AFP កាលពីពេល ថ្មីៗកន្លងមកបង្ហាញរូបភាពបុគ្គលិកនៅមន្ទីរពេទ្យមួយក្នុងប្រទេសឥណ្ឌាប្រើកំណាត់ឈើសែងសពលោកយាយម្នាក់ ព្រោះតែរថយន្តសង្គ្រោះបន្ទាន់មិនគ្រប់គ្រាន់។ វាជាហេតុការណ៍ស្រដៀងគ្នាលើកទី២
AFP កាលពីពេល ថ្មីៗកន្លងមកបង្ហាញរូបភាពបុគ្គលិកនៅមន្ទីរពេទ្យមួយក្នុងប្រទេសឥណ្ឌាប្រើកំណាត់ឈើសែងសពលោកយាយម្នាក់ ព្រោះតែរថយន្តសង្គ្រោះបន្ទាន់មិនគ្រប់គ្រាន់។ វាជាហេតុការណ៍ស្រដៀងគ្នាលើកទី២ ក្នុងរយៈពេល១សប្តាហ៍ធ្វើឱ្យមានការចាប់អារម្មណ៍នៅប្រទេសឥណ្ឌា ។
វីដេអូឃ្លីបបានបង្ហាញថា បុគ្គលិកពេទ្យ២នាក់នៅក្នុងរដ្ឋ Orissa សែងសពលោកយាយអាយុប្រហែល៨០ឆ្នាំម្នាក់ ក្រោយពីគាត់ស្លាប់ដោយសាររថយន្តបុក ។ ហេតុការណ៍នោះកើតឡើងតែប៉ុន្មានថ្ងៃ ក្រោយពីវីដេអូឃ្លីបមួយបង្ហាញពីបុរសម្នាក់លីសពប្រពន្ធចេញពីមន្ទីរពេទ្យត្រឡប់ទៅផ្ទះ ក្នុងរយៈចម្ងាយជាច្រើនគីឡូម៉ែត្រ បន្ទាប់ពីនាងស្លាប់ដោយជំងឺអាសន្នរោគ ។ ហេតុការណ៍ទាំង២នោះបានកើតឡើងនៅរដ្ឋ Orissa ។ លោក Naveen Patnaik អភិបាលរដ្ឋបញ្ជាក់ប្រាប់ AFPថា «ចាត់ទុកថាជាភាពស្មុគស្មាញយ៉ាងធ្ងន់ យើងកំពុងស៊ើបអង្កេតពីបញ្ហានេះ និងកំពុងរិះរកបទដ្ឋាននានាដើម្បីឱ្យមានរថយន្តសង្គ្រោះសម្រាប់ដឹកសព» ។
មន្ទីរពេទ្យក្នុងរដ្ឋជាច្រើននៅឥណ្ឌា ជាញឹកញាប់បានបដិសេធផ្តល់រថយន្តសង្គ្រោះសម្រាប់ដឹកសពត្រឡប់ទៅផ្ទះដូច្នេះហើយគេត្រូវជួលរថយន្តដឹកសពជំនួសដែលវាជារឿងដ៏ពិបាកមួយចំពោះជនក្រីក្រ ។
ប្រព័ន្ធសុខាភិបាលរបស់ឥណ្ឌាជួបនឹងកង្វះ ខាតមូលដ្ឋានគ្រឹះ និងកំពុងខ្វះខាតធនធានមនុស្ស ខណៈរដ្ឋាភិបាលបានបែងចែកប្រាក់ចំណាយលើផ្នែកនេះមិនដល់៥%ទេនៃGDP ៕
ចែករំលែកព័តមាននេះ