បង្ក្រាបទីតាំងបង្កប់ល្បែងស៊ីសងតាមប្រព័ន្ធអ៊ីនធើរណេត២ទីតាំង ឃាត់ខ្លួន១៧នាក់ ក្នុងខណ្ឌដូនពេញ
- ភ្នំពេញ
រាជធានីភ្នំពេញ ៖ មន្ត្រីរដ្ឋបាលខណ្ឌដូនពេញបានឱ្យដឹងថា ដោយទទួលបានសេចក្តីរាយការណ៍ពីប្រជាពលរដ្ឋក្នុង
រាជធានីភ្នំពេញ ៖ មន្ត្រីរដ្ឋបាលខណ្ឌដូនពេញបានឱ្យដឹងថា ដោយទទួលបានសេចក្តីរាយការណ៍ពីប្រជាពលរដ្ឋក្នុងមូលដ្ឋានខណ្ឌអំពីការលបលួចបើកល្បែកស៊ីសងខុសច្បាប់ ក្នុងមូលដ្ឋានខណ្ឌ នៅវេលាម៉ោង៣និង៣០នាទីរសៀលថ្ងៃទី២០ ខែកុម្ភៈ ឆ្នាំ២០២២ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានចាត់អោយលោក នី សាមិត្ត ប្រធានការិយាល័យសាធារណៈ និងសណ្តាប់ធ្នាប់ខណ្ឌ ដឹកនាំកម្លាំងចម្រុះ ចុះបង្ក្រាបល្បែងស៊ីសងខុសច្បាប់ តាមប្រព័ន្ធអ៊ីនធើណេតបានចំនួន២ទីតាំង ក្នុងនោះទីតាំងទី១-ផ្ទះលេខ៦៣ ផ្លូវលេខ៥៣ និងទីតាំងទី២-ផ្ទះលេខ៦៩ ផ្លូវលេខ៥៣ ។
មន្ត្រីដដែលបានបញ្ជាក់ថា ជាលទ្ធផលពិនិត្យឃើញថា ទីតាំងខាងលើនេះពិតជាបានបើកល្បែងស៊ីសងខុសច្បាប់ តាមប្រព័ន្ធOnline ដូចសេចក្ដីរាយការណ៍ប្រាកដមែន ក្រុមការងារសម្រេច ធ្វើការដកហូតសម្ភារៈ រួមមានកុំព្យូទ័រ ទូរទស្សន៍ និងសំភារៈមួយចំនួនទៀតដែរ បម្រើអោយការប្រព្រឹត្តល្បែងស៊ីសងយកទៅរក្សាទុក នៅរដ្ឋបាលខណ្ឌដូនពេញ ចំពោះមនុស្សចំនួន១៧នាក់ បញ្ជូនទៅប៉ុស្តិ៍នគរបាល ផ្សារថ្មីទី១ ដើម្បីអនុវត្តតាមផ្លូវច្បាប់ ៕
ចែករំលែកព័តមាននេះ