រាជធានីភ្នំពេញ ៖ ពិតជាគួរឱ្យអាណិតជាពន់ពេក បន្ទាប់ពីបុរសចំណាស់ម្នាក់ដែលគេដឹងថា កំពុងស្នាក់លើដីគេ ហើយត្រូវម្ចាស់ដីដេញ ក៏ធ្វើដំណើរជិះកង់ ទៅរកមេភូមិឱ្យជួយដើម្បីបានស្នាក់បន្ត តែអ្វីដែលតក់ស្លុតបំផុត ខណៈគាត់ជិះត្រឡប់មកដីវិញ ស្រាប់តែត្រូវរថយន្តតាក់ស៊ីបោះពួយបុកកង់គាត់ប៉ើងដូចក្រដាសប៉ើងមនុស្សផងដែរ ។
រាជធានីភ្នំពេញ ៖ ពិតជាគួរឱ្យអាណិតជាពន់ពេក បន្ទាប់ពីបុរសចំណាស់ម្នាក់ដែលគេដឹងថា កំពុងស្នាក់លើដីគេ ហើយត្រូវម្ចាស់ដីដេញ ក៏ធ្វើដំណើរជិះកង់ ទៅរកមេភូមិឱ្យជួយដើម្បីបានស្នាក់បន្ត តែអ្វីដែលតក់ស្លុតបំផុត ខណៈគាត់ជិះត្រឡប់មកដីវិញ ស្រាប់តែត្រូវរថយន្តតាក់ស៊ីបោះពួយបុកកង់គាត់ប៉ើងដូចក្រដាសប៉ើងមនុស្សផងដែរ ។
ហេតុការណ៍នេះ កើតឡើងកាលពីវេលាម៉ោង០៧ និង៥០នាទីព្រឹកថ្ងៃទី៣០ សីហា ២០១៦ ស្ថិតតាមបណ្តោយផ្លូវជាតិលេខ៦ ចន្លោះស្ពាន១០-១១ ក្នុងភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
ប្រភពឱ្យដឹងថា ជនរងគ្រោះដែលស្លាប់ឈ្មោះគុជ លន់ អាយុ៧២ឆ្នាំ គ្មានលំនៅពិតប្រាកដ បច្ចុប្បន្ន សុំដីគេស្នាក់នៅក្បែរកន្លែងកើតហេតុ ដោយមានកូនប្រុស-ស្រី៦នាក់ក្នុងបន្ទុក ។ ចំណែកឯអ្នកបើករថយន្តតាក់ស៊ីឈ្មោះឆន រ៉ាវុធ អាយុ១៨ឆ្នាំ មានទីលំនៅភូមិក្រហម ឃុំមាន ស្រុកព្រៃឈរ ខេត្តកំពង់ចាម បើករថយន្តតាក់ស៊ី (ភ្នំពេញ-កំពង់ចាម-រតនគិរី) ពាក់ស្លាកលេខ 2L-9454 ត្រូវសមត្ថកិច្ចឃាត់ជាប់ទាំងមនុស្ស និងរថយន្ត ។
ប្រភពបន្តថា មុនពេលកើតហេតុ បុរសចំណាស់ខាងលើ គឺគាត់ចង់ឱ្យលោកមេភូមិ ជួយសម្រួលដល់ម្ចាស់ដី ដើម្បីបានគាត់សុំស្នាក់លើដីបន្ត លុះជិះកង់ត្រឡប់មកវិញទាំងក្នុងចិត្តបារម្ភផង ស្រាប់តែជួបជាមួយរថយន្តខាងលើ កំពុងវ៉ារថយន្តមួយគ្រឿងទៀត ក៏ជ្រុលបុកជនរងគ្រោះប៉ើងខ្ទប់ ជាមួយកញ្ចក់ស្លាប់យ៉ាងអាណោចអាធ័មបំផុត ។
ចែករំលែកព័តមាននេះ