របាយការណ៍ ៖ ពេទ្យចិនវះយកបេះដូងអ្នកទោសប្រ.ហារជីវិ.តមុនពេលពួកគេដា.ច់ខ្យ.ល់
ចិន ៖ ការសិក្សាមួយបានអះអាងថា គ្រូពេទ្យវះកាត់ចិនបានធ្វើការវះកាត់យកបេះដូងរបស់អ្នកទោសប្រ.ហារជីវិ.ត
ចិន ៖ ការសិក្សាមួយបានអះអាងថា គ្រូពេទ្យវះកាត់ចិនបានធ្វើការវះកាត់យកបេះដូងរបស់អ្នកទោសប្រ.ហារជីវិ.ត ខណៈពួកគេមិនទាន់ត្រូវបានប្រកាសថាស្លា.ប់នៅឡើយ ដែលការវះកាត់យកគ្រឿងក្នុងអ្នកទោសនេះផ្តល់ប្រាក់ចំណេញខ្ពស់សម្រាប់វេជ្ជបណ្ឌិត និងមន្ទីរពេទ្យ។
អ្នកស្រាវជ្រាវមកពីសកលវិទ្យាល័យជាតិអូស្ត្រាលីបានពិនិត្យមើលលើឯកសារពេទ្យចិនរាប់ពាន់សន្លឹក និងបានសន្និដ្ឋានថា គ្រូពេទ្យវះកាត់បានសម្លា.ប់អ្នកទោសអំឡុងការវះកាត់យកគ្រឿងក្នុងរបស់ពួកគេ។
អ្នកស្រាវជ្រាវបាននិយាយថា កុំព្យូទ័ររបស់ពួកគេពិនិត្យឃើញខុសពីការអះអាងរបស់ចិនដែលថា អ្នកទោសទាំងអស់បានស្លា.ប់មុនពេលគ្រឿងក្នុងរបស់ពួកគេត្រូវបានវះកាត់យក។ នេះបើយោងតាមការចុះផ្សាយរបស់កាសែត The Times។
ការសិក្សាដែលត្រូវបានចុះផ្សាយនៅលើទស្សនាវដ្តីអាមេរិក Journal of Transplantation បាននិយាយថា អ្នកទោសមួយចំនួននៅមានជីវិត ប៉ុន្តែដោយគ្រាន់តែមិនដឹងខ្លួននៅលើកន្លែងប្រតិបត្តិការវះកាត់យកគ្រឿងក្នុង ដែលវាគឺជាការរំលោ.ភបំពា.នគោលការណ៍វេជ្ជសាស្ត្រសកល។
ការសិក្សានេះត្រូវបានដឹកនាំដោយលោក Matthew Robertson ជានិស្សិតផ្នែកនយោបាយ និង Jacob Lavee ពេទ្យវះកាត់បេះដូង និងសាស្ត្រាចារ្យនៅសាលាពេទ្យនៃសកលវិទ្យាល័យ Tel Aviv។
លោក Matthew Robertson បាននិយាយថា «យើងបានរកឃើញថាគ្រូពេទ្យបានក្លាយជាអ្នកប្រហារជីវិតជំនួយរដ្ឋ ហើយវិធីសាស្ត្រនៃការប្រហារជីវិតគឺការវះកាត់យកបេះដូង»។
លោកបន្ថែមថា «ការវះកាត់នេះមានប្រាក់ចំណេញខ្ពស់សម្រាប់វេជ្ជបណ្ឌិត និងមន្ទីរពេទ្យដែលបានចូលរួម»។
អ្នកស្រាវជ្រាវបានពិនិត្យមើលឯកសារចំនួន ២.៨៣៨ច្បាប់ស្តីពីវិធីសាស្ត្រប្តូរសេរីរាង្គនៅក្នុងប្រទេសចិនចន្លោះឆ្នាំ ១៩៨០ និង ២០២០ និងបានរកឃើញថាការស្លា.ប់របស់ខួរក្បាលមិនត្រូវបានអនុវត្តសមរម្យនោះទេ មុនពេលគ្រឿងក្នុងត្រូវបានវះយកចេញក្នុងករណីចំនួន ៧១។
អ្នកស្រាវជ្រាវនិយាយថា «ប្រសិនរបាយការណ៍ដែលយើងពិនិត្យមានភាពត្រឹមត្រូវ វាបង្ហាញថាការផ្គត់ផ្គង់បេះដូង និងសួតដោយគ្រូពេទ្យវះកាត់គឺជាបុព្វហេតុនៃការស្លា.ប់របស់អ្នកទោស ដូច្នេះវាជាការបង្ហាញពីការពាក់ព័ន្ធដោយផ្ទាល់របស់គ្រូពេទ្យវះកាត់ក្នុងការប្រហារជីវិត»។
សូមបញ្ជាក់ថា ចិនបានប្តេជ្ញាធ្វើការផ្លាស់ប្តូរប្រព័ន្ធប្តូរសេរីរាង្គរបស់ខ្លួននៅក្នុងឆ្នាំ ២០០៧ និងសន្យាថានឹងបញ្ឍប់ការអនុវត្តន៍ការយកគ្រឿងក្នុងពីអ្នកទោសប្រហារជីវិតនៅក្នុងឆ្នាំ ២០១៥៕ (យោងតាមប្រភព៖ The Sun)
ចែករំលែកព័តមាននេះ