អាជ្ញាធរវៀតណាមស្នើវត្តមួយផ្ទៀងផ្ទាត់សរសៃសក់ដែលអះអាងថា «ព្រះកេសធាតុព្រះពុទ្ធ»
វៀតណាម ៖ វត្តមួយនៅប្រទេសវៀតណាម ត្រូវបានអាជ្ញាធរស្នើសុំដើម្បីផ្ទៀងផ្ទាត់ប្រភពដើមនៃ
វៀតណាម ៖ វត្តមួយនៅប្រទេសវៀតណាម ត្រូវបានអាជ្ញាធរស្នើសុំដើម្បីផ្ទៀងផ្ទាត់ប្រភពដើមនៃ
វៀតណាម ៖ វត្តមួយនៅប្រទេសវៀតណាម ត្រូវបានអាជ្ញាធរស្នើសុំដើម្បីផ្ទៀងផ្ទាត់ប្រភពដើមនៃសរសៃសក់ត្រូវបានអះអាងថា «ព្រះកេសធាតុព្រះពុទ្ធ» ដែលបានទាក់ទាញអ្នកគោរពបូជារាប់ពាន់នាក់ទៅកាន់វត្តនាពេលថ្មីៗនេះ។
ប្រភពពីសារព័ត៌មាន VnExpress ដែលបានចេញផ្សាយកាលពីថ្ងៃទី៣០ ខែធ្នូ ឆ្នាំ២០២៣ បានឱ្យដឹងថា គណៈកម្មាធិការរដ្ឋាភិបាលទទួលបន្ទុកកិច្ចការសាសនាបានបញ្ជាក់ថា មានរបាយការណ៍ពីវត្តបាវ៉ាង (Ba Vang) នៅភាគខាងជើងខេត្តក្វាងនិញ (Quang Ninh) ដាក់តាំងបង្ហាញសរសៃសក់ដែលអះអាងថា «ព្រះកេសធាតុព្រះពុទ្ធ» ដែលទទួលបានការចាប់អារម្មណ៍ពីពុទ្ធសាសនិក និងប្រជាជនរាប់ម៉ឺននាក់។ មនុស្សជាច្រើនបានធ្វើដំណើរទៅអារ៉ាមបាវ៉ាង ដើម្បីធ្វើពិធីសាសនា និងពិធីជំនឿជាច្រើនផ្សេងទៀត។
អាស្រ័យហេតុនេះ គណៈកម្មាធិការបានស្នើរសុំដើម្បីផ្ទៀងផ្ទាត់ប្រភពដើមនៃសរសៃសក់ខាងដើម ក៏ដូចជាណែនាំអាជ្ញាធរពុទ្ធសាសនាខេត្តក្វាងនិញ កែតម្រូវសកម្មភាពមិនសមស្របនឹងទំនៀមទម្លាប់ព្រះពុទ្ធសាសនា។ គណៈកម្មាធិការបានបន្ថែមថា ប្រសិនបើការបំពានត្រូវបានរកឃើញ បុគ្គល និងសមាគម ឬការជួបប្រជុំគ្នា ត្រូវតែដោះស្រាយដោយអនុលោមតាមបទប្បញ្ញត្តិព្រះពុទ្ធសាសនាប្រទេសវៀតណាម។
គណៈកម្មាធិការក៏បានស្នើទៅក្រសួងមហាផ្ទៃ ដើម្បីស្នើសុំគណៈកម្មាធិការប្រជាជនខេត្តក្វាងនិញពិនិត្យរបាយការណ៍ថា វត្តបាវ៉ាងបានអនុញ្ញាតឱ្យប្រជាជនធ្វើពិធីគោរពបូជានូវអ្វីដែលពួកគេហៅថា «ព្រះកេសធាតុព្រះពុទ្ធ» ដោយខេត្តត្រូវបញ្ជាក់ថា តើសកម្មភាពទាំងនោះគោរពច្បាប់ទាក់ទងនឹងសកម្មភាពសាសនាដែរឬអត់? និងដើម្បីដោះស្រាយការបំពានផ្សេងៗទៀត។
លោក Nguyen Dang Kien ប្រធានគណៈកម្មាធិការសាសនានៃនាយកដ្ឋានកិច្ចការផ្ទៃក្នុងខេត្តក្វាងនិញបានលើកឡើងថា អង្គភាពបានចុះត្រួតពិនិត្យវត្តបាវ៉ាងរួចហើយ ដើម្បីពិភាក្សាអំពីបញ្ហាទាក់ទងនឹងព្រះកេសធាតុព្រះពុទ្ធ។
តំណាងវត្តបាវ៉ាងបានអះអាងថា នៅក្នុងដំណើរទស្សនាកិច្ចទីសក្ការៈបូជាព្រះពុទ្ធសាសនាទៅកាន់ប្រទេសមីយ៉ាន់ម៉ានៅក្នុងខែធ្នូ ពុទ្ធសាសនិកពីវត្តបាវ៉ាងបានទស្សនាពុទ្ធសករាជនៅវត្តប៉ារ៉ាមី (Parami) និងសារមន្ទីរពុទ្ធសាសនិកអន្តរជាតិនៅទីនោះ។ បន្ទាប់មកព្រះសង្ឃវត្តបាវ៉ាងបាននិមន្តព្រះអង្គ U Wepulla ដែលជាព្រះចៅអធិការវត្តប៉ារ៉ាមី រួមនឹងព្រះសង្ឃផ្សេងទៀតពីប្រទេសមីយ៉ាន់ម៉ា ដើម្បីចូលរួមពិធីពុទ្ធសាសនា និងនាំយកព្រះកេសធាតុព្រះពុទ្ធទៅប្រទេសវៀតណាម។
លោក Nguyen Dang Kien បានលើកឡើងថា វត្តបានអះអាងថា ព្រះកេសធាតុព្រះពុទ្ធត្រូវបាននាំយកទៅវត្ត Ba Vang តាំងពីថ្ងៃទី២២ ខែធ្នូ ឆ្នាំ២០២៣ ហើយត្រូវបាននាំយកត្រឡប់ទៅប្រទេសមីយ៉ាន់ម៉ាវិញ នៅថ្ងៃទី២៧ ខែឆ្នាំដដែល។ សេចក្តីរាយការណ៍ពីវត្តបាវ៉ាងបានអះអាងថា មនុស្សរាប់ម៉ឺននាក់បានមកវត្តនេះ ដើម្បីបូជា និងធ្វើពិធីសាសនាផ្សេងទៀត។
គេហទំព័រផ្លូវការវត្ត Ba Vang បានបង្ហោះថា «នេះគឺជាសរសៃសក់មួយក្នុងចំណោមសរសៃសក់ទាំង ៨ ដែលព្រះពុទ្ធបានដកចេញពីព្រះកេសរបស់ព្រះអង្គ ហើយត្រូវបានផ្តល់ឱ្យឈ្មួញពីរនាក់មកពីប្រទេសមីយ៉ាន់ម៉ា កាលពីជាង ២,៦០០ឆ្នាំមុន»៕
ចែករំលែកព័តមាននេះ