រាជធានីភ្នំពេញ៖ បុរសម្នាក់ បានស្លា.ប់បាត់.បង់.ជីវិត ក្នុងហេតុការណ៍គ្រោះថ្នាក់ចរាចរណ៍ បន្ទាប់ពីរូបគេជិះម៉ូតូតែម្នាក់ឯង ទាក់ដៃចង្កូតជាមួយនឹងរ៉ឺម៉កកង់បី ហើយខ្ទាតចូលក្រោមកង់រថយន្តក្រុង។ ហេតុការណ៍នេះ បានកើតឡើង នៅក្បែរនឹងទីបញ្ជាការដ្ឋានកងរាជអាវុធហត្ថ រាជធានីភ្នំពេញ ស្ថិតតាមបណ្តោយមហាវិថីចោមចៅ ( ផ្លូវវេងស្រេង ) ក្នុងសង្កាត់ស្ទឹងមានជ័យ៣ ខណ្ឌមានជ័យ កាលពីវេលាម៉ោង ៤ល្ងាច ថ្ងៃទី៣ ខែមេសា ឆ្នាំ២០២២។
ភ្លាមៗ ជនរងគ្រោះ ជាបុរសវ័យជិត ៤០ឆ្នាំ មិនត្រូវបានគេស្គាល់អត្តសញ្ញាណនោះទេ។ ជនរងគ្រោះ ជិះម៉ូតូ ម៉ាកហុងដាឌ្រីម ស៊េរីឆ្នាំ២០២១ ពណ៌ខ្មៅ ពាក់ស្លាកលេខ កណ្តាល 1AG – 8087 ។
ប្រភព័ត៌មាន បានឱ្យដឹងថា មុនពេលកើតហេតុ ជនរងគ្រោះជិះម៉ូតូតែម្នាក់ឯង ធ្វើដំណើរតាមបណ្តោយមហាវិថីចោមចៅ ក្នុងទិសដៅពីលិចទៅកើត។ លុះធ្វើដំណើរដល់ចំណុចកើតហេតុ ស្រាប់តែទាក់ដៃចង្កូតជាមួយកង់បីឥណ្ឌាមួយគ្រឿង បណ្តាលឱ្យដួលទៅនឹងថ្នល់ ហើយភ្លាមនោះ រថយន្តក្រុងមួយគ្រឿង ពាក់ស្លាកលេខ រដ្ឋ37-3-0129 ធ្វើដំណើរមកពីក្រោយ កិនចំក្បាល ធ្លាយ.ខួរស្លា.ប់យ៉ាងអាណោចអាធ័ម នៅហ្នឹងកន្លែងតែម្តង។
ភ្លាមៗ តៃកុងរថយន្តបង្ក បានបើកទៅមុខ បានបន្តិច ក៏បានរត់គេចខ្លួន បាត់ស្រមោលសូន្យ។ ក្រោយកើតហេតុ កម្លាំងសមត្ថកិច្ចមូលដ្ឋាន រួមទាំងនគរបាលជំនាញ បានចុះអន្តរាគមន៍ ធ្វើការវាស់វែង អូសយកទាំងរថយន្តក្រុងរបស់សាលារាជធានីភ្នំពេញ និងម៉ូតូជនរងគ្រោះ ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយទៅតាមផ្លូវច្បាប់ នៅពេលក្រោយ ។ ដោយឡែក ស.ពជនរងគ្រោះ គឺសមត្ថកិច្ចកំពុងព្យាយាមស្វែងរកទំនាក់ទំនងសាច់ញាតិ ដើម្បី ឱ្យទៅទទួលយកទៅធ្វើបុណ្យតាមប្រពៃណី៕ លីហេង
ចែករំលែកព័តមាននេះ