ADផ្ទាំងផ្សព្វផ្សាយពាណិជ្ជកម្ម

ថាកុំឱ្យគេឮ

2 ឆ្នាំ មុន

ភ្នំពេញ
០៣ ខែ មីនា ឆ្នាំ ២០២២ ម៉ោង ០៩:៤៤

ចិញ្ចើមផ្លូវជាតិលេខ៦ ក្នុងក្រុងសៀមរាបចាប់ពីចំណុចភ្លើងស្តុបចុងកៅស៊ូ រហូតដល់ចំណុចមុខភោជ នីយដ្ឋានអាប៉ូឡូប្លាហ្សា បច្ចុប្បន្ននេះ បានក្លាយជាចំណតរថយន្តតាក់ស៊ីគ្រប់ប្រភេទអស់ទៅហើយ ដោយសារតែការចង់ប្រមូលប្រាក់ច្រកបាវតែប៉ុណ្ណោះ ។ * បានជាពោលដូច្នោះ…

ចិញ្ចើមផ្លូវជាតិលេខ៦ ក្នុងក្រុងសៀមរាបចាប់ពីចំណុចភ្លើងស្តុបចុងកៅស៊ូ រហូតដល់ចំណុចមុខភោជ នីយដ្ឋានអាប៉ូឡូប្លាហ្សា បច្ចុប្បន្ននេះ បានក្លាយជាចំណតរថយន្តតាក់ស៊ីគ្រប់ប្រភេទអស់ទៅហើយ ដោយសារតែការចង់ប្រមូលប្រាក់ច្រកបាវតែប៉ុណ្ណោះ ។ *
បានជាពោលដូច្នោះ ពីព្រោះអនាធិបតេយ្យកើតចេញដោយសារតែចង់ប្រមូលប្រាក់ ផ្តាច់មុខព្រោះតែក្នុងក្រុងសៀមរាបនាពេលកន្លងទៅ អាជ្ញាធរក្រុងនិងខេត្តបានរៀបចំឱ្យមានចំណតចំនួន២កន្លែងគឺ ទី១-នៅក្នុងបុរីសៀងណាំ ចុងកៅស៊ូ និងទី២-នៅផ្លូវក្រវាត់ក្រុង ក្នុងសង្កាត់ស្រង៉ែ នៃផ្នែកខាងលិចក្រុង ។ ការដែលរៀបចំឱ្យមានចំណតបែបនេះគឺ ដើម្បីឱ្យរថយន្តគ្រប់ប្រភេទចូលចតក្នុងចំណតបញ្ចៀសការកកស្ទះផ្នែកចរាចរណ៍ និងបញ្ចៀសការផ្ទេរទំនិញឬការចាប់ម៉ូយបង្កភាពអនាធិបតេយ្យលើដងផ្លូវផងដែរ ។ *
ប៉ុន្តែមួយរយៈចុងក្រោយនេះ ក្រោមការគ្រប់គ្រងរបស់ឧកញ៉ា ទូច សៀ គេសង្កេតឃើញភាពអនាធិបតេយ្យបានកើតឡើងជាប្រចាំ ព្រោះតែរឿងប្រមូលប្រាក់ច្រកបាវ ។ មិនថា រថយន្តតាក់ស៊ី ឬរថយន្តក្រុងនោះទេ បានឈប់លើចិញ្ចើមផ្លូវជាតិលេខ៦ សាងទំនិញ និងរត់ដេញគ្នាចាប់ម៉ូយយ៉ាងប្រសេកប្រសាចពេញដងផ្លូវជាតិ មើលទៅឃើញក្រុងទេសចរណ៍ដ៏ល្អនេះធ្លាក់អន់ទៅវិញ ។ *
ក្រៅពីនោះក៏បានបណ្តោយឱ្យរថយន្តខ្នាតធំៗ បើកដឹកទំនិញចូលក្នុងក្រុងតាមចិត្ត ដោយគ្រាន់តែឱ្យកូនចៅរបស់ខ្លួនឃាត់ស្ទាក់ឱ្យបង់លុយតាមដងផ្លូវតែប៉ុណ្ណោះ ។ សកម្មភាពគ្រប់គ្រងចំណតរថយន្តរបស់លោកឧកញ៉ា ទូច សៀ ក្រៅពីបង្កភាពអនាធិបតេយ្យ បំផ្លាញសណ្តាប់ធ្នាប់សង្គមក៏បណ្តោយឱ្យរថយន្តធំទាំងនោះ បំផ្លាញផ្លូវក្នុងក្រុងផងដែរ ។ *
ភាពកម្សោយនិងគិតតែពីផលប្រយោជន៍ផ្ទាល់ខ្លួនរបស់លោកឧកញ៉ា ទូច សៀ បានបង្ខំចិត្តដល់មហាជនទូទាំងក្រុងសៀមរាប ស្នើទៅថ្នាក់លើឱ្យមានការផ្លាស់ប្តូរអ្នកគ្រប់គ្រងចំណតរថយន្តថ្មីឡើងវិញ ។ ត្បិតឧកញ៉ារូបនេះ ហាក់គ្មានសមត្ថភាព ក្នុងការរៀបចំរថយន្តឱ្យចូលចតក្នុងចំណតនោះឡើយ ។ *
ប្រភពពីប្រជាពលរដ្ឋក្នុងក្រុងសៀមរាប បានលើកឡើងឱ្យអ្នកយកព័ត៌មានយើងដឹងនៅព្រឹកថ្ងៃទី២៥ ខែកុម្ភ: ឆ្នាំ២០២២នេះថា ក្នុងមួយថ្ងៃៗគេសង្កេតឃើញបុគ្គលិករបស់ឧកញ៉ា ទូច សៀ ដាក់ពង្រាយតាមដងផ្លូវផ្នែកខាងលិចក្រុង និង ខាងកើតក្រុង ក្នុងការឃាត់ស្ទាក់រថយន្តឱ្យចូលបង់លុយបេន តែមិនមានអ្នក រៀបចំឱ្យរថយន្តចូលចតក្នុងបេននោះមានរបៀបរៀបរយឡើយ ។ *
ជុំវិញករណីខាងលើនេះ កោះសន្តិភាពយើងមិនអាចស្វែងរកសុំការបំភ្លឺពី លោកឧកញ៉ា ទូច សៀ ដែលជាអ្នកទទួលបានសិទ្ធិក្នុងការគ្រប់គ្រងចំណត រថយន្ត នោះបានទេ នៅព្រឹកថ្ងៃទី២៥ ខែកុម្ភៈ ឆ្នាំ២០២២នេះ ដោយសារទូរស័ព្ទ ហៅចូលគ្មានអ្នកទទួល ៕
*
* *

អត្ថបទសរសេរ ដោយ

សហការី

14K អត្តបទ

កែសម្រួលដោយ

ស្រីណា

60K អត្តបទ

ADផ្ទាំងផ្សព្វផ្សាយពាណិជ្ជកម្ម

ថាកុំឱ្យគេឮ

អត្ថបទសរសេរ ដោយ

កែសម្រួលដោយ

អត្តបទផ្សេងៗទៀត