ខេត្តព្រះសីហនុ៖ នៅរសៀលថ្ងៃទី៧ ខែមេសា ឆ្នាំ២០២២ នេះ​ ឯកឧត្តម គួច ចំរើន អភិបាល​នៃគណៈអភិបាលខេត្តព្រះសីហនុ បានអញ្ជើញ​ពិនិត្យការដំឡើងរូបសំណាក «ព្រះថោង នាងនាគ» នៅរង្វង់មូលព្រះថោងនាងនាគ ស្ថិតក្នុងភូមិគគីរ ឃុំបិតត្រាង ស្រុកព្រៃនប់ ខេត្តព្រះសីហនុ។

ក្នុងឱកាសនោះ ឯកឧត្តមអភិបាលខេត្ត បានជំរុញឱ្យក្រុមជាងជំនាញ ត្រូវពន្លឿនការដំឡើងរូបសំណាក «ព្រះថោងនាងនាគ» ឱ្យបានឆាប់រួចរាល់ តាមផែនការគ្រោងទុក។

សូមរម្លឹកថា តាមកម្មវិធីដែលបានគ្រោងទុក សម្តេចតេជោ នាយករដ្ឋមន្ត្រី ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន នឹងអញ្ជើញ​នាំក្រុមគ្រួសារសម្តេច ទៅសម្រាកកម្សាន្ត អំឡុងពេលចូលឆ្នាំថ្មី ប្រពៃណីជាតិ នៅខេត្តព្រះសីហនុ​។ រហូតដល់ថ្ងៃទី១៦ ខែមេសា ដែលជាថ្ងៃ​ចូលឆ្នាំទី៣ ឬជាថ្ងៃវារៈ​ឡើង​ស័ក សម្តេច​តេជោ ហ៊ុន សែន និងសម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន នឹងអញ្ជើញចូលរួមជាអធិបតីភាព​ដ៏ខ្ពង់ខ្ពស់​ក្នុងពិធីអភិសេក​រូបសំណាក​ព្រះថោងនាងនាគ​នេះ៕​