បរទេសម្នាក់ដេញតាមចោរឆក់ ជួបគ្រោះ ថែមទាំងជួបជនឆ្លៀតឱកាសទៀត
- ភ្នំពេញ
រាជធានីភ្នំពេញ ៖ បុរសជនជាតិស្បែកខ្មៅម្នាក់បានជិះម៉ូតូដេញតាមជនសង្ស័យមួយក្រុមដែលធ្វើសកម្មភាពឆ.ក់
រាជធានីភ្នំពេញ ៖ បុរសជនជាតិស្បែកខ្មៅម្នាក់បានជិះម៉ូតូដេញតាមជនសង្ស័យមួយក្រុមដែលធ្វើសកម្មភាពឆ.ក់
រាជធានីភ្នំពេញ ៖ បុរសជនជាតិស្បែកខ្មៅម្នាក់បានជិះម៉ូតូដេញតាមជនសង្ស័យមួយក្រុមដែលធ្វើសកម្មភាពឆ.ក់ទូរសព្ទ័របស់ខ្លួន រួចក៏ជ្រុលទៅបុ.កបង្គោលភ្លើង បណ្ដាលឲ្យរងរបួសបាក់ជើងខាងស្តាំ ហើយត្រូវជនឆ្លៀតឱកាសលួចយកកាបូបលុយថែមទៀត ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោង៩យប់ថ្ងៃទី២២ ខែកុម្ភៈ ឆ្នាំ២០២២ តាមបណ្ដោយផ្លូវលេខ៨៥ BT ភូមិចំរើនផល ស្ថិតក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ។
តាមប្រភពពីមិត្តភ័ក្តិរបស់ជនរងគ្រោះបានអោយដឹងថា មុនពេលកើតហេតុ ជនរងគ្រោះ បានជិះម៉ូតូចេញពីផ្ទះរបស់គាត់នៅម្តុំភូមិចំរើនផល តាមផ្លូវបេតុងមួយកន្លែង ស្រាប់តែមានជនសង្ស័យចំនួន២នាក់ បានជិះម៉ូតូជាប្រភេទអូតូ មិនចាំស្លាកលេខ បានមកធ្វើសកម្មភាព ឆក់យកទូរសព្ទ័មិនចាំម៉ាករបស់ជនរងគ្រោះបានសម្រេចហើយបន្ថែមល្បឿនជិះម៉ូតូគេចខ្លួនតាមផ្លូវ៨៥BT ។
តាមប្រភពដដែលបានបន្តថា ពេលនោះ ជនរងគ្រោះបានជិះម៉ូតូដេញតាមមកដល់ចំនុចកើតហេតុខាងលើ ក៍ស្រាប់តែជ្រុលទៅបុ.កបង្គោលភ្លើងបេតុង បណ្ដាលឲ្យរងការខូចខាតម៉ូតូ ព្រមទាំងធ្វើឱ្យបុរសជនជាតិស្បែកខ្មៅ រូបនោះរងរបួសបាក់ជើងខាងស្តាំធ្ងន់ធ្ងរ នៅពេលដែលជនរងគ្រោះកំពុងរងរបួសដេកដួល ក៏ស្រាប់តែមានជនឆ្លៀតឱកាសបានមកបន្លំលួចយកកាបូបលុយដែលមានលុយក្នុងកាបូបនោះអស់មួយចំនួនថែមទៀតផង ។
ក្នុងហេតុការណ៍ខាងលើនេះដែរ បន្តិចក្រោយ បងប្អូនប្រជាពលរដ្ឋបានរាយការណ៍ជូនសមត្ថកិច្ចមូលដ្ឋានអោយចុះទៅកន្លែងកើតហេតុ ព្រមទាំងបានទំនាក់ទំនងហៅរថយន្តសង្គ្រោះ អោយមកដឹកយកជនរងគ្រោះ ទៅសង្គ្រោះនៅ គ្លីនិកឯកជនភ្លាមៗផងដែរ ។
ក្រោយពេលកើតហេតុ នៅតែម៉ូតូ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលបឹងទំពន់ទី១ រង់ចាំជនរងគ្រោះមកដាក់ពាក្យបណ្ដឹងផងដែរ ៕
ចែករំលែកព័តមាននេះ