ករណីគ្រោះថ្នាក់ចរាចរណ៍ ចរចាគ្នាតាំងពីព្រឹកទល់ល្ងាច
រាជធានីភ្នំពេញ ៖ យ៉ាងហោចណាស់ស្ត្រីពីរនាក់ម្តាយ និងកូនស្រីម្នាក់បានរងរបួសធ្ងន់ ខណៈពេលដែលកំពុងតែជិះម៉ូតូមួយគ្រឿងចេញពីទិញអីវ៉ាន់សែនក្បាលទឹក
រាជធានីភ្នំពេញ ៖ យ៉ាងហោចណាស់ស្ត្រីពីរនាក់ម្តាយ និងកូនស្រីម្នាក់បានរងរបួសធ្ងន់ ខណៈពេលដែលកំពុងតែជិះម៉ូតូមួយគ្រឿងចេញពីទិញអីវ៉ាន់សែនក្បាលទឹកនៅផ្សារកាប់គោ ពេលត្រឡប់ទៅផ្ទះវិញ ក៏ត្រូវស្ត្រីម្នាក់បើករថយន្តស៊េរីទំនើបមួយគ្រឿងបើកបត់ចូលផ្ទះដោយខ្វះការប្រុងប្រយ័ត្នទៅកៀរឲ្យដួល នៅវេលាម៉ោង១១និង៤៥នាទីថ្ងៃត្រង់។
តែដោយសារដោះស្រាយគ្នាមិនត្រូវលុះដល់វេលាម៉ោង៤និង១៥នាទីល្ងាច ថ្ងៃទី១៦ ខែសីហា ឆ្នាំ២០១៦ ទើបប្តឹងកម្លាំងមានសម្ថកិច្ច ទើបបង្កឱ្យមានការភ្ញាក់ផ្អើលកើតឡើងសារជាថ្មីម្តងទៀត នៅខាងមុខផ្ទះលេខ៣៦ ផ្លូវព្រះសីហនុ សង្កាត់ទន្លេបាសាក់ ខណ្ឌចំការមន។ តាមប្រភពពីកន្លែងកើតហេតុបានប្រាប់ឱ្យដឹងថា មុនពេលកើតហេតុហេតុស្ត្រីពីរនាក់ម្តាយដែលមានអាយុជាង៦០ឆ្នាំ និងកូនស្ត្រីម្នាក់ អាយុជាង២០ឆ្នាំ បានឌុបគ្នាចេញមកពីទិញអីវ៉ាន់សែនក្បាលទឹកនៅផ្សារកាប់គោ ដោយកូនស្រីជាអ្នកឌុបតាមម៉ូតូម៉ាកLet’s ពណ៌ស ពាក់ស្លាកលេខភ្នំពេញ១BC-៥៣៩៦ មួយគ្រឿង តាមមបណ្តោយផ្លូវព្រះសីហនុក្នុងទិសដៅពីលិចទៅកើត។
លុះពីរនាក់ម្តាយ និងកូនស្រីបានឌុបគ្នាមកដល់មុខផ្ទះកើតហេតុខាងលើ ក៏ស្រាប់តែស្ត្រីវ័យជាង៣០ឆ្នាំម្នាក់បានបើករថយន្តស៊េរីទំនើប ម៉ាកឆេរ៉ូឡែត ពណ៌ស ពាក់ស្លាកលេខភ្នំពេញ ២S-៩៣៣៨ មួយគ្រឿងបើកបត់ចូលផ្ទះដោយខ្វះការប្រុងប្រយ័ត្នក៏បានកៀរម៉ូតូដួល និងបណ្តាលឲ្យស្ត្រីជាម្តាយដួលរយះចង្កា ឯស្ត្រីជាកូនរយះកំភួនជើងខាងឆ្វេងរងរបួសយ៉ាងធ្ងន់ធ្ងរ។ តាមប្រភពដដែលបានប្រាប់បន្តទៀតថា ពេលដែលកើតហេតុស្ត្រីរងគ្រោះទាំងម្តាយ និងកូនស្រី ត្រូវបានអ្នកជិតខាងនាំគ្នាលើកដាក់លើម៉ូតូរ៉ឺម៉កកង់បីមួយគ្រឿងដឹកយកទៅសង្គ្រោះ ចំណែកឯម៉ូតូត្រូវបានយកទៅផ្ញើរនៅផ្ទះក្បែរកន្លែងកើតហេតុ និងរថយន្តបើកយកទៅចតនៅលើចិញ្ចើមផ្លូវ ដោយបានមិនបានរាយការណ៍ប្រាប់កម្លាំងមានសមត្ថកិច្ចភ្លាមៗឡើយ។
លុះដល់ល្ងាចថ្ងៃដដែលក្រោយពីភាគីទាំងពីរនាក់ធ្វើការដោះស្រាយគ្នាដោយភាគីខាងជនរងគ្រោះទារសំណងចំនួន៥០០ដុល្លារ ហើយភាគីរថយន្តអោយតែ ៥០ដុល្លារ មិនត្រូវគ្នាទើបប្តឹងកម្លាំងសម្ថកិច្ចឱ្យជួយដោះស្រាយ និងបង្កឱ្យមានការភ្ញាក់ផ្អើលកើតឡើងសារជាថ្មីម្តងទៀត។ ក្រោយពីទទួលបានការរាយការណ៍ក្រោយពីធ្វើការដោះស្រាយមិនចេញអំពីសំណាក់ភាគីខាងស្ត្រីរងគ្រោះទាំងពីរនាក់ម្តាយនិងកូនស្រីរួចហើយ ទើបកម្លាំងជំនាញចរាចរណ៍ខណ្ឌចំការមនចុះមកធ្វើការវាស់វែងរកខុសត្រូវ និងសម្រមសម្រួលគ្នាអស់រយះពេលជាច្រើនម៉ោងហើយនៅតែមិនត្រូវគ្នាទៀតក៏សម្រេចបញ្ជូនទាំងរថយន្ត និងម៉ូតូយកទៅរក្សាទុកនៅការិយាល័យនគរបាលចរាចរណ៍ផ្លូវគោករាជធានីភ្នំពេញ ដើម្បីរង់ចាំធ្វើការដោះស្រាយគ្នាជាបន្តទៅទៀត៕
ចែករំលែកព័តមាននេះ