រាជធានីភ្នំពេញ ៖ នៅពេលកូនមិនព្រមញ៉ាំអាហារ ឪពុកម្តាយជាច្រើនគិតថា កូនញ៉ាំរើស ។ ក្មេងដែលរើសអាហារជាធម្មតា គឺជាក្មេងដែលបដិសេធមិនញ៉ាំប្រភេទអាហារមួយចំនួន ឬគ្រាន់តែចង់ញ៉ាំអាហារដដែលៗម្តងហើយម្តងទៀត ។…
រាជធានីភ្នំពេញ ៖ នៅពេលកូនមិនព្រមញ៉ាំអាហារ ឪពុកម្តាយជាច្រើនគិតថា កូនញ៉ាំរើស ។ ក្មេងដែលរើសអាហារជាធម្មតា គឺជាក្មេងដែលបដិសេធមិនញ៉ាំប្រភេទអាហារមួយចំនួន ឬគ្រាន់តែចង់ញ៉ាំអាហារដដែលៗម្តងហើយម្តងទៀត ។ ពួកគេប្រហែលជាចង់បានតែសាច់មាន់ ឬសាច់គោ និងនំសាំងវិចជាដើម ។ ក្នុងករណីជាច្រើន ការបដិសេធរបស់ពួកគេមានច្រើនទាក់ទងនឹងចំណូលចិត្ត ។
ម្យ៉ាងវិញទៀត បន្ថែមពីលើចំណង់ចំណូលចិត្តមានកំណត់ អ្នកអាចកត់សម្គាល់បញ្ហាផ្សេងទៀត ដូចជាការបិទមាត់ ឬពិបាកក្នុងការលេប ឬទំពារអាហារមួយចំនួន ។ នេះជារឿងចម្លែក វាអាចថា កូនរបស់អ្នកមិនគ្រាន់តែរឹងរូសនោះទេ ហើយអាចនឹងមានបញ្ហាដែលយើងនឹងដោះស្រាយនៅពេលក្រោយ ។ ទោះមានបញ្ហាអ្វីក៏ដោយ អ្នកមិនគួរព្យាយាមបង្ខំកូនឱ្យញ៉ាំនោះទេ ។ វិធីសាស្ត្រដ៏ល្អប្រសើរមួយ គឺត្រូវព្យាយាមបញ្ចូលយ៉ាងហោចណាស់អាហារដែលមានសុខភាពល្អដែលពួកគេចូលចិត្តនៅអាហារនីមួយៗ និងផ្តល់អាហារផ្សេងទៀតផងដែរ ។
អ្នកអាចអនុញ្ញាតឱ្យពួកគេញ៉ាំ (ឬដាក់) តែអ្វីដែលពួកគេចូលចិត្តនៅលើចាន ។ ពួកគេអាចនឹងច្រានបាយ និងផ្កាខាត់ណាចេញ ប៉ុន្តែញ៉ាំមាន់ដោយរីករាយ ។ គន្លឹះសំខាន់ គឺត្រូវមានអាហារជាច្រើនប្រភេទដែលអាចរកបាន និងរក្សាអ្វីដែលវិជ្ជមាន ។
-កំណត់ការរំខានពេលទទួលទានអាហារ ៖ ការអនុញ្ញាតឱ្យកូនមើលថេប្លេត ស្មាតហ្វូន និងទូរទស្សន៍ក្នុងអំឡុងពេលញ៉ាំអាហារអាចបណ្តាលឱ្យក្មេងបាត់បង់ចំណាប់អារម្មណ៍ទាំងអស់ក្នុងការញ៉ាំ ។ ខណៈពេលដែលវាហាក់ដូចជាវិធីមួយដើម្បីធ្វើឱ្យពួកគេស្ងប់ស្ងាត់ និងរវល់ វាជាការប្រសើរក្នុងការដាក់កម្រិតលើការប្រើប្រាស់ឧបករណ៍អេឡិចត្រូនិក និងការរំខានផ្សេងទៀតនៅពេលញ៉ាំ ។ ដោយផ្តោតលើអាហារ ការសន្ទនា និងចំណងគ្រួសារ វាអាចកាន់តែងាយស្រួលសម្រាប់កូនរបស់អ្នកក្នុងការញ៉ាំ ។ ដូចគ្នានេះត្រូវប្រាកដថា កន្លែងញ៉ាំអាហារ មានបរិយាកាសល្អ ហើយអ្នកគ្រប់គ្នាមានកន្លែងសម្រាប់រីករាយនឹងអាហាររបស់ពួកគេ ។ ប្រើឧបករណ៍ជំរុញ ឬស្វែងរកកៅអីដែលស័ក្តិសមនឹងកូនរបស់អ្នក ដើម្បីឱ្យពួកគេស្រួលអង្គុយ ។
