ខេត្តត្បូងឃ្មុំ ៖ ជនពុំស្គាល់មុខ បានធ្វើសកម្មភាពកា.ប់ប្រហារមកលើបុរសម្នាក់ឈ្មោះឃិន អ៊ាប អាយុ៥៥ឆ្នាំ មានទីលំនៅក្នុងភូមិខ្ទុំកើត ឃុំជីគរ ស្រុកត្បូងឃ្មុំ ត្រូវចំក្បាល១កាំបិត បណ្តាលឱ្យស្លា.ប់ក្នុងថ្លុកឈាមយ៉ាងអណោចអាធ័មបំផុត ដែលហេតុការណ៍មនុស្សឃាតនេះ កើតឡើងកាលពីវេលាម៉ោង០៨ និង៣០នាទីយប់ថ្ងៃទី២១ កញ្ញា ២០១៦ ស្ថិតនៅចំណុចភូមិខ្ទុំកណ្តាល
ខេត្តត្បូងឃ្មុំ ៖ ជនពុំស្គាល់មុខបានធ្វើសកម្មភាពកាប់ប្រហារមកលើបុរសម្នាក់ឈ្មោះឃិន អ៊ាប អាយុ៥៥ឆ្នាំ មានទីលំនៅក្នុងភូមិខ្ទុំកើត ឃុំជីគរ ស្រុកត្បូងឃ្មុំ ត្រូវចំក្បាល១កាំបិត បណ្តាលឱ្យស្លាប់ក្នុងថ្លុកឈាមយ៉ាងអណោចអាធ័មបំផុត ដែលហេតុការណ៍មនុស្សឃាតនេះ កើតឡើងកាលពីវេលាម៉ោង០៨ និង៣០នាទីយប់ថ្ងៃទី២១ កញ្ញា ២០១៦ ស្ថិតនៅចំណុចភូមិខ្ទុំកណ្តាល ហើយក៏មិនទាន់មានសេចក្តីរាយការណ៍ថា កម្លាំងសមត្ថកិច្ចចាប់ខ្លួនបានជនសង្ស័យណាម្នាក់នៅឡើយទេ ។
លោកវរសេនីយ៏ត្រី ឡុង សារិន អធិការរងនគរបាលស្រុកត្បូងឃ្មុំប្រាប់ឱ្យដឹងថា កន្លែងដែលកើតហេតុនោះ គឺនៅត្រង់ចំណុចមុខផ្ទះពលរដ្ឋម្នាក់ឈ្មោះស្រេង ដែលក្នុងហេតុការណ៍ខាងលើ មិនមានសាក្សីណាម្នាក់ឃើញឃាតករដែលប្រើកាំបិតកាប់ប្រហារមកលើបុរសឈ្មោះអ៊ាប នោះទេ ដោយសារតែមេឃងងិតផង ។
លោកបន្តថា ជនរងគ្រោះបានដើរចេញពីផ្ទះតាំងពីវេលាម៉ោង១រសៀលថ្ងៃដដែល មករកទិញស្រានៅផ្ទះឈ្មោះឃន សុខៃ នៅភូមិខ្ទុំកណ្តាល ស្របពេលដែលទៅដល់នោះ ម្ចាស់ផ្ទះបានហៅផឹកស៊ីជុំគ្នា មានមនុស្សដល់ទៅ៤នាក់ ក្នុងនោះមាន១-ម្ចាស់ផ្ទះ ២-ឈ្មោះវ៉ាន់នី ៣-ឈ្មោះអាក ៤-រួមនឹងអ្នកស្លាប់ ក្នុងពេលដែលផឹកស៊ី មិនបានបង្កជម្លោះដោយពាក្យសម្តីណាមួយទេ ។
បន្ទាប់មក អ្នករងគ្រោះបានសុំគេដើរចេញទៅផ្ទះរបស់បងឈ្មោះអ៊ាន ។ ក្នុងពេលដែលបានទៅដល់ផ្ទះរបស់បងបង្កើតនោះ ថែមទាំងបានប្រលែងលេងជាមួយនឹងក្មួយ ហើយបានដើរទៅវិញ ប្រាប់គេឯងថា ត្រឡប់ទៅផ្ទះវិញហើយ តែចេញទៅមិនបានប៉ុន្មានផង ដើរត្រឡប់បកក្រោយ រួចនិយាយប្រាប់សាច់ញាតិថា «មានគេស្ទាក់វាយ» ក្រោយពីបានព្រនង់ឬស្សី១កំណាត់ក្នុងដៃ ប្រញាប់ដើរចេញទៅវិញ តែគ្មានអ្នកចាប់អារម្មណ៍ទេ ។
លុះរហូតដល់វេលាម៉ោងប្រហែលជា០៨ និង៣០នាទីយប់ ស្រាប់តែមានពលរដ្ឋដើរឆ្លុះកង្កែបប្រទះឃើញស្លាប់ដោយមានស្នាមកាប់ត្រូវត្រង់ក្បាល១កាំបិត ក៏រត់មកប្រាប់អ្នកភូមិ និងរាយការណ៏មកប៉ុស្តិ៍រដ្ឋបាលឃុំជីគរ ដោយបានចាត់កម្លាំងបច្ចេកទេសចុះមកពិនិត្យសព ។
អ្នកដែលស្លាប់ខាងលើ គេមិនទាន់ដឹងណាធ្លាប់មានទំនាស់ជាមួយនឹងអ្នកណាម្នាក់ ហើយលោកស្នងការនគរបាលខេត្ត ក៏កំពុងស្វែងរកឃាតករ មកផ្តន្ទាទោស។
ចែករំលែកព័តមាននេះ