តើកល្យាណមិត្តមានន័យដូចម្តេច ?
យោងតាមសំណេរព្រះមហាស៊ឹម សានិត អ្នកទស្សនវិជ្ជាពុទ្ធសាសនាបានពន្យល់ថា កល្យាណមិត្តពោលគឺ មិត្តល្អ មិត្តមានគុណគាប់ រមែងចេះជួយគ្នាក្នុងគ្រាក្រ គ្រាជួបទុក្ខលំបាកវេទនា នេះជាសន្តានកល្យាណមិត្ត ។…
យោងតាមសំណេរព្រះមហាស៊ឹម សានិត អ្នកទស្សនវិជ្ជាពុទ្ធសាសនាបានពន្យល់ថា កល្យាណមិត្តពោលគឺ មិត្តល្អ មិត្តមានគុណគាប់ រមែងចេះជួយគ្នាក្នុងគ្រាក្រ គ្រាជួបទុក្ខលំបាកវេទនា នេះជាសន្តានកល្យាណមិត្ត ។
នៅក្នុងន័យមួយទៀត អ្នកប្រាជ្ញ បានពោលថា សត្វលោក ដែលគួរឱ្យខ្លាចបំផុត នៅក្នុងភពផែនដីនេះ គឺមិត្តក្លែងក្លាយ ។ មិត្តក្លែងក្លាយ មានន័យថា សត្រូវដ៏កាចសាហាវ ពិសពុល មានពុតត្បុតច្រើនលួចក្លែងបន្លំធ្វើជា កល្យាណមិត្តរបស់យើង ។ ហេតុដូច្នេះហើយ យើងគ្រប់គ្នាត្រូវតែមានស្មារតីប្រុងប្រយ័ត្នខ្ពស់ចំពោះមិត្តភក្តិ ប្រភេទហ្នឹង ។
សូមចងចាំថា កល្យាណមិត្ត ពិតប្រាកដរបស់យើង ទោះបីជាមានរឿងអ្វីកើតឡើង ក៏មិនអាចក្លាយទៅជាសត្រូវបានដែរ ពីព្រោះគេគឺជា មិត្តល្អពិតប្រាកដ ជាមិត្តដែលមិនក្លែងក្លាយ ជាមិត្តដែលមានឧបការៈ ជាមិត្តមានគុណគាប់ប្រសើរថ្លៃថ្លា ។
សូមជូនពរឱ្យគ្រប់គ្នាសេពគប់ជួបប្រសព្វតែមិត្តភក្តិល្អៗ មានគុណគាប់ប្រសើរថ្លៃថ្លា ជាកល្យាណមិត្តពិតប្រាកដ ឥតក្លែងក្លាយតរៀងទៅ ៕ សាន សារិន
ចែករំលែកព័តមាននេះ