បុគ្គលិកព្រលានយន្តហោះម្នាក់ ជួបគ្រោះអកុសលធ្លា.ក់ចូលទឹកស្ទឹងសៀមរាប
- សៀមរាប
ខេត្តសៀមរាប ៖ បុរសជនជាតិចិន ជាបុគ្គលិកព្រលានយន្តហោះថ្មីម្នាក់ ចេញពីផឹកស៊ីស្រវឹងស្រា បើកហួសផ្លូវ ធ្លាក់
ខេត្តសៀមរាប ៖ បុរសជនជាតិចិន ជាបុគ្គលិកព្រលានយន្តហោះថ្មីម្នាក់ ចេញពីផឹកស៊ីស្រវឹងស្រា បើកហួសផ្លូវ ធ្លា.ក់ចូលទឹកស្ទឹងសៀមរាប បណ្តាលឱ្យល.ង់ទឹកស្លា.ប់ភ្លាមៗ បង្កការភ្ញាក់ផ្អើលកើតឡើងកាលពីវេលាម៉ោង៤ទៀបភ្លឺថ្ងៃទី២១ ខែកុម្ភៈ ឆ្នាំ២០២២ ស្ថិតនៅត្រង់ចំណុចក្នុងស្ទឹងសៀមរាប ក្រុមទី០១ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ។
បើតាមប្រភពពីមន្ត្រីនគរបាលមូលដ្ឋាន បានឱ្យដឹងថា ជនរងគ្រោះឈ្មោះ JIA ZEMING ភេទប្រុស អាយុ២៧ឆ្នាំ ជនជាតិចិន មុខរបរ បុគ្គលិកព្រលានយន្តហោះថ្មី កាន់លិខិតឆ្លងដែនលេខៈ EJ1788667 ស្នាក់នៅភូមិប្រវាល ឃុំពពេល ស្រុកសូទ្រនិគម ខេត្តសៀមរាប ជាអ្នកបើកបរម៉ូតូមួយគ្រឿងម៉ាកហុងដា ស្គូពី ពណ៌ស ពាក់ស្លាកលេខបន្ទាយមានជ័យ 1J-5814 ។
តាមប្រភពដដែលបានបន្តថា បន្ទាប់ពីមានករណីគ្រោះថ្នាក់ចរាចរណ៍មួយដែលបង្កឡើងដោយខ្លួនឯង បណ្តាល ឱ្យជនរងគ្រោះធ្លាក់ចូលក្នុងទឹកស្ទឹងសៀមរាបល.ង់ស្លា.ប់រួចមក កម្លាំងនគរបាលការិយាល័យជំនាញនៃស្នងការដ្ឋាននគរបាលខេត្តសៀមរាប ដោយមានការចូលរួមសម្របសម្រួលពីលោកព្រះរាជអាជ្ញាអមសាលាដំបូងខេត្តសៀមរាប បានចុះពិនិត្យកន្លែងកើតហេតុ និងធ្វើកោសល្យវិច័យស.ពជនរងគ្រោះ ។
តាមការសន្និដ្ឋានរបស់ក្រុមគ្រូពេទ្យ និងសមត្ថកិច្ចជំនាញដែលធ្វើកោសល្យវិច្ច័យស.ពជនរងគ្រោះ បានបញ្ជាក់ថា ជនរងគ្រោះស្លា.ប់ដោយសារល.ង់ទឹកពិតប្រាកដមែន មិនមានពាក់ព័ន្ធនិងបទល្មើសព្រហ្មទណ្ឌអ្វីឡើយ ហើយមូលហេតុបើកបរក្នុងស្ថានភាពស្រវឹងបើកហួសផ្លូវ បណ្តាលឱ្យធ្លា.ក់ចូលទឹកស្ទឹងល.ង់ស្លា.ប់។
បច្ចុប្បន្ន ស.ពជនរងគ្រោះត្រូវបានសមត្ថកិច្ចការិយាល័យនគរបាលជំនាញនៃខេត្តសៀមរាប បញ្ជូនទៅតម្កល់ទុកនៅវត្តទឹកថ្លា រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារ និងស្ថានទូត ៕
ចែករំលែកព័តមាននេះ