ខេត្តក្រចេះ ៖ សកម្មភាពជាក់ស្ដែងឃើញថា ក្រុមឈ្មួញសម្រុកដឹកឈើចេញពីខេត្តមណ្ឌលគីរី ឆ្លងកាត់ស្រុកស្នួល ខេត្តក្រចេះ បន្ដទៅលក់នៅខេត្តត្បូងឃ្មុំ និងខេត្តព្រៃវែង បានដំណើរការយ៉ាងរលូន ដោយគ្មានការំខានពីសមត្ថកិច្ច…
ខេត្តក្រចេះ ៖ សកម្មភាពជាក់ស្ដែងឃើញថា ក្រុមឈ្មួញសម្រុកដឹកឈើចេញពីខេត្តមណ្ឌលគីរី ឆ្លងកាត់ស្រុក
ស្នួល ខេត្តក្រចេះ បន្ដទៅលក់នៅខេត្តត្បូងឃ្មុំ និងខេត្តព្រៃវែង បានដំណើរការយ៉ាងរលូន ដោយគ្មានការំខានពីសមត្ថកិច្ច ឬស្ថាប័នដែលកំពុងឈរជើងនៅស្រុកស្នួលឡើយ ។
ប្រភពបានឲ្យដឹងថា ក្រុមឈ្មួញដែលកំពុងមមារញឹកយ៉ាងសកម្ម ក្នុងការដឹកជញ្ជូនផលអនុផលព្រៃឈើខុសច្បាប់ចេញពីតំបន់ចំនួន២ គឺព្រំប្រទល់ឃុំស្រែឈូក ស្រុកកែវសីម៉ា ខេត្តមណ្ឌលគី ជាប់និងព្រំប្រទល់ ស្រុកស្នួល ខេត្តក្រចេះ ដោយប្រើមធ្យោបាយតាមរយៈរទេះគោ, គោយន្ដកន្រ្តៃ ពេលចូលដល់ទីដីស្រុកស្រុកស្នួល និងមួយទៀត គឺតាមច្រកសំពោច ឃុំខ្សឹម ហើយក្រុមឈ្មួញប្រើប្រាស់តាមរថយន្ដសាំងយ៉ុង ឆ្ពោះទៅខេត្តត្បូងឃ្មុំ និងខេត្តព្រៃវែងបានដោយរលូន មិនមានការរំខានពីសមត្ថកិច្ចជាច្រើនស្ថាប័នដែលឈរជើងនៅស្រុកស្នួលនោះឡើយ ។
ក្រុមឈ្មួញដឹកជញ្ជូនឈើទាំងនោះ ត្រូវគេស្គាល់ថា ក្រុមឆ្លងកាត់ពីកាបី(K3) មានឈ្មោះ ប្រុស ឈ្មោះតឹង ឈ្មោះតាមេន ឈ្មោះភ័ក្ត្រ គឺជាឈ្មួញរកស៊ីដឹកឈើតាមរថយន្តសាំងយ៉ុងជារៀងរាល់យប់ ហើយក្រុមមួយទៀតគឺចេញតាមច្រកសំពោច មានឈ្មោះ ហៀង ឈ្មោះ ហួង ឈ្មោះ ឌី និងឈ្មោះ គន្ធា ។
ជាក់ស្តែង នៅយប់ថ្ងៃទី៣០ មីនា គេបានប្រទះឃើញ រថយន្ដសាំងយ៉ុងដឹកឈើរបស់ក្រុមឈ្មួញទាំងនោះធ្វើចរាចរណ៍ឆ្លងកាត់ស្រុកស្នួល ឆ្ពោះទៅខេត្តត្បូងឃ្មុំ បើកបរបិទគ្នាប្រសេកប្រសាចពេញផ្លូវដោយគ្មានខ្លាចគ្រោះដល់អ្នកដទៃដែលធ្វើចរាចរណ៍លើកដងផ្លូវជាមួយ ។ ប្រជាពលរដ្ឋស្រុកស្នួលដាក់ការងឿងឆ្ងល់ថា សមត្ថកិច្ចឈរជើងនៅស្រុកស្នួលជាច្រើនស្ថាប័ន ហេតុអ្វីបានជារថយន្ដដឹកឈើទាំងនោះទៅបានដោយរលូន ឬមួយរថយន្ដដឹកឈើទាំងនោះ ចេះបំបាំងកាយធ្វើឱ្យយសមត្ថកិច្ចមើលពុំឃើញ។
ចែករំលែកព័តមាននេះ