ADផ្ទាំងផ្សព្វផ្សាយពាណិជ្ជកម្ម

Picture

ទោះ​ថ្លៃឱ្យ​តែ​មានកម្ម​វិធី​ជួបជុំ​ម្នាក់​ៗ​រកតែ​ជ្រូក​កណ្តុរ

2 ឆ្នាំ មុន
  • ភ្នំពេញ

រាជធានី​ភ្នំពេញ​ ៖ អ្នក​ចិញ្ចឹម​ជ្រូក​កណ្តុរបាន​អះអាង​ថា​ ប្រភេទ​ជ្រូក​ដែល​មាន​មាឌតូច​ៗ​នេះបាន​កំពុង​មាន​ទីផ្សារ​ល្អ​ ។ ទោះបី​វា​ថ្លៃ​ជាង​ជ្រូក​ធម្មតា​ ប៉ុន្តែឱ្យតែ​មានកម្ម​វិធី​ជួបជុំ​គ្នា ពលរដ្ឋ​មួយ​ចំនួន​រកតែ​ជ្រូក​កណ្តុ​ទោះ​ពី​វា​ថ្លៃ​ជាង​ជ្រូក​ធម្មតា​ក្តី​ ។ លោក…

រាជធានី​ភ្នំពេញ​ ៖ អ្នក​ចិញ្ចឹម​ជ្រូក​កណ្តុរបាន​អះអាង​ថា​ ប្រភេទ​ជ្រូក​ដែល​មាន​មាឌតូច​ៗ​នេះបាន​កំពុង​មាន​ទីផ្សារ​ល្អ​ ។ ទោះបី​វា​ថ្លៃ​ជាង​ជ្រូក​ធម្មតា​ ប៉ុន្តែឱ្យតែ​មានកម្ម​វិធី​ជួបជុំ​គ្នា ពលរដ្ឋ​មួយ​ចំនួន​រកតែ​ជ្រូក​កណ្តុ​ទោះ​ពី​វា​ថ្លៃ​ជាង​ជ្រូក​ធម្មតា​ក្តី​ ។

លោក គឹ​ម សុង​ឈី អ្នក​ទីផ្សារ​នៅ​ក្នុង​តំបន់​រមណីយដ្ឋានអភិវឌ្ឍន៍ក​សិ​ទេសចរណ៍​ ម៉ុង ឫ​ទ្ធី​ សែន​ជ័យ ​បានឱ្យ​ដឹង​ថា ​សព្វ​ថ្ងៃនេះ​អតិថិជន​បាន​សម្រុក​មក​ទិញ​ប្រភេទ​ជ្រូក​កណ្តុរ​ច្រើន អ្នកខ្លះ​ទិញ​យក​ទៅ​ធ្វើ​អាហារ​នៅ​តាម​ពិធី ជប់លៀង​ផ្សេង​ៗ ​និង​អ្នកខ្លះ​ទៀត​ទិញ​យក​ទៅ​ចិញ្ចឹម​បន្ត​នៅ​តាម​កសិក​ដ្ឋា​ន​នានា​ ។ លោក​ថា កាលពីខែកុម្ភៈ​កន្លង​ទៅ​នេះ មាន​អ្នកខ្លះ​បាន​មក​ទិញ​ជ្រូក​កណ្តុរ ​ពី ​១០ ​ទៅ ​២០​ ក្បាល ខ្លះ​ទិញ ពី ​៥០ ​ទៅ ​៦០ ​ក្បាល​ពី​កសិដ្ឋាន​របស់​លោក ​។

