ADផ្ទាំងផ្សព្វផ្សាយពាណិជ្ជកម្ម

Picture

អ្នក​ដាំ​បន្លែ​នៅ​កំពង់ស្ពឺ​មួយ​ចំនួន​ងាក​ទៅ​ធ្វើការ​រោងចក្រ​ទោះ​ទីផ្សារ​បន្លែ​ល្អ​ក្តី

1 ឆ្នាំ មុន
  • កំពង់ស្ពឺ

កំពង់ស្ពឺ​ ៖ ​ទោះបី​នៅ​ដើមឆ្នាំ​ ២០២២ ​ថ្មី​ៗ​អាកាសធាតុ​មានការ​ប្រែប្រួល​តិចតួច​ក្តី តែ​វា​មិន​បាន​ធ្វើ​ឱ្យ​ប៉ះពាល់​ទៅ​ដល់​ការ​ដាំ​ដុះ​បន្លែ​ចម្រុះ​សម្រាប់​អ្នក​នៅ​ជាយក្រុង​កំពង់ស្ពឺ​នោះ​ទេ ​ព្រោះ​កសិករ​ដាំ​បន្លែ​សព្វថ្ងៃ​នៅ​ក្នុងផ្ទះ​សំណាញ់​ ។​តែ​អ្វី​ដែល​ជា​បញ្ហា​នោះ​ គឺ​សហគមន៍​មិន​អាច​ផ្គត់ផ្គង់​បន្លែ​ឱ្យ​គ្រប់​ទៅ​តាម​តម្រូវការ​ទីផ្សារ​ខណៈ​ពេល​សមាជិក​មួយ​ចំនួន​ឈប់​ដាំ​បន្លែ​ ។…

កំពង់ស្ពឺ​ ៖ ​ទោះបី​នៅ​ដើមឆ្នាំ​ ២០២២ ​ថ្មី​ៗ​អាកាសធាតុ​មានការ​ប្រែប្រួល​តិចតួច​ក្តី តែ​វា​មិន​បាន​ធ្វើ​ឱ្យ​ប៉ះពាល់​ទៅ​ដល់​ការ​ដាំ​ដុះ​បន្លែ​ចម្រុះ​សម្រាប់​អ្នក​នៅ​ជាយក្រុង​កំពង់ស្ពឺ​នោះ​ទេ ​ព្រោះ​កសិករ​ដាំ​បន្លែ​សព្វថ្ងៃ​នៅ​ក្នុងផ្ទះ​សំណាញ់​ ។​តែ​អ្វី​ដែល​ជា​បញ្ហា​នោះ​ គឺ​សហគមន៍​មិន​អាច​ផ្គត់ផ្គង់​បន្លែ​ឱ្យ​គ្រប់​ទៅ​តាម​តម្រូវការ​ទីផ្សារ​ខណៈ​ពេល​សមាជិក​មួយ​ចំនួន​ឈប់​ដាំ​បន្លែ​ ។

លោក ​ទិ​ត តុ​ន ​ប្រធាន​សហគមន៍​កសិកម្ម បន្លែ​ចម្រុះ​ជាយក្រុង​កំពង់ស្ពឺ​បានឱ្យ​ដឹង​ថា សព្វ​ថ្ងៃនេះ​ការ​ដាំ​ដុះ​បន្លែ​របស់​សមាជិក​សហគមន៍​ធ្វើ​នៅផ្ទះ​សំណាញ់ ដើម្បី​កាត់​បន្ថយ​ការ​ខូ​ត​ខាត​បន្លែ​បាន​ច្រើន​ពី​ការ​ប្រែប្រួល​អាស​កាស​ធាតុ​ ។ បើ​តាម​លោក​ ទិ​ត ​តុ​ន​ ថា ​នៅ​ក្នុង​មួយ​រយៈ​ចុង​ក្រោយ​នេះ​គេ​សង្កេត​ឃើញ​ថា​ ក្រុម​អ្នក​ផលិត​បន្លែ​ទទួល​បាន​ប្រាក់​ចំណេញ​ច្រើន​គួរសម តែ​សម្រាប់​កសិករ​ដែល​មាន​វ័យចាស់​ធ្លាប់​ដាំ​បន្លែ​ពី​មុន​មក​ពួក​គាត់​ឈប់​ដាំ​បន្លែ​ច្រើន ហើយ​ក្មេង​ៗ​ងាក​ទៅ​ធ្វើការ​នៅ​រោងចក្រ​ជា​ហេតុ​ធ្វើ​ឱ្យ​ខ្វះខាត​កម្លាំង​ពលកម្ម​ ។

សមាជិក​របស់​សហគមន៍​មាន​សមាជិក​សរុប​ជាង ​១២០០ ​នាក់ ក្នុង​នោះ​មាន ​៤៤៥ ​គ្រួ​សារបាន​និង​កំពុង​ផលិត​បន្លែ​ ៣៨​ មុខ​មាន​ទាំង​ប្រភេទ​បន្លែ​ខ្មែរ​ និង​អឺរ៉ុប ​។​ សម្រាប់​ប្រភេទ​បន្លែ​ស្លឹក​ក្នុង​មួយ​គីឡូក្រាម​តម្លៃ ​៥០០០ ​រៀល​,​បន្លែ​មើម​តម្លៃ ៣៥០០​ រៀល ​និង​ត្រសក់​តម្លៃ ​៣០០០​ រៀល​ ។

លោក ​ទិ​ត តុ​ន​ បញ្ជាក់​ថា ​«​បច្ចុប្បន្ន​នៅ​ក្នុង​មួយ​ថ្ងៃ​សហគមន៍​អាច​ផ្គត់ផ្គង់​បាន​ពី​ ៣ ​ទៅ ​៥​ តោន​ជា​មធ្យម ហើយ​នៅ​ក្នុង​ចំណោម​បន្លែ​ទាំងនោះ​ភាគច្រើន​ជា​ប្រភេទ​បន្លែ​ស្លឹក ខណៈ​តម្រូវការ​ទីផ្សារ​ជាក់ស្តែង​ក្នុង​មួយ​ថ្ងៃ​មាន​រហូត​ដល់ ​២០​ តោន ប៉ុន្តែ​ខាង​សមាជិក​សហគមន៍​អត់​មាន​លទ្ធភាព​ផលិត​ឆ្លើយ​តប​ទីផ្សារ​បាន​» ​។

តាម​ប្រធាន​សហគមន៍​ថា ក្រៅពី​ក្រុម​អ្នក​ដាំ​បន្លែ​ជួប​បញ្ហា​ខ្វះ​កម្លាំង​ពលកម្ម ក្រុម​អ្នក​ផលិត​នៅ​ខ្វះខាត​ដើមទុន​សម្រាប់​បង្វិល ទោះបី​នៅ​ក្នុង​មួយ​គ្រួសារ​អាច​រក​ចំណូល​បាន​ពី​ការ​ដាំ​បន្លែ​បាន​ពី ​៣០០ ​ទៅ​ ៥០០ ​ដុល្លារ​អា​មេ​រិ​ក​ ឬ​លើស​ពី​នេះ​នៅ​ក្នុង​មួយ​ខែ​ក៏​ដោយ​ ៕