កំពុងរកម៉ាកដាក់ឱ្យអង្ករសែនក្រអូប និងអង្ករដំណើប
- ភ្នំពេញ
រាជធានីភ្នំពេញ ៖ សហព័ន្ធស្រូវអង្ករកម្ពុជាហៅកាត់ថា CRF បានបង្កើតនូវម៉ាកអង្ករមួយប្រភេទរួចមកហើយ ឈ្មោះហៅថា ម៉ាក «ម្លិះអង្គរ»។ សព្វថ្ងៃ CRF…
រាជធានីភ្នំពេញ ៖ សហព័ន្ធស្រូវអង្ករកម្ពុជាហៅកាត់ថា CRF បានបង្កើតនូវម៉ាកអង្ករមួយប្រភេទរួចមកហើយ ឈ្មោះហៅថា ម៉ាក «ម្លិះអង្គរ»។ សព្វថ្ងៃ CRF…
រាជធានីភ្នំពេញ ៖ សហព័ន្ធស្រូវអង្ករកម្ពុជាហៅកាត់ថា CRF បានបង្កើតនូវម៉ាកអង្ករមួយប្រភេទរួចមកហើយ ឈ្មោះហៅថា ម៉ាក «ម្លិះអង្គរ»។ សព្វថ្ងៃ CRF បាននិងកំពុងត្រៀមរៀបចំបង្កើតម៉ាកអង្ករបន្ថែមចំនួន ២ ទៀត គឺអង្ករសែនក្រអូប និងអង្ករដំណើប ដើម្បីកំណត់គុណភាព និងស្តង់ដារមួយរួមសម្រាប់ដាក់បញ្ចូលទៅក្នុងទីផ្សារអន្តរជាតិ ។
លោកឧកញ៉ា ចាន់ សុខឃាំង អនុប្រធានសហព័ន្ធស្រូវអង្ករកម្ពុជាបានឱ្យដឹងថា អង្ករមានប្រភេទខុសគ្នាដូច្នេះត្រូវការម៉ាកផ្សេងៗដើម្បីបង្ហាញនូវឈ្មោះអង្ករដល់អ្នកទិញ និងជាការកំណត់គុណភាពមួយរួមផងដែរ ។ លោកថា «ក្រោយកំណត់ម៉ាក «ម្លិះអង្គរ» យើងបានចាប់ផ្តើមពង្រឹងលើការងារ ជាមួយដៃគូប្រទេសចិនក្នុងការនាំចេញអង្ករម៉ាកម្លិះអង្គរនេះបានជាបណ្តើរៗផងដែរ» ។
សហព័ន្ធស្រូវអង្ករកម្ពុជាថា ជាគោលដៅក្នុងរយៈពេលវែងខ្លួនត្រូវតែធ្វើ (ម៉ាក) ដើម្បីកំណត់ឱ្យបាននូវស្តង់ដារអង្ករមួយរួម បើមិនដូច្នោះទេ ទោះបីអង្ករកម្ពុជាជាប់លេខ ១ ពិតមែនតែស្តង់ដារវាខុសគ្នាពីកន្លែងមួយទៅកន្លែងមួយ។ ការបង្កើតម៉ាកអង្ករដើម្បីកំណត់នូវអត្តសញ្ញាណមួយរួមគ្នាគុណភាពដូចគ្នា ហើយវាជាគោលដៅរយៈពេលវែងឆ្ងាយទៅមុខទៀត ។ ការកំណត់ម៉ាកអាចការពារពីការលួចបន្លំគុណភាពអង្ករធ្វើឱ្យខូចដល់ឈ្មោះអង្ករខ្មែរទៀតផង ។
លោក សុខ សារ៉ង អ្នកជំនាញខាងម៉ាកសម្គាល់ភូមិសាស្ត្រទំនិញ និងម៉ាកសមូហភាព បានលើកឡើងថា កាលណាផលិតផលមានម៉ាកត្រឹមត្រូវមិនថា ម៉ាកសមូហភាព ឬ ម៉ាកសម្គាល់ភូមិសាស្ត្រទំនិញនោះទេ នឹងធ្វើឱ្យទំនិញមានស្តង់ដារគុណភាពត្រឹមត្រូវ ។ លោកថា នៅពេលអង្ករមានម៉ាក មានន័យថា មានស្តង់ដារ គឺវាទីផ្សារល្អជាងមុន និង មានភាពងាយស្រួលសម្រាប់អតិថិជនទាំងនៅក្នុងស្រុក និងក្រៅស្រុកធ្វើការសម្រេចចិត្តក្នុងការទិញ ឬ មិនទិញ ។
ឆ្នាំ ២០២១ កម្ពុជាបានធ្វើការនាំចេញបានចំនួន ៦១៧ ០៦៩ តោន ដែលគិតជាទឹកប្រាក់មានចំនួន ៤១៨.១៥ លានដុល្លារសហរដ្ឋអាមេរិក និងបានធ្វើការនាំស្រូវចេញបានចំនួន ៣ ៥២៧ ៤១៨ តោន ដែលគិតជាទឹកប្រាក់ប្រមាណជា ៨៤៥.៩៥ លានដុល្លារសហរដ្ឋអាមេរិក ៕
ចែករំលែកព័តមាននេះ