ពិភពលោករង់ចាំមើលលទ្ធផលទំនាយលោកយាយ Vanga ទាយពីអនាគតលោកពូទីន
បរទេស៖ ពិភពលោកកំពុងទន្ទឹងរង់ចាំមើលលទ្ធផលនៃទំនាយរបស់ហោរាពិការភ្នែកដ៏ល្បីគឺ លោកយាយ Baba
បរទេស៖ ពិភពលោកកំពុងទន្ទឹងរង់ចាំមើលលទ្ធផលនៃទំនាយរបស់ហោរាពិការភ្នែកដ៏ល្បីគឺ លោកយាយ Baba Vanga ដែលបានទស្សន៍ទាយអំពីជោគវាសនាអនាគតរបស់ប្រធានាធិបតីរុស្ស៊ី លោក Vladimir Putin។ នេះបើយោងតាមប្រភពពី Dailymail ចេញផ្សាយកាលពីថ្ងៃទី២៩ មីនា កន្លងទៅ។
លោកយាយ Baba Vanga ជនជាតិប៊ុលហ្គារីមកពីតំបន់ Balkans ដែលបានស្លា.ប់កាលពី២៥ឆ្នាំមុន ពោលនៅក្នុងឆ្នាំ១៩៩៦ ពេលគាត់មានអាយុ៨៤ឆ្នាំ ។ លោកយាយត្រូវបានគេស្គាល់យ៉ាងច្បាស់ថា ជាហោរាទស្សន៍ទាយឆុតបំផុតអំពីព្រឹត្តិការណ៍នៅជុំវិញពិភពលោក។
នៅក្នុងចំណោមការទស្សន៍ទាយជាច្រើនរបស់គាត់ លោកយាយ Vanga ក៏ធ្លាប់ទាយត្រូវពីការវាយប្រហារអគារពាណិជ្ជកម្មរបស់អាមេរិក ដែលកើតឡើងកាលពីថ្ងៃទី១១ ខែកញ្ញា ឆ្នាំ២០០១ កន្លងទៅ។ ហើយជាងនេះទៅទៀត លោកយាយក៏បានទាយត្រូវអំពីការលុកលុយរបស់រុស្ស៊ីលើអ៊ុយក្រែនផងដែរ។
អ្វីដែលពិភពលោកភ្ញាក់ផ្អើល និងកំពុងរង់ចាំមើលលទ្ធផលទំនាយរបស់លោកយាយនោះគឺ ដោយកាលពីឆ្នាំ ១៩៧៩ គាត់បានទស្សន៍ទាយថា ប្រទេសរុស្ស៊ីនឹងក្លាយជាម្ចាស់នៃពិភពលោក។ ហើយយោងតាមកាសែត BirminghamLive បានដកស្រង់សម្តីលោកយាយដែលបាននិយាយថា «អ្វីៗទាំងអស់នឹងរលាយដូចទឹកកក។ លើកលែងតែមួយគត់គឺភាពរុងរឿងរបស់ Vladimir (លោកពូទីន) និងភាពរុងរឿងរបស់រុស្ស៊ី»។
លោកយាយបន្តថា «មនុស្សជាច្រើននឹងក្លាយជាជនរងគ្រោះ។ ហើយគ្មាននរណាអាចបញ្ឈប់រុស្ស៊ីបានទេ។ ពួកគេនឹងក្លាយជាម្ចាស់នៃពិភពលោក»។
សូមរំលឹកថា ក្រោមបញ្ជារបស់លោកពូទីន រុស្ស៊ីបានបើកប្រតិបត្តិការណ៍យោធាពិសេសលើអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២ រហូតដល់ពេលនេះ។ បើទោះបីជាមានកិច្ចចរចារវាងភាគីទាំង២យ៉ាងក៏ដោយ។
រុស្ស៊ីបច្ចុប្បន្នកំពុងរងទណ្ឌកម្មធ្ងន់ធ្ងរស្ទើរគ្រប់ប្រទេសលើពិភពលោក។ ខណៈដែលលោកពូទីនក៏ធ្លាប់បានគំរាមថា នឹងប្រើអាវុធនុយក្លេអ៊ែរ ប្រសិនបើមានការអន្តរាគមន៍ពីសំណាក់ប្រទេសលោកខាងលិចនៅក្នុងជម្លោះអ៊ុយក្រែន៕ (ដកស្រង់ចេញពី Dailymail)
ចែករំលែកព័តមាននេះ