ជារឿងធម្មជាតិរបស់មនុស្សលោក ការរួមភេទគឺជាសកម្មភាពដែលធ្វើឱ្យយើងសប្បាយចិត្ត និង រីករាយ។ វាធ្វើឱ្យដៃគូមិនថាប្រុសមិនថាស្រី សុទ្ធតែមានស្នាមញញឹមក្រោយពីបានរួមភេទរួច។ តែថ្ងៃនេះ យើងមិនមែននិយាយពីអត្ថប្រយោជន៍នៃការរួមភេទនោះទេ។ យើងនឹងលើកឡើងពីការស្រាវជ្រាវថ្មីមួយ ដែលបង្ហាញថា ការបាញ់ទឹកកាមចូលក្នុងទ្វារមាស ជួយឱ្យរាងកាយស្រ្តីមានហានិភ័យទាបក្នុងការប្រឈមនឹងជំងឺធ្លាក់ទឹកចិត្ត បើធៀបនឹងអ្នកដែលមិនបានធ្វើដូច្នោះ។

យោងតាមការសិក្សាមួយដែលធ្វើឡើងលើនិស្សិតស្រីចំនួន ២៩៣នាក់ នៅសាកលវិទ្យាល័យ State University of New York ក្នុងទីក្រុង Albany ការប៉ះពាល់នឹងទឹកកាមអាចកាត់បន្ថយហានិភ័យនៃជំងឺធ្លាក់ទឹកចិត្ត។ ការសិក្សានេះបានប្រៀបធៀបសិស្សស្រី ដែលរួមភេទដោយប្រើប្រាស់ស្រោមអនាម័យ ធៀបនឹងអ្នកដែលរួមភេទដោយគ្មានស្រោម ហើយបានរកឃើញថា អ្នកដែលមិនប្រើស្រោម ហើយបាញ់ទឹកកាមចូលផ្ទាល់ទៅក្នុងទ្វារមាស មានភាគរយទាបក្នុងការកើតជំងឺធ្លាក់ទឹកចិត្ត។

យោងតាមប្រធាននៃការសិក្សាបានឱ្យដឹងថា៖ “ទិន្នន័យទាំងនេះគឺពិតជាត្រឹមត្រូវណាស់ ក្នុងការលើកឡើងថា ទឹកកាមគឺជាថ្នាំធម្មជាតិប្រឆាំងនឹងជំងឺធ្លាក់ទឹកចិត្ត ដែលពេលនោះទ្វារមាសបានស្រូបយកទឹកកាមដែលបាញ់ចូល ហើយជ្រៀបទៅក្នុងសរសៃឈាម។ សារជាតិចិញ្ចឹមដែលមាននៅក្នុងទឹកកាម គឺត្រូវបានរកឃើញក្នុងចរន្តឈាមក្រោយពីទ្វារមាសស្រូបយកទៅបាត់។”

ប៉ុន្តែសូម​កុំ​រួមភេទ​ដោយ​មិន​បាន​ការពារ ​ដោយសារអត្ថប្រយោជន៍នេះ។ ការធ្វើបែបនេះ បានតែសម្រាប់ដៃគូមួយទល់នឹងមួយ ឬ ជាស្វាមីភរិយានោះទេ។ នេះគឺជាការលើកឡើងរបស់ប្រធាននៃការសិក្សាខាងលើ៕