-ដាក់អាហារសមស្រប ៖ សូមចងចាំថា កុមារមិនត្រូវការអាហារច្រើនដូចមនុស្សធំនោះទេ ។ ព្យាយាមដាក់អាហារតិចតួចនៅពីមុខកូនតូចរបស់អ្នក ។ ពួកគេនឹងតែងតែសុំញ៉ាំបន្ថែមជាលើកទីពីរ ។
-កុំកំណត់ពេលអាហារជិតដល់ម៉ោងចូលគេង ៖ ការឱ្យកូនងងុយគេង គេងមិនលក់ ឬឱ្យអង្គុយញ៉ាំអាចជាបញ្ហាប្រឈមមួយ ។ ដូច្នេះកុំកំណត់ពេលញ៉ាំអាហារពេលជិតដល់ម៉ោងចូលគេង ឬឆាប់ពេកមុន ឬក្រោយពេលហាត់ប្រាណភ្លាម ។
-បំបាត់ភាពតានតឹងពេលញ៉ាំអាហារ ៖ ការបង្ខំ ការគាបសង្កត់ ឬស្រែកឱ្យកូនញ៉ាំ មិនជួយដល់ស្ថានភាពបែបនេះនោះទេ ។ នៅពេលដែលពួកគេតូចចិត្ត ឬចាប់ផ្តើមយំ ឱកាសនៃការញ៉ាំរបស់ពួកគេនឹងកាន់តែពិបាក ។ ដូច្នេះចង់លើកទឹកចិត្តឱ្យញ៉ាំ កុំដាក់សម្ពាធលើពួកគេច្រើនពេក ។
-ឱ្យកូនជួយអ្នកក្នុងការរៀបចំអាហារ ៖ អនុញ្ញាតឱ្យកូនរបស់អ្នកជួយអ្នកក្នុងការជ្រើសរើសអាហារថ្មីដើម្បីសាកល្បង ។ លើកទឹកចិត្តពួកគេឱ្យជួយក្នុងការរៀបចំផែនការ ការដើរទិញអីវ៉ាន់ និងការរៀបចំអាហារ ។ ប្រសិនបើពួកគេជួយរៀបចំអាហារ ពួកគេអាចនឹងកាន់តែរំភើបក្នុងការញ៉ាំ ។
-កាត់បន្ថយអាហារ និងភេសជ្ជៈដែលនានា ៖ កុមារខ្លះបដិសេធមិនបរិភោគនៅពេលដែលពួកគេញ៉ាំអាហារសម្រន់ ឬភេសជ្ជៈច្រើនពេកក្នុងអំឡុងពេលថ្ងៃ ។ ហើយប្រសិនបើកុមារមិនមានអារម្មណ៍ឃ្លាននៅពេលបាយទេ នោះពួកគេទំនងជាមិនសូវញ៉ាំទេ ។
-ស្វែងយល់ពីរបៀបញ៉ាំរបស់កូនអ្នក ៖ អាស្រ័យលើទម្រង់នៃការញ៉ាំរបស់កូនអ្នក ពួកគេអាចត្រូវការអាហារច្រើន ឬតិចនៅពេលផ្សេងៗគ្នានៃថ្ងៃនីមួយៗ ។ ដូច្នេះពេលដែលកូនរបស់អ្នកអាចបដិសេធមិនញ៉ាំអាហារពេលល្ងាច ពួកគេអាចញ៉ាំបានច្រើនសម្រាប់អាហារពេលព្រឹក ឬអាហារថ្ងៃត្រង់ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្សឡាញន៍ បើក វគ្គសិក្សាថ្មីសម្រាប់កម្មវិធីមត្តេយ្យ កម្មវិធីភាសាអង់គ្លេស កម្មវិធីភាសាចិន និងកម្មវិធីចំណេះ ទូទៅខ្មែរ ទី ១ ដល់ ទី ១២ បន្តទទួលចុះឈ្មោះសិស្សចូលរៀនជារៀងរាល់ថ្ងៃ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រប់ សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និង សិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