ជ្រូក​កណ្តុរ​ចំណាយពេល​ប្រហែល​ ៣​ ខែ អាច​លក់​ចេញបាន​សម្រាប់​គេ​យក​ទៅ​ធ្វើ​ម្ហូប គឺ​ក្នុង​ការ​ចិញ្ចឹម​បី​ខែ​នេះ វា​អាច​មាន​ទម្ងន់​ពី ពី​ ៩​ ទៅ ​១៥​ គីឡូក្រាម ​។ ​ក្នុង​នោះ​សម្រាប់​កូនជ្រូក​ទម្ងន់​ពី ​៩ ​ដល់ ​១៣ ​គីឡូក្រាម​ មានតម្លៃ ​១៥០ ​ដុល្លារ​អា​មេ​រិ​ក​ ហើយ​បើ​ទម្ងន់​លើស​ពី​ ២០​ គីឡូក្រាម​ឡើងថ្លៃតែ​ ១០ ​ដុល្លារ​អា​មេ​រិ​ក​ប៉ុណ្ណោះ​ ។

អ្នក​និយម​ទទួលទាន​ជ្រូក​កណ្តុរ​អះអាង​ថា សាច់​ជ្រូក​ប្រភេទ​នេះ​មាន​រស់ជាតិ​ឆ្ងាញ់ បើ​គេ​អាំង ​និង​ខ្វែ​ស្បែក​វា​ស្រួយ​ ។ ពាក់ព័ន្ធ​និង​ការ​ចិញ្ចឹម​ជ្រូក​កណ្តុរ​នេះ​លោក​ ស្រ៊ុ​ន​ ពៅ ប្រ​ធា​សមាគម​អ្នក​ចិញ្ចឹមសត្វ​កម្ពុជា​យល់​ឃើញ​ថា ការ​ចិញ្ចឹម​ជ្រូក​កណ្តុរ​នឹង​មានការ​រីក​ចម្រើន ​និង​មិន​មាន​បញ្ហា​សម្រាប់​កសិករ​ខ្នាត​តូច​ ។

លោក​ថា ការ​ចិញ្ចឹម​ជ្រូក​កណ្តុរ​នេះ​វា​មាន​អត្ថប្រយោជន៍​សម្រាប់​កសិករ ហើយ​កសិករ​អាច​ចាប់​យក​អាជីព​ចិញ្ចឹម​ជ្រូក​កណ្តុរ​នេះ​បាន​ដោយសារ​ការ​ចិញ្ចឹម​ជ្រូក​កណ្តុរ​នេះ​វា​ប្រើ​ដើមទុន​តិច ​និង​ងាយស្រួល​ក្នុង​ការ​ចិញ្ចឹម​ ។ ​ជាក់ស្តែង​នៅ​ក្នុង​ខេត្តព្រៃវែង​ទាំងមូល​ភាគច្រើន​ពលរដ្ឋ​និយម​ចិញ្ចឹម​ជ្រូក​កណ្តុរ តែ​ដោយឡែក​នៅ​តាម​ខេត្ត​ផ្សេង​ទៀត​កសិករ​នៅ​មិន​ទាន់​មាន​ចំណាប់អារម្មណ៍​លើ​ការ​ចិញ្ចឹម​ជ្រូក​កណ្តុរ​នេះ​ទេ​ ។ ប្រ​ធា​សមាគម​អ្នក​ចិញ្ចឹមសត្វ​កម្ពុជា​និយាយ​ថា បើ​មានការ​ផ្សព្វផ្សាយ​បច្ចេកទេស​ចិញ្ចឹម ​ឬ​ជំរុញ​ឱ្យ​កសិករ​ចិញ្ចឹម​នោះ ការ​ចិញ្ចឹម​ជ្រូក​ប្រភេទ​នេះ​នឹង​រីក​ចម្រើន ​។

ជា​ការ​កត់​សម្គាល់ការ​ចិញ្ចឹម​ជ្រូក​ធម្មតា​នា​ពេល​បច្ចុប្បន្ន​បាន​កំពុង​ជួប​បញ្ហា​ជាមួយនឹង​តម្លៃ​ចំណី​ឡើង​ថ្លៃ ហើយ​ការ​ឡើងថ្លៃ​ប្រេង​ឥន្ទ​នៈក៏បាន​បង្ក​រការ​រំខាន​ដល់​របរ​ចិញ្ចឹម​ជ្រូក​ដែរ​ ៕

អត្ថបទសរសេរ ដោយ

កែសម្រួលដោយ