ប្រទេសកូរ៉េខាងត្បូង ៖ កងទ័ពកូរ៉េខាងត្បូងកាលពីថ្ងៃទី២៣ ខែកុម្ភៈ ឆ្នាំ២០២២ បានបាញ់សាកល្បង ដោយជោគជ័យមីស៊ីលស្ទាក់កម្ទេចមីស៊ីលដី-អាកាសរបស់ខ្លួន ដែលអាចបាញ់បានឆ្ងាយធុន L-SAM ដែលកំពុងផលិត ។ នេះជាការអះអាងរបស់ប្រភពច្បាស់ការណ៍ ដើម្បីជាការប្រឈមមុខ ចំពោះការគំរាមកំហែង បាលីស្ទិករបស់កូរ៉េខាងជើង។
ទីភ្នាក់ងារទទួលបន្ទុកអភិវឌ្ឍនផ្នែកការពារ ដែលរដ្ឋគ្រប់គ្រងបានត្រួតពិនិត្យការបាញ់សាកល្បងនោះ ដែលបាញ់ចេញពីទីតាំងសាកល្បង TAEAN ចម្ងាយ១៥០គីឡូម៉ែត្រ ភាគនិរតីក្រុងសេអ៊ូល។ ភាពលម្អិតស្ដីពីការសាកល្បងនោះ នៅមិនមាននៅឡើយតែមីស៊ីលនោះបាញ់សាកល្បង ដើម្បីចង់ដឹងថា តើវាអាចហោះហើរតាមផ្លូវកំណត់ទុកនិងធ្លាក់ចំគោលដៅដែរឬយ៉ាងណា?។
កងទ័ពកូរ៉េខាងត្បូងស្វែងរកដាក់ពង្រាយប្រព័ន្ធមីស៊ីលនោះរហូតដល់ឆ្នាំ២០២៦ ក្នុងក្របខណ្ឌកម្មវិធីប្រឆាំងមីស៊ីល ពហុស្រទាប់របស់ប្រទេស។ មីស៊ីលL-SAM ផលិតសម្រាប់បាញ់ទម្លាក់បណ្ដាមីសីុលដែលហោះហើរក្នុងកម្ពស់ប្រមាណពី៥០ទៅ៦០គីឡូម៉ែត្រ។
ការសាកល្បងនោះធ្វើឡើង ខណៈមនុស្សមួយចំនួនគិតថា កងទ័ពកូរ៉េខាងត្បូងអាចជម្រុញដាក់ពង្រាយមីស៊ីល L-SAM ព្រោះការបាញ់សាកល្បងបណ្ដាមីស៊ីលរបស់កូរ៉េខាងជើងកាលពីខែមករា ក្នុងនោះមានមីស៊ីលលឿនជាងសំឡេងច្រើនដងផង បានចោទបញ្ហាសមត្ថភាព នៃការស្ទាក់កម្ទេចរបស់កូរ៉េខាងត្បូង។
ក្រោយពេលដាក់ពង្រាយមីស៊ីល L-SAM នឹងជាសមាសភាពគន្លឹះ នៃកម្មវិធីប្រឆាំងមីស៊ីលរបស់ក្រុងសេអ៊ូល ដែលមានរួចហើយមីស៊ីលស្ទាក់កម្ទេច PATRIOTE ADVANCED CAPABIKITY និងមីស៊ីលដី-អាកាសកម្រិតមធ្យម។ ម្យ៉ាងទៀតកងទ័ពអាមេរិកក៏បានដាក់ពង្រាយដែរមីស៊ីលប្រឆាំងមីស៊ីលធុន THAADនៅដែនដីកូរ៉េខាងត្បូង៕ ដកស្រង់ចេញពីវេបសាយ ៖ yna
ចែករំលែកព័តមាននេះ