យោងតាមបុស្តិ៍ប៉ូលិស Rochester បានឱ្យដឹងថា លោក Bill Nojay ដែលជាសមាជិកសភា មកពីប៉ែកខាងជើងនៃប្រទេស របស់គណបក្សសាធារណរដ្ឋសហរដ្ឋអាមេរិក ជាអ្នកនយោបាយ និងជាពិធីករក្នុងប៉ុស្តិ៍វិទ្យុដ៏ល្បីល្បាញផង បានទទួលមរណភាព
យោងតាមបុស្តិ៍ប៉ូលិស Rochester បានឱ្យដឹងថា លោក Bill Nojay ដែលជាសមាជិកសភា មកពីប៉ែកខាងជើងនៃប្រទេស របស់គណបក្សសាធារណរដ្ឋសហរដ្ឋអាមេរិក ជាអ្នកនយោបាយ និងជាពិធីករក្នុងប៉ុស្តិ៍វិទ្យុដ៏ល្បីល្បាញផង បានទទួលមរណភាពកាលពីព្រឹកថ្ងៃសុក្រសបា្តហ៍មុន ក្រោយពីបាញ់សម្លាប់ខ្លួនឯងក្នុងទីស្មសាន Riverside Cemetery លើ Lake Avenue ។ លោក Nojay មានប្រពន្ធឈ្មោះ Debra និងមានកូន៣នាក់ ។
ហេតុការណ៍ខាងលើ ត្រូវបានប្រទះឃើញដោយប៉ូលិស Rochester ម្នាក់ ដែលបានឆ្លើយតបនឹងការប្តឹងឱ្យទៅត្រួតពិនិត្យលើបុគ្គលម្នាក់ នៅទីស្មសាន ដែលបុគ្គលម្នាក់នោះត្រូវសារភាពពីបទឆបោក និងប្រគល់ខ្លួនឲ្យទៅប៉ូលិស ។ លោក Nojay គឺជាតំណាងសភាសង្កាត់ទី១៣៣ ដែលរួមមានខណ្ឌ Livingston និងផ្នែកមួយចំនួននៃខណ្ឌ Monroe និង Steuben។ប៉ូលិសម្នាក់នោះបានប្រទះឃើញលោក Nojay នៅលើដីរបស់គ្រួសាររបស់លោក ដែលនៅយ៉ាងជ្រៅក្នុងទីបញ្ចុះសព ។
លោក Nojay ត្រូវបានជ្រើសតាំងក្នុងឆ្នាំ២០១២ និងជាសមាជិកមកពីប៉ែកខាងជើងនៃប្រទេសដ៏លេចធ្លោម្នាក់របស់គណបក្សសាធារណរដ្ឋក្នុងសភា ។ លោកមានកេរ្តិ៍ឈ្មោះដ៏ឧត្តុងឧត្តម ដែលបានធ្វើឲ្យលោកក្លាយជាពិធីករក្នុងបុស្តិ៍វិទ្យុបែបអភិរក្សនិយមមួយក្នុងតំបន់ Rochester។
លោកត្រូវបានជាប់ឈ្មោះជាបេក្ខជនសម្រាប់ការបោះឆ្នោតល្បង ក្នុងគណបក្សសាធារណរដ្ឋ ដែលមានដៃគូ គឺលោក Rick Milne ជាចៅហ្វាយក្រុងរបស់ Honeoye Falls។ លោកក៏បានរៀបចំកម្មវិធីរៃអង្គាសជំនួយសប្បុរសធម៌ក្នុងចុងសប្តាហ៍ផងដែរ។ លើសពីនេះទៅទៀត អ្នកបង្កើតច្បាប់រូបនេះ ថែមទាំងបានត្រូវចោទប្រកាន់ពីបទឆបោក ក្នុងកិច្ចព្រមព្រៀងអាជីវកម្មមួយផងដែរ ក្នុងប្រទេសកម្ពុជា ប៉ុន្តែលោកបានច្រានចោលពាក្យបណ្តឹងនោះ។
លោក Nojay បានឡើងកាន់តំណែងជាអ្នករិះគន់ដ៏សកម្មមួយទៅកាន់អភិបាលក្រុងលោក Andrew Cuomo និងច្បាប់គ្រប់គ្រងការប្រើប្រាស់កាំភ្លើង (SAFE Act.) ដែរ ។ លោកក៏ជាសមាជិករបស់ក្រុម ដែលបានជំរុញឲ្យលោក Donald Trump ឈរឈ្មោះជាអភិបាលក្រុងក្នុងឆ្នាំ២០១៤ តតាំងនឹងលោក Cuomo ហើយក៏ជាអ្នកគាំទ្រដ៏ខ្លាំងក្លាម្នាក់ ទៅលើការឈរឈ្មោះជាបេក្ខជន
ប្រធានាធិបតេយ្យរបស់លោក Donald Trump ទៀតផង។
លោកក៏ជាអតីតប្រធាន និងហិរញ្ញក្នុងអង្គការ Al Sigl Center ក្នុង Rochester ផងដែរ។ ក្នុងឆ្នាំ១៩៩៦ លោកអភិបាលក្រុង George Pataki បានជ្រើសលោក Nojay ឱ្យឈរឈ្មោះ ហើយព្រឹទ្ធសភារបស់រដ្ឋក៏បានសម្រេចតែងតាំងលោកជាប្រធាននាយកដ្ឋានរបស់អាជ្ញាធរ Rochester Genesee Regional Transportation Authority។ លោកក៏ត្រូវបានជ្រើសតាំងជាប្រធាននៃអាជ្ញាធរផងដែរក្នុងឆ្នាំដដែល។
ចែករំលែកព័តមាននេះ