ខេត្តព្រះសីហនុ ៖ មន្ត្រីសាលាខេត្តព្រះសីហនុ បានឲ្យដឹងថា រូបសំណាក «ព្រះថោងនាងនាគ» ដែលនឹងត្រូវដំឡើងនៅរង្វង់មូលថ្មី ស្ថិតនៅចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ ក្នុងខេត្តព្រះសីហនុនោះ…
ខេត្តព្រះសីហនុ ៖ មន្ត្រីសាលាខេត្តព្រះសីហនុ បានឲ្យដឹងថា រូបសំណាក «ព្រះថោងនាងនាគ» ដែលនឹងត្រូវដំឡើងនៅរង្វង់មូលថ្មី ស្ថិតនៅចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ ក្នុងខេត្តព្រះសីហនុនោះ បានដឹកមកដល់កំពង់ផែស្វយ័តក្រុងព្រះសីហនុ ប្រទេសកម្ពុជាហើយ នៅថ្ងៃ២៥ ខែមីនា ២០២២នេះ ។
រូបសំណាក ព្រះថោងតោងស្បៃព្រះនាងនាគ ដ៏ធំសម្បើមនេះ មានកម្ពស់ជាង ២១ម៉ែត្រ ដែលរចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន ។
តាមគម្រោងស្ថាបនា រូបសំណាក «ព្រះថោងនាងនាគ» នឹងបែរព្រះភក្ត្រ ឆ្ពោះទៅសមុទ្រ ដោយសារបើតាមរឿងព្រេងការកកើតនគរខ្មែរ គឺព្រះនាងនាគបានឲ្យព្រះថោង តោងកន្ទុយឬស្បៃ ដើម្បីមុជទឹក ហោះទៅកាន់ឋានស្ដេចភុជង្គនាគ ដើម្បីជួបមាតា បិតារបស់ព្រះនាង ហើយនោះគឺជានិម្មិតរូបនៃការកកើតទឹកដី អារ្យធម៌ វប្បធម៌ ប្រពៃណី ទំនៀមទម្លាប់នគរខ្មែរ គោកធ្លក ដែលគេឃើញមានតរៀងមកក្នុងពិធីរៀបអាពាហ៍ពិពាហ៍របស់ខ្មែរ ដល់ដល់សព្វថ្ងៃ ។
សូមជម្រាបថា រូបសំណាកដ៏ធំស្កឹមស្កៃនេះ ជារូបសំណាកមួយ ក្នុងចំណោមរូបសំណាក់និមិត្តរូប នៃខេត្តព្រះសីហនុចំនួន៤ ។ ដែលរូបសំណាក់ ០៣ផ្សេងទៀត មានដូចជា ៖ រូបសំណាកតោមាស រូបសំណាកព្រះសិវៈនិងព្រះនាងឧមា (សាងសង់ថ្មី) និងរូបសំណាកសីហក្បាលរាជសី ៕
ចែករំលែកព័តមាននេះ