធិបតីភាពដ៏ខ្ពង់ខ្ពស់ពីសម្តេចអគ្គមហាសេនាតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី…
ស្រុកព្រៃនប់ ៖ បើមិនមានការប្រែប្រួលទេនោះ ក្នុងពិធីអភិសេករូបសំណាក(ព្រះថោងនាងនាគ)នឹងប្រារព្ធធ្វើនៅថ្ងៃវរឡើងស័កចូលឆ្នាំប្រពៃណីជាតិខ្មែរ ក្រោមអធិបតីភាពដ៏ខ្ពង់ខ្ពស់ពីសម្តេចអគ្គមហាសេនាតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ។
ជាក់ស្តែង នាព្រឹកថ្ងៃទី០៩ មេសា ២០២២ នេះផងដែ ក្រុមការងារបានដំឡើងលើកដាក់លើបល័ង្គរួចហើយ ដោយក្រុមការងារបានធ្វើទាំងយប់មិនសម្រាកនោះទេ ដើម្បីសម្រុកអោយរួចរាល់មុនថ្ងៃបុណ្យចូលឆ្នាំថ្មីខាងមុខនេះ ។
បើតាមក្រុមកាងារបានប្រាប់កោះសន្តិភាពថា រួបបដិមាបានលើដាក់បាល័ង្គទាំង២មែន ប៉ុន្តែមិនទាន់រួចរាល់ជាផ្លូវការនៅឡើយដោតក្រុមការងារកំពុងរួសរាន់ចាក់គ្រៀកទប់លំនឹងរូបទាំង២ ។
សូមបញ្ជាក់ថា រូបសំណាកបដិមា«ព្រះថោងនាងនាគ» សាងសង់ពីស្ពាន់មានទម្ងន់៦០តោន មានកម្ពស់២១ម៉ែត្រ ចាប់ពីព្រះបាទរហូតដល់ម្កុដ នឹងដាក់តាំងតម្កល់លើបល្ល័ង្គកម្ពស់៦,៣៤ម៉ែត្រ មានអង្កត់ផ្ចិត៩៩ម៉ែត្រ ដោយដាក់តាំងបែរព្រះភក្ត្រ ឆ្ពោះទៅសមុទ្ររាម តាមទម្រង់ «ព្រះថោងតោងស្បៃ»ទ្រង់ដំណើរយាងទៅជួបព្រះមាតាបិតានៅឋានភុជង្គនាគ ជានិម្មិតរូបនៃការកកើតទឹកដីវប្បធម៌ អរិយធម៌ ប្រពៃណីទំនៀមទម្លាប់ខ្មែរ និងជារូបបដិមាធ្វើពីស្ពាន់ធំជាងគេនៅព្រះរាជាណាចក្រកម្ពុជា។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