មេដឹកនាំទាំងឡាយត្រូវឆ្លុះកញ្ចក់សង្កេតពិនិត្យមើលសកម្មភាពរបស់ខ្លួនឯងគ្រប់ពេលវេលា បើដឹងថា ធ្វើខុស ឬធ្វើអំពើអាក្រក់ត្រង់ចំណុចណា ត្រូវកែប្រែចេញឱ្យបានលឿន ដើម្បីបញ្ចៀសពាក្យនិន្ទាពីមហាជនជុំវិញខ្លួន ។ ធម្មបណ្ឌិតទាំងឡាយមានព្រះពុទ្ធជាដើម ព្រះអង្គបានទូន្មានដល់មេដឹកនាំទាំងឡាយឱ្យខំកាន់យកតបធម៌ក្នុងខ្លួនជានិច្ច ពោលគឺការដុសខាត់សម្អាតចិត្ដ…
មេដឹកនាំទាំងឡាយត្រូវឆ្លុះកញ្ចក់សង្កេតពិនិត្យមើលសកម្មភាពរបស់ខ្លួនឯងគ្រប់ពេលវេលា បើដឹងថា ធ្វើខុស ឬធ្វើអំពើអាក្រក់ត្រង់ចំណុចណា ត្រូវកែប្រែចេញឱ្យបានលឿន ដើម្បីបញ្ចៀសពាក្យនិន្ទាពីមហាជនជុំវិញខ្លួន ។
ធម្មបណ្ឌិតទាំងឡាយមានព្រះពុទ្ធជាដើម ព្រះអង្គបានទូន្មានដល់មេដឹកនាំទាំងឡាយឱ្យខំកាន់យកតបធម៌ក្នុងខ្លួនជានិច្ច ពោលគឺការដុសខាត់សម្អាតចិត្ដ កម្ចាត់នូវអំពើអាក្រក់ក្នុងខ្លួនចេញឱ្យអស់ ។
តើមេដឹកនាំត្រូវដុសខាត់កម្ចាត់អ្វីខ្លះ ? មេដឹកនាំត្រូវកម្ចាត់អារម្មណ៍ដែលនាំឲ្យប្រព្រឹត្ដអំពើអាក្រក់ទាំងឡាយ និងបញ្ជាអារម្មណ៍របស់ខ្លួនឯងមិនឲ្យក្ដៅក្រហាយ ។ មេដឹកនាំមិនធ្វើឲ្យក្ដៅក្រហាយដល់ចិត្ដអ្នកដទៃ អ្នកក្រោមឱវាទឡើយ ។ ត្រូវមានផែនការ កាលវិភាគកំណត់ច្បាស់លាស់សម្រាប់កិច្ចការប្រចាំថ្ងៃ ហើយអនុវត្ដតាមផែនការនោះឱ្យបានដាច់ខាត ៕ សាន សារិន
ចែករំលែកព័តមាននេះ