ឡានស្ទូចបង្កគ្រោះត្រង់ចំណុចផ្លូវបំបែក ឆក់យកជីវិត៤នាក់
- ព្រះសីហនុ
ខេត្តព្រះសីហនុ ៖ មានករណីរថយន្តស្ទូចមួយគ្រឿងបុ.ករះម៉ូតូនិងរថយន្ត បណ្ដាលឱ្យមនុស្សចំនួន៤នាក់ បាត់បង់
ខេត្តព្រះសីហនុ ៖ មានករណីរថយន្តស្ទូចមួយគ្រឿងបុ.ករះម៉ូតូនិងរថយន្ត បណ្ដាលឱ្យមនុស្សចំនួន៤នាក់ បាត់បង់ជីវិតភ្លាមៗនៅកន្លែងកើតហេតុ ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១០និង៣០នាទីព្រឹកថ្ងៃទី៣ ខែមេសាឆ្នាំ២០២២ តាមបណ្ដោយផ្លូវមិត្តភាពលេខ៥០០ ត្រង់ចំណុចផ្លូវបំបែក ចំណោទចុះអូរ២ ឡើងទៅស្ថានីយប្រេងតូតាល់ ឃ្លាំងលើ ស្ថិតក្នុងភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
រថយន្តស្ទូចមួយគ្រឿងខាងលើ ម៉ាកហ៊ីយ៉ាន់ដាយ ពណ៍ស ពាក់ផ្លាកលេខ កំពង់ស្ពឺ 3A-1512 បើកបរដោយឈ្មោះ ឡូ ភេទប្រុស អាយុ២២ឆ្នាំ មុខរបរបើកបររថយន្ត (បានស្លា.ប់) និងអ្នករួមដំណើរម្នាក់ទៀតឈ្មោះ យុគ ភេទប្រុស អាយុ២៣ឆ្នាំ (បានស្លា.ប់) ។ អ្នកទាំង២មានទីលំនៅក្នុងភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ។ ចំណែកភាគីខាងម៉ូតូ១គ្រឿង ម៉ាកស្គូពី ពណ៌ក្រហម ពាក់ផ្លាកលេខ ភ្នំពេញ 1GL-7055 បើកបរដោយឈ្មោះ JEAN CHARLES ភេទប្រុស ជនជាតិកាណាដា (បានស្លា.ប់) និងស្ត្រីម្នាក់ទៀត ជាអ្នករួមដំណើ់រ ពុំស្គាល់អត្តសញ្ញាណ (បានស្លា.ប់) ។
តាមប្រភពព័ត៌មាននៅនឹងកន្លែងកើតហេតុបានប្រាប់ឱ្យដឹងថា មុនពេលកើតហេតុ ពួកគាត់ឃើញរថយន្តស្ទូច១គ្រឿង ម៉ាកហ៊ីយ៉ាន់ដាយ ពណ៍ស បើកបរក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ក៏បានបុ.កម៉ូតូ១គ្រឿងម៉ាកស្គូពី ពណ៌ក្រហម បណ្ដាលឱ្យអ្នកបើកបរម៉ូតូ និងអ្នករួមដំណើរដួ.លបោ.កក្បាលស្លា.ប់ភ្លាមទាំងពីរនាក់ ។ បន្ទាប់មករថយន្តស្ទូចក៏បន្តល្បឿនទៅបុ.កប៉ះរថយន្ត១គ្រឿងទៀតហើយក៏ជ្រុលទៅបុ.កផ្ទប់ជាប់នឹងផ្ទះប្រជាពលរដ្ឋកៀបជាប់អ្នកបើកបររថយន្ត និងអ្នករួមដំណើរ បណ្ដាលឲ្យស្លា.ប់ទាំង2នាក់នៅនឹងកន្លែងកើតហេតុតែម្តង។
ក្រោយពេលកើតហេតុ រថយន្ត និងម៉ូតូ ត្រូវបាននគរបាលចរាចរណ៍យកទៅរក្សាទុកនៅការិយាល័យនគរបាលចរាចរណ៍ផ្លូវគោក ដើម្បីរង់ចាំធ្វើការដោះស្រាយតាមនីតិវិធីនៅពេលក្រោយទៀត ៕
ចែករំលែកព័តមាននេះ