ខេត្តបាត់ដំបង៖ សមត្ថកិច្ចបានឃាត់ខ្លួនយុវជនម្នាក់ភ្លាមភ្លាមៗ ក្រោយពីប្រើហិ.ង្សាកា.ប់បំផ្លាញជញ្ជាំងផ្ទះ និង ដុតកំទេចសម្ភារនៅក្នុងផ្ទះអស់គ្មានសល់ ព្រោះតែខឹងសុំលុយឪពុកមិនបាន កាលពីវេលាម៉ោង៨ព្រឹកថ្ងៃទី២៩ មីនា ស្ថិតនៅភូមិនិគមបណ្ដាល ឃុំជ្រោយស្តៅ…
ខេត្តបាត់ដំបង៖ សមត្ថកិច្ចបានឃាត់ខ្លួនយុវជនម្នាក់ភ្លាមភ្លាមៗ ក្រោយពីប្រើហិ.ង្សាកា.ប់បំផ្លាញជញ្ជាំងផ្ទះ និង ដុតកំទេចសម្ភារនៅក្នុងផ្ទះអស់គ្មានសល់ ព្រោះតែខឹងសុំលុយឪពុកមិនបាន កាលពីវេលាម៉ោង៨ព្រឹកថ្ងៃទី២៩ មីនា ស្ថិតនៅភូមិនិគមបណ្ដាល ឃុំជ្រោយស្តៅ ស្រុកថ្មគោល។
របាយការណ៍អធិការនគរបាលស្រុកថ្មគោលបានឱ្យដឹងថា លោកកូនប្រុសដែលប្រើហិ.ង្សាបំភ្លេចបំផ្លាញទ្រព្យខ្លួនឯងនោះ ឈ្មោះ ទី រស់ ភេទប្រុស អាយុ២៥ឆ្នាំ។ ជននេះបានប្រើកាំ.បិ.តផ្គាក់កា.ប់កំទេចជញ្ជាំងផ្ទះ រួចប្រមូលសម្ភារនៅក្នុងផ្ទះដុតចោលគ្មានសល់ទៀត ដែលសមត្ថកិច្ចអះអាងថា «ដោយសារខឹងសុំលុយឪពុកមិនបាន»។
លោក យូ សឿង អាយុ៥១ឆ្នាំ ជាឪពុកជនដៃដល់បានប្ដឹងទៅសមត្ថកិច្ចថា កូនប្រុសរបស់គាត់បានសុំលុយគាត់ តែគាត់មិនបានឱ្យទេ ដោយសារលោកកូនម្នាក់នេះគិតតែដើរលែងគ្មានប្រយោជន៍ មិនគិតជួយធ្វើការងារផ្ទះ។ គាត់បានប្រាប់សមត្ថកិច្ចថា ដោយសារតែចរិតកូនចោរម្សៀតបែបនេះហើយ ទើបគាត់មិនឱ្យ ហើយកូនប្រុសរូបនេះក៏ទាញកាំបិតផ្គាក់កាប់ជញ្ជាំងស័ង្កសីបណ្ដាលឲ្យខូចខាតជាច្រើនកន្លែង។
មិនអស់ចិត្តលោកកូនចង្រៃនេះ ប្រមូលសម្ភារនៅក្នុងផ្ទះដុតបំផ្លាញចោល ស្ទើរឆេះទាំងផ្ទះអស់ទៀត តែសំណាងល្អបានអ្នកភូមិ និងសមត្ថកិច្ចមកជួយពន្លត់ទាន់ពេល។ លោក សេង លុច អធិការស្រុកថ្មគោល បានប្រាប់ថា នេះជាអំពើហិ.ង្សាក្នុងគ្រួសារ ដែលបង្កឡើងដោយកូនម្ចាស់ផ្ទះ។ លោកបានបញ្ជាក់ថា អំពើហិ.ង្សានេះមិនមែនផ្ដើមចេញពីជនសង្ស័យបែកថ្នាំទេ គឺ ផ្ដើមចេញពីជននេះខឹងសុំលុយឪពុកមិនបានក៏ប្រើហិ.ង្សាបំភ្លេចបំផ្លាញទ្រព្យសម្បត្តិក្នុងផ្ទះតែម្ដង។
ប៉ុន្តែជននេះធ្លាប់មានប្រវត្តិប្រើប្រាសថ្នាំញៀនកាលអំឡុងធ្វើការនៅប្រទេសថៃ។ យ៉ាងណាក្ដី ដោយយោងតាមបណ្ដឹងរបស់ឪពុកជនដៃដល់រូបនេះដែលគ្មានការលើកលេង និងបទបញ្ជាលោកស្នងការ ថែមទាំងមានការឯកភាពពីតំណាងអយ្យការផង មន្រ្តីជំនាញរបស់លោកបាននិងកំពុងសួរនាំ ដើម្បីកសាងសំណុំរឿងចាត់ការតាមនីតិវិធីហើយ៕
ចែករំលែកព័តមាននេះ